Forest in Cambodia

Sunday, November 25, 2012

កម្លាំងសន្តិសុខថៃ បំបែកអ្នកតវ៉ា ការពារស្យ៉ាម,មេដឹកនាំលាលែង

Sunday, 25 November 2012 Im Soneath From The Phnom Penh Post

ក្រុងបាងកកៈ មេដឹកនាំ ក្រុមភីតាក់ស្យ៉ាម (ការពារសៀម)លោកឧត្តមសេនីយ៍ ប៊ិនលើត កែវប្រាស៊ីត កាលពីថ្ងៃសៅរ៍ បានបញ្ចប់ការតវ៉ាប្រឆាំងនឹងរដ្ឋាភិបាលរបស់ក្រុមនេះ បន្ទាប់ពីការជួបប្រជុំ៨ម៉ោង បានបណ្តាលឲ្យមនុស្ស៦១នាក់រងរបួស និង១៣៨នាក់ទៀត ត្រូវចាប់ខ្លួន និងបានទាក់ទាញការចូលរួមពីអ្នកគាំទ្រតិចជាងការរំពឹងទុក។
ប៉ុន្តែក្រុមអ្នកតវ៉ាដែលត្រូវបានចាប់ខ្លួនភាគច្រើន ត្រូវបានដោះលែងស្ទើរតែទាំងអស់កាល ពីថ្ងៃអាទិត្យ។ ប៉ូលិសបាននិយាយថា មានតែអ្នកតវ៉ាពីរនាកប៉ុណ្ណោះនៅជាប់ឃុំខ្លួនប៉ូលិស ខណៈ១៣៦នាក់ត្រូវបានដោះលែង។

ឧត្តមសេនីយ៍ចូលនិវត្តន៍ ប៊ុនលើត បានប្រ កាសប្រាប់ហ្វូងអ្នកតវ៉ា នៅម៉ោងប្រមាណ៥ល្ងាច ក្នុងអំឡុងពេលមានភ្លៀងធ្លាក់ដូចហែកមេឃថា ដើម្បីសង្គ្រោះជីវិតក្រុមអ្នកតវ៉ា ការជួបជុំគ្នាតវ៉ានេះ ត្រូវបានបញ្ចប់ហើយ។ ឧត្តម សេនីយ៍ ប៊ុនលើត ក៏បានលាលែង ពីមេដឹកនាំរបស់ក្រុមនេះផងដែរ។
ដោយសំដៅលើរូបលោក និងលើកឡើងថាលោកនឹងមិនចូលរួមការជួបជុំនយោបាយណា ទៀតនោះ លោក បានបញ្ជាក់ថា៖«ប៊ុនលើត បានស្លាប់បាត់ទៅហើយ»។ លោក បានថ្លែងបន្តថា៖«យកល្អខ្ញុំគួរតែទៅធ្វើកថិនវិញ»។

Thursday, November 22, 2012

ខ្មែរក្រោមចូលផ្តល់កសិណលើកដំបូងនៅសាសាក្តីថ្ងៃនេះ

Thursday, 22 November 2012 Bridget Di Certo Phnom Penh Post

ប្រជាពលរដ្ឋទៅចូលរួមទស្សនា សវនាការ សាលាក្តីខ្មែរក្រហម កាលពីពេលកន្លងមក។ រូបថត ហេង ជីវ័ន

ភ្នំពេញៈពួកគេត្រូវបានគេពណ៌នាថា មាន« ក្បាលយួន ខ្លួនខ្មែរ» ហើយត្រូវបានបំបែកពីភូមិមួយទៅភូមិមួយ បំបែកភរិយាពីប្តីកូនពីឪពុកម្តាយ ហើយត្រូវបានគេចុចឈ្មោះ ដើម្បីយកទៅប្រហារជីវិតដោយខ្មែរក្រហម។ នៅថ្ងៃនេះ គឺជាលើកដំបូងហើយ ដែលខ្មែរកម្ពុជាក្រោម មានឱកាសឡើងផ្តល់កសិណនៅសាលាក្តីខ្មែរក្រហម។

ជោគជ័យតូចនេះ គឺជាលទ្ធផលល្វីងផ្អែមនៃការតស៊ូដ៏លំបាក ដែលគេនឹងនាំយកឧក្រិដ្ឋកម្ម ដែលប្រព្រឹត្តប្រឆាំងនឹង«ខ្មែរ ក្រោម»ឡើងតុលាការខ្មែរក្រហម ដែលគាំទ្រដោយអង្គការសហប្រជាជាតិ។

លោក Vinita Ramani សហស្ថាបនិក អង្គការលទ្ធភាពឆ្ពោះទៅរកយុត្តិធម៌ បានប្រាប់កាសែតភ្នំពេញ ប៉ុស្តិ៍ថា៖«ការចោទប្រកាន់លើកដំបូង(ក្នុងសំណុំរឿង០០២) បានចោទលើអតីតក្រុមមេដឹកនាំខ្មែរក្រហមជាន់ខ្ពស់ ពីបទប្រល័យពូជសាសន៍ប្រឆាំងចាមមូស្លីមនៅកម្ពុជា និងជនជាតិ វៀតណាម ប៉ុន្តែមិនបានរាប់បញ្ចូលខ្មែរក្រោមទេ»។

ការសុំសិក្សាពីការស្លាប់នៅកោះពេជ្រត្រូវច្រានចោល

Thursday, 22 November 2012 Joe Freeman Phnom Penh Post

គំនរស្បែកជើងរបស់ជនរងគ្រោះដែលស្លាប់នៅលើស្ពានកោះពេជ្រ បន្ទាប់ពីជនរងគ្រោះត្រូវលើកចេញអស់។ រូបថត លីណា

ភ្នំពេញៈ ក្រសួងសុខាភិបាលកម្ពុជា មិនឯកភាពលើការសិក្សាស្រាវជ្រាវ អំពីផលប៉ះពាល់នៃទុក្ខសោកមកលើសមាជិកគ្រួសារ ដែលបានបាត់បង់កូនចៅ នៅក្នុងការរត់ជាន់គ្នា ដែលបានកើតឡើងនៅលើស្ពានកោះពេជ្រ នៅថ្ងៃចុងក្រោយ នៃពិធីបុណ្យអុំទូកកាលពីឆ្នាំ ២០១០នោះទេ។ នេះបើយោងតាមក្រុមស្រាវជ្រាវ ដែលបានដាក់សំណើសិក្សានេះ។

កាល ពីថ្ងៃទី ២២ ខែវិច្ឆិកា ឆ្នាំ ២០១០ កន្លងទៅ មនុស្សយ៉ាងហោចណាស់ ៣៥៣ នាក់បានស្លាប់ និងរាប់រយនាក់ទៀត បានរងរបួសនៅក្នុងឧបទ្ទវហេតុដែលត្រូវបានគេហៅថា បណ្តាលមកពីការរត់ជាន់គ្នា នៅលើស្ពានកោះពេជ្រ ជាកោះដែលទើបអភិវឌ្ឍថ្មីមួយ របស់រាជធានីភ្នំពេញ។

បើ ទោះបីជាគណៈកម្មការស៊ើបអង្កេតរបស់រដ្ឋាភិបាល បានបង្ហាញថា ការស្លាប់គរលើគ្នាជាពំនូក ស្អិតទាញមិនចង់ចេញ បណ្តាលមកពីការថប់ដង្ហើមដោយសារតែរត់ជាន់គ្នាក៏ដោយ ក៏នៅក្នុងអំឡុងពេលនោះ ភ្នំពេញ ប៉ុស្តិ៍ បានរាយការណ៍ដោយបានដកស្រង់សម្តីរបស់ជនរងគ្រោះ នៅក្នុងហេតុការណ៍ នោះមួយចំនួន ដែលអះអាងថា ការស្លាប់ច្រើនគរលើគ្នា ស្អិតដកខ្លួនមិនរួចនោះ គឺដើមហេតុបណ្តាលមកពីខ្សែភ្លើង ដែលគេតដាក់ភ្លើងលម្អស្ពាន បានឆ្លងហើយឆក់។ ក៏ប៉ុន្តែយ៉ាងណាក្តី ការអះអាងនេះ ត្រូវបានមន្ត្រីរដ្ឋាភិបាលច្រានចោលភ្លាមៗផងដែរ។

អូបាម៉ាពុំបាននិយាយមួយម៉ាត់សោះមកកាន់ប្រជាជនកម្ពុជារហូតវិលទៅវិញ

Thursday, 22 November 2012 David Boyle និង ឃុត សុភចរិយា Phnom Penh Post

លោកប្រធានាធិបតីសហរដ្ឋអាមេរិក បារ៉ាក់ អូបាម៉ា អង្គុយជួរមុខ (ទី២ រាប់ពីឆ្វេង) ស្ងាបក្នុងពេលប្រជុំកំពូលអាស៊ានជាមួយបណ្តាមេដឹកនាំនៃប្រទេសផ្សេងទៀត នៅក្នុងតំបន់អាស៊ាន និងអាស៊ីបូព៌ា។ រូបថត ម៉េងស៊្រុន

ភ្នំពេញៈ លោក បារ៉ាក់ អូបាម៉ា ប្រធានាធិបតីសហរដ្ឋអាមេរិកក្នុងឋានៈជាប្រមុខរដ្ឋអាមេរិក ទី១ដែលបានធ្វើទស្សនកិច្ចជាប្រវត្តិសាស្ត្រមកកាន់កម្ពុជា មិនបាននិយាយពាក្យមួយម៉ាត់សោះ ទៅកាន់ប្រជាជនកម្ពុជាឡើយ បើទោះបីជាមនុស្សជាច្រើន បានកត់សម្គាល់ថា លោកមានពេលវេលាប្រថុចញ៉ុចណាស់ក្តី។

ចិន កម្ពុជា និងប្រទេសរបបកុម្មុយនីស្តដទៃទៀត បានចាប់យកឱកាសផ្សព្វផ្សាយ ដោយមិនសូវផ្តល់ព័ត៌មានច្រើនទេ ក្នុងកិច្ចប្រជុំជាលក្ខណៈអន្តរជាតិ។ ប៉ុន្តែ សម្រាប់បណ្តាប្រទេសលទិ្ធប្រជាធិបតេយ្យធំៗ នៅលើពិភពលោកមួយចំនួន នៅក្នុងកិច្ចប្រជុំកំពូលអាស៊ាន នៅភ្នំពេញ នាសប្តាហ៍នេះ បានសម្រេចចិត្តនៅស្ងាត់ស្ងៀម ឬស្ទាក់ស្ទើរ មិនផ្តល់ព័ត៌មាន ដល់ក្រុមអ្នកសារព័ត៌មានជាតិ និងអន្តរជាតិ។

ប្រជាជនកម្ពុជាជាច្រើន គិតចាប់ពីមនុស្សនៅតាមផ្លូវ រហូតដល់ឥស្សរជន បានសម្តែងការខកចិត្ត ដែលមេដឹកនាំមហាអំណាចពិភពលោក មានកម្មវិធីមមាញឹកខ្លាំង ដែលលោកមិនអាចថ្លែងទៅកាន់ពួកគេបាន។ អ្នកផ្សេងទៀតសោកស្តាយ ដែលលោកប្រធានាធិបតីអាមេរិក មិនអាចទៅទស្សនាកន្លែងប្រវតិ្តសាស្រ្តដ៏អស្ចារ្យ ដែលបង្ហាញពីភាពរុងរឿងនៃអាណាចក្រអង្គរ និងសោកនាដកម្មដែលកើតឡើងនៅកម្ពុជា ជាប្រវតិ្តសាស្រ្ត ដែលសហរដ្ឋអាមេរិក បានដើរតួនាទីលេចធ្លោ។

SOS Obama protests gain traction

Khouth Sophak Chakrya, Phnom Penh Post, 19 2012

Children make a house in the sand at Boeung Kak lake during a protest in Phnom Penh, Sunday, Nov. 18, 2012, by a group of villagers from several communities affected by land grabs. Photograph: Khouth Sophak Chakrya/Phnom Penh Post

Capitalising on recent worldwide attention to their plight, some 200 villagers who say they’ve been robbed of their homes and land staged a vivid and stylised protest yesterday aimed at President Obama and Secretary of State Hillary Clinton, calling for intervention in Phnom Penh’s land-titling crisis.

Boeung Kak and Borei Keila land activists, among others, took to the sand plateau of what was once a lakeside community bearing enormous “SOS” signs with the faces of US leaders in what they promise is the first of many protests timed to coincide with the ASEAN summit.

Despite recently being thrown in a prison cell for similar “SOS” actions at the Thmarkol community near Phnom Penh airport, 34-year-old Chhay Nem joined in the protest.
“I will not fear another arrest; I am not breaking the law,” Nem said, putting aside her fears for her personal safety for the protection of her home. As well as a scrum of international media, the protestors were surrounded by hundreds of riot and district police, with metal crowd control barriers blocking all exits to the former lake area.
After a peaceful face-off between the authorities and the protestors, crowds dwindled throughout the afternoon with a small squadron of police remaining close to the Boeung Kak community at the time of going to press.

Land dispute back in court

May Titthara, The Phnom Penh Post, Nov. 20 2012

Seven representatives of 415 families entangled in an unresolved land dispute with a deputy commander of the Royal Cambodian Armed Forces have received a second summons to appear in Battambang Provincial Court to clarify accusations that they had vandalised the commander’s property, village representatives said.

According to representative Im Sam Oeurn, he and six other residents of Andoung Kantout village in Kors Kralor district’s Dounba commune were asked to appear yesterday and today to explain allegations that they had damaged rubber trees owned by RCAF deputy commander Long Sidare, trees that Sam Oeurn said were planted on land previously occupied by villagers.

“They not only sued us for damaging the rubber plantation, but also bulldozed our land for the rubber plantation, so I want to issue a strong rejection of this allegation,” he said.

ពលរដ្ឋ ១២ គ្រួសារបារម្ភពីការបាត់បង់ដីធ្លីរបស់ខ្លួន

សែន ដាវីត និងផាក់ ស៊ាងលី ភ្នំពេញប៉ុស្តិ៍ ថ្ងៃទី ២១ វិច្ឆិកា ២០១២

កោះកុងៈ ប្រជាពលរដ្ឋនៅស្រុកបទុមសាគរ ចំនួន ១២ គ្រួសារ ដែលមានជម្លោះដីធ្លី ជាមួយលោក ហេង ហ៊ុយ ដែលជាអ្នកមានម្នាក់ កំពុងព្រួយបារម្ភ ពីការបាត់បង់ដីធ្លី របស់ខ្លួនខណៈដែលគណៈកម្មការដោះស្រាយជម្លោះដីធ្លីខេត្ត បានចុះទៅពិនិត្យដីជម្លោះដោយមិនបានប្រាប់ពីដំណោះស្រាយ។

លោក នាង បូរ៉ាទីណូ អ្នកសម្របសម្រួល សមាគមអាដហុក ប្រចាំខេត្តកោះកុងបានឲ្យដឹងកាលពីម្សិលមិញថា ប្រជាពលរដ្ឋទាំង ១២គ្រួសារដែលកំពុងរស់នៅក្នុងភូមិធ្នង់ ឃុំកណ្តោល ស្រុកបទុម សាគរកំពុងព្រួយបារម្ភយ៉ាងខ្លាំងបន្ទាប់ពីអាជ្ញាធរខេត្ត បានចុះទៅកន្លែងដីទំនាស់កាលពីថ្ងៃចន្ទ ហើយមិនបានប្រាប់ពីដំណើរការដោះស្រាយជម្លោះដីធ្លីនោះ។

លោក នាង បូរ៉ាទីណូ បញ្ជាក់ថា៖«ពួកគាត់ព្រួយណាស់ព្រោះអ្វីៗមិនទាន់ច្បាស់លាស់។ មិនដឹងថា ត្រូវបាត់បង់ដី ឬយ៉ាងណា។ លទ្ធផលដែលអាជ្ញាធរខេត្តចុះទៅនោះអត់មាន»។ លោកថ្លែងថា ប្រជាពលរដ្ឋទាំងនោះ កំពុងរស់នៅនិងបង្កបង្កើនផលលើផ្ទៃ ដីជាង១១ ហិកតា។ ដីនោះកំពុងមានទំនាស់ជាមួយលោកហេង ហ៊ុយដែលមានប្លង់កម្មសិទិ្ធលើដីជម្លោះជាង ៤៩០០ ម៉ែត្រការ៉េ។

តុលាការពន្យារពេលចុះរុះរើលំនៅដ្ឋានពលរដ្ឋ ១៤គ្រួសារ

ផាក់ ស៊ាងលី ភ្នំពេញប៉ុស្តិ៍ ថ្ងៃទី ២១ វិច្ឆិកា ២០១២

ព្រះសីហនុៈ សាលាដំបូងខេត្តព្រះសីហនុ បានពន្យារពេលការចុះអនុវត្តសាលដីកា ធ្វើការរុះរើ និងឈូសឆាយលំនៅដ្ឋាន និងដីរបស់ប្រជាពលរដ្ឋ១៤គ្រួសារដែលស្ថិតនៅក្នុងភូមិ៤ សង្កាត់លេខ ៤ ដែលគ្រោងធ្វើនៅថ្ងៃពុធនេះ។

សាលាដំបូងខេត្តព្រះសីហនុ កាលពីថ្ងៃទី ២៤ ខែតុលាឆ្នាំ ២០១២ នេះ បានចេញលិខិតជូនដំណឹងដល់ប្រជាពលរដ្ឋចំនួន ១៤ គ្រួសារឲ្យធ្វើការរុះរើផ្ទះចេញឲ្យបានមុនថ្ងៃពុធទី ២១ខែវិច្ឆិកាឆ្នាំ ២០១២ នេះ។ លិខិតជូនដំណឹងដែលចុះហត្ថលេខាដោយលោកចៅក្រមម៉ុង មុន្នីចរិយាបានបញ្ចាក់ថា«សូមធ្វើការរុះរើ និងចាកចេញពីដីដោយខ្លួនឯង ក្នុងករណីរឹងរូស តុលាការ នឹងចាត់វិធានការអនុវត្តតាមអំណាចសាលដីការបស់តុលាការកំពូល ហើយមិនទទួលខុសត្រូវ រាល់ការខូចខាត បាក់បែកសម្ភារសំណង់ទាំងអស់នោះឡើយ»។

អង្គការតម្លាភាពធ្វើផែនការបីឆ្នាំបញ្ជ្រាបប្រជាពលរដ្ឋពីការទប់ស្កាត់អំពើពុករលួយ

Wednesday, 21 November 2012 គឹម យុទ្ធណា Phnom Penh Post

ប្រជាសហគមន៍បុរីកីឡា មកតវ៉ាពីការបាត់បង់ដី ផ្ទះសម្បែង សង្ស័យមកពីអំពើពុករលួយ។ រូប ហេង ជីវ័ន

ភ្នំពេញៈ អង្គការតម្លាភាពកម្ពុជាបានប្រកាសថា ខ្លួននឹងអនុវត្តកម្មវិធី និងផែនការយុទ្ធសាស្ត្រមួយក្នុងរយៈពេល៣ឆ្នាំ ដែលចាប់ផ្តើមពីឆ្នាំ២០១២នេះ រហូតដល់ឆ្នាំ២០១៥ ក្នុងបំណងផ្សព្វផ្សាយនិងបញ្ជ្រាបការយល់ដល់ប្រជាពលរដ្ឋ ដើម្បីទប់ស្កាត់អំពើពុករលួយ ដែលធ្វើឲ្យរាំងស្ទះដល់ការអភិវឌ្ឍប្រទេសជាតិ។

លោក ព្រាប កុល នាយកប្រតិបត្តិរបស់អង្គការតម្លាភាពកម្ពុជាបានប្រាប់ភ្នំពេញ ប៉ុស្តិ៍ កាលពីថ្ងៃម្សិលមិញថា កម្មវិធីផែនការ៣ឆ្នាំ ធ្វើឡើងដើម្បីគាំទ្រតម្លាភាពនិងសុចរិតភាព ព្រមទាំងពង្រឹងការយល់ដឹងរបស់ប្រជាពលរដ្ឋកម្ពុជា ឲ្យរួមគ្នាទប់ស្កាត់ និងប្រឆាំងអំពើពុករលួយ។

លោកបន្តថា កម្មវិធីនេះនឹងធ្វើការសហការជាមួយនឹងអង្គការសង្គមស៊ីវិល រដ្ឋាភិបាល វិស័យឯកជន សិស្ស និស្សិត ប្រជាពលរដ្ឋគ្រប់ស្រទាប់ និងមន្ត្រីរាជការ ដើម្បីបង្កើតឲ្យមានកិច្ចខិតខំប្រឹងប្រែងរួមគ្នាឲ្យមានប្រសិទ្ធភាពក្នុងការប្រឆាំងអំពើពុករលួយ។

លោកបញ្ជាក់ថា៖ «វាជាការប្រមូលកម្លាំងក្នុងចលនាសង្គមមួយដើម្បីផ្តល់ឲ្យប្រជាពលរដ្ឋនូវការយល់ដឹងអំពីបញ្ហាអំពើពុករលួយនៅក្នុងសង្គម និងធ្វើការចូលរួមប្រយុទ្ធប្រឆាំងនឹងបញ្ហានេះ»។

តាមការបញ្ជាក់របស់លោក ព្រាប កុល បានឲ្យដឹងថា កម្មវិធីផែនការ៣ឆ្នាំ បានធ្វើឡើងដោយពឹងផ្អែកលើសសរទ្រូង៣សំខាន់គឺៈ ទី១-ការសិក្សាស្រាវជ្រាវ និងការតស៊ូមតិ ទី២-ការបង្កើតសម្ព័ន្ធភាពនិងភាពជាដៃគូ និងទី៣-ការចូលរួមពីសាធារណជន និងប្រព័ន្ធព័ត៌មានផ្សេង។ លោកបន្តថា កម្មវិធីផែនការ៣ឆ្នាំនេះត្រូវចំណាយថវិកាប្រមាណ ២លាន៥សែនដុល្លារសហរដ្ឋអាមេរិក ដែលជាការគាំទ្រមូលនិធិដោយប្រទេស ស៊ុយអែត និងប្រទេសអូស្ត្រាលី។

ពលរដ្ឋរងគ្រោះដោយបញ្ហាដីធ្លីបន្តធ្វើការតវ៉ា

Wednesday, 21 November 2012 ឃុត សុភចរិយា Phnom Penh Post

សកម្មភាពតវ៉ា របស់ក្រុមអ្នកភូមិ នៅលើវាលខ្សាច់ នៃអតីតបឹងកក់ ដែលកើតមានជម្លោះដីធ្លីដ៏រ៉ាំរ៉ៃ។ រូបថត ហុង មិនា

ភ្នំពេញៈ ក្រុមសកម្មជនដីធ្លីទាំងចាស់ទាំងក្មេង ជាង ២០០ នាក់ មកពីសហគមន៍ចំនួនបួន ក្នុងរាជធានីភ្នំពេញ បានបន្តជួបប្រជុំគ្នា នៅលើវាលខ្សាច់អតីតបឹងកក់ ដែលស្ថិតនៅចម្ងាយប្រមាណជាង ៥០០ ម៉ែត្រ ពីវិមានសន្តិភាព ជាទីដែលមេដឹកនាំនៃបណ្ដាប្រទេសជាសមាជិកអាស៊ាន និងមេដឹកនាំរដ្ឋាភិបាលអាមេរិក បានជួបប្រជុំពិភាក្សាគ្នា អំពីបញ្ហាជាសាកលរបស់អាស៊ាន និងកិច្ចចរចាភាពជាដៃគូសេដ្ឋកិច្ចក្នុងតំបន់។

កម្លាំងសមត្ថកិច្ចរាជធានីរាប់សិបនាក់ ក៏ នៅតែត្រូវបានគេដាក់ពង្រាយ នៅតាមមាត់ច្រកចេញចូលនានាដើម្បីទប់ស្កាត់ក្រុមអ្នកភូមិទាំងនេះ កុំឲ្យហែក្បួនចេញផងដែរ។

នេះជាការតវ៉ាឈានចូលដល់ថ្ងៃទីបី ដែលក្រុមសកម្មជនដីធ្លី ក្នុងសហគមន៍បឹងកក់ បុរីកីឡា ថ្មគោល និងសហគមន៍ផ្លូវ៣៤៧ បាននាំគ្នាធ្វើការទាមទារ ឲ្យមានការជួយអន្តរាគមន៍ ពីមេដឹកនាំនៃប្រទេសជាសមាជិកអាស៊ាន និងមេដឹកនាំអាមេរិកលោក បារ៉ាក់ អូបាម៉ា ជួយជំរុញដល់ប្រមុខរដ្ឋាភិបាល អំពីការលើកកម្ពស់សិទ្ធិពលរដ្ឋ បញ្ឈប់ការបណ្ដេញចេញ និងដោះលែងសមាជិករបស់ពួកគេ ឲ្យមានសេរីភាពឡើងវិញ។