Forest in Cambodia

Tuesday, November 13, 2012

អង្គការលើកលែងទោសអន្តរជាតិកាលពីព្រឹកម្សិលមិញ បានទៅជួបតំណាងប្រជាសហគមន៍តំបន់បឹងកក់ ដើម្បីស្វែងយល់ពីស្ថានភាពនិងបញ្ហាប្រឈមនានារបស់ប្រជាសហគមន៍ក្នុង តំបន់នេះ។

ម៉ៃ ទិត្យថារ៉ា ភ្នំពេញប៉ុស្តិ៍ ថ្ងៃទី១២ វិច្ឆិកា ២០១២
121112_06

អ្នកស្រីឈុំ បញ្ញារ័ត្ន (ស្តាំ) ម្តាយយុវជនវាស់ដីដែលបានស្លាប់ ត្រូវបានតែងតាំងជាទីប្រឹក្សាលោកនាយករដ្ឋមន្ត្រី ហ៊ុន សែន។ រូបថត វីរៈ ម៉ៃ

ភ្នំពេញៈ លោកនាយករដ្ឋមន្ត្រី ហ៊ុន សែន បានតែងតាំង ស្ត្រីមេម៉ាយ ដែលជាម្តាយរបស់សពយុវជនស្ម័គ្រចិត្ត ដែលបានទទួលមរណភាព ក្នុងពេលចុះវាស់វែងដីធ្លី ជូនប្រជាពលរដ្ឋ នៅក្នុងភូមិប្រមា ស្រុកឆ្លូង ខេត្តក្រចេះ ធ្វើជាទីប្រឹក្សារបស់លោក។

ការតែងតាំងតំណែងថ្មី ជាទីប្រឹក្សាលោកនាយករដ្ឋមន្ត្រី ដល់អ្នកស្រីឈុំ បញ្ញារ័ត្ន ជាម្តាយរបស់សពយុវជន ច័ន្ទ ម៉ារឌី ដែលបានស្លាប់នោះ បានធ្វើឡើង ស្របពេលដែលគ្រួសាររបស់សព បានប្រារព្ធធ្វើពិធីបុណ្យ ៧ ថ្ងៃ។

អ្នកស្រីឈុំ បញ្ញារ័ត្ន បានថ្លែងឲ្យដឹងថា អ្នកស្រីបានទទួលដំណឹងថា អ្នកស្រី ត្រូវបានតែងតាំងជាទីប្រឹក្សាលោកនាយករដ្ឋមន្ត្រី នៅក្នុងខួប ៧ ថ្ងៃ សពកូនរបស់អ្នកស្រី ដែលត្រូវនឹងថ្ងៃទី៦ ខែវិច្ឆិកា ឆ្នាំ ២០១២។ អ្នកស្រីបាននិយាយថា៖«កូនរបស់សម្តេច ឯកឧត្តម ហ៊ុន ម៉ានិត យកលិខិតតែងតាំងមកដោយផ្ទាល់ឲ្យខ្ញុំ។ នេះគឺជាកិត្តិយសធំណាស់ ដែលសម្តេច ផ្តល់មុខតំណែងយ៉ាងដូច្នោះដល់រូបខ្ញុំ»។

អង្គការ១០០ត្រៀមដាក់ញត្តិជូនមេដឹកនាំពិភពលោក

ម៉ៃ ទិត្យថារ៉ា ភ្នំពេញប៉ុស្តិ៍ ថ្ងៃទី១២ វិច្ឆិកា ២០១២
121112_03a

នគរបាលត្រៀមទប់ស្កាត់ការដើរហែក្បួនកាលពីសប្តាហ៍មុន។ រូប មិនា

ភ្នំពេញៈ អង្គការក្រៅរដ្ឋាភិបាលជាតិនិងអន្តរជាតិជាង ១០០ នឹងដាក់ញត្តិ ជូនមេដឹកនាំកំពូលអាស៊ាន និងមេដឹកនាំសហរដ្ឋអាមេរិក នៅក្នុងកិច្ចប្រជុំកំពូលអាស៊ានលើកទី២១ ដែលនឹងប្រព្រឹត្តទៅចាប់ពីថ្ងៃទី១៥ ដល់ថ្ងៃទី២០ ខែវិច្ឆិកា នៅភ្នំពេញ ដោយផ្តោតអំពីបញ្ហាដីធ្លី បញ្ហាលំនៅដ្ឋានបញ្ហាសិទ្ធិមនុស្ស បញ្ហាការងារ និងបញ្ហាព្រៃឈើ ដែលកំពុងញាំញីក្នុងសង្គមកម្ពុជា។

លោកអាត់ ធន់ ប្រធានសម្ព័ន្ធសហជីពប្រជាធិបតេយ្យ កម្មករកាត់ដេរកម្ពុជា បានឲ្យដឹងថា ញត្តិដែលនឹងត្រូវដាក់ដោយក្រុមអង្គការក្រៅរដ្ឋាភិបាលជាង១០០ ជូនមេដឹកនាំអាស៊ាន នៅក្នុងកិច្ចប្រជុំកំពូលអាស៊ាននោះ គឺផ្តោតជារួមទៅលើបញ្ហាដីធ្លី បញ្ហាលំនៅដ្ឋាន បញ្ហាសិទ្ធិមនុស្ស បញ្ហាការងារ និងបញ្ហាព្រៃឈើ។ លោកឲ្យដឹងទៀតថា៖ «ចំពោះខ្ញុំនឹងធ្វើញត្តិពីរ គឺញត្តិរួម និងញត្តិដាច់ដោយឡែករបស់អង្គការខ្ញុំ ដើម្បីជម្រាបជូនមេដឹកនាំអាស៊ាន អំពីបញ្ហាពលករចំណាកស្រុក។ ខ្ញុំនឹងជំរុញឲ្យមានការបង្កើតស្ថាប័នសហជីពអាស៊ាន ដែលមានតួនាទីនៅក្នុងអាស៊ាន ដើម្បីជួយពលករចំណាកស្រុក ដែលជួបប្រទះបញ្ហា គឺប្រទេសដែលទទួល ប្រទេសបញ្ជូន និងទីភ្នាក់ងារ ត្រូវតែរកដំណោះស្រាយ នៅពេលដែលពលករមានបញ្ហា»។

ពលរដ្ឋ២៥គ្រួសារនៅកែវផុសមានដីកាពីតុលាការឲ្យរុះរើផ្ទះ

ឃុត សុភចរិយា ភ្នំពេញប៉ុស្តិ៍ ថ្ងៃទី១២ វិច្ឆិកា ២០១២

ព្រះសីហនុៈ ប្រជាពលរដ្ឋប្រមាណ២៥គ្រួសារ ក្នុងភូមិកែវផុស ស្រុកស្ទឹងហាវ ខេត្តព្រះសីហនុ ដែលមានទំនាស់ដីធ្លីដ៏រ៉ាំរ៉ៃនិងស្មុគស្មាញ ជាមួយក្រុមហ៊ុន លោក ឧកញ៉ា ជៀម ផែន បាន អះអាងថា តុលាការខេត្តបានចេញដីកាបង្គាប់ឲ្យពួកគាត់រុះរើផ្ទះ ដើម្បីដកយកដីពួកគាត់ទៅឲ្យភាគីក្រុមហ៊ុន។

តំណាងប្រជាពលរដ្ឋទាំង២៥គ្រួសារក្នុងភូមិកែវផុស អ្នកស្រី វ៉ា ហ៊ល បានប្រាប់ភ្នំពេញ ប៉ុស្តិ៍ឲ្យដឹងកាលពីម្សិលមិញថា កាលពីថ្ងៃសៅរ៍មន្ត្រីនគរបាលយុត្តិធម៌ ឃុំ កែវ ផុស បានយកដីកាបង្គាប់ឲ្យរុះរើផ្ទះរបស់សាលាដំបូងខេត្តព្រះសីហនុ ដែលបានចុះកាលបរិច្ឆេទតាំងពីថ្ងៃទី០៦ ខែមេសា ឆ្នាំ២០១២។

អ្នកស្រីថ្លែងថា៖ «យើងពិតជា ឆ្ងល់ខ្លាំងណាស់ ហេតុអ្វីបានជាមកដល់ពេលនេះ ទើបអាជ្ញាធរយកដីកានេះមកឲ្យពួកយើង ហើយប្រាប់ឲ្យយើងរុះរើផ្ទះជាបន្ទាន់ បើពុំនោះទេ គេនឹងចាត់វិធានការតាមផ្លូវច្បាប់»។

ជម្លោះដីធ្លីកែប្រែសេចក្តីប៉ងប្រាថ្នារបស់ក្មេងស្រីម្នាក់

សូ វិសាល ភ្នំពេញប៉ុស្តិ៍ ថ្ងៃទី១៣ វិច្ឆិកា ២០១២
121113_06a

រាប់ពីស្តាំមកឆ្វេងទី ៣ សុគន្ធកញ្ញា ជាមួយនឹងកូនអ្នកភូមិបឹងកក់ផ្សេងទៀត ក្នុងការតវ៉ាកន្លងមក។ រូបថត គីមឡុង

ភ្នំពេញៈ ដោយសារតែបញ្ហាជម្លោះដីធ្លីដ៏រ៉ាំរ៉ៃ បានជំរុញឲ្យកុមារីប៉ោ សុគន្ធកញ្ញា ផ្លាស់ប្តូរសេចក្តីប៉ងប្រាថ្នាក្នុងពេលអនាគតរបស់នាង។ កុមារីវ័យ១១ឆ្នាំដែលកើតឡើងធំដឹងក្តី នៅក្នុងតំបន់បឹងកក់ ហើយជម្លោះដីធ្លី បានផ្ទុះឡើង ចាប់តាំងពីនាងមានអាយុ ៥ ឆ្នាំមកនោះ កាលពីមុន នាងប៉ងប្រាថ្នា ចង់ធ្វើជាសាស្ត្រាចារ្យ នៅពេលដែលនាងធំឡើង។

សុគន្ធកញ្ញា ដែលជាសិស្សពូកែប្រចាំថ្នាក់ទី ៦ នៃសាលាបឋមសិក្សាកុលាបទី ១ ក្នុងខណ្ឌដូនពេញ បាននិយាយក្នុងបទសម្ភាស ជាមួយកាសែតភ្នំពេញប៉ុស្តិ៍ កាលពីថ្ងៃទី ៦ ខែវិច្ឆិកាថា៖«ដោយ សារតែវាអយុត្តិធម៌ខ្លាំងពេកមកលើគ្រួសារខ្ញុំ និងអ្នកភូមិផ្សេងទៀត ពីព្រោះអាជ្ញាធរ និងតុលាការ បានរួមដៃគ្នា ចាប់ម្ចាស់ផ្ទះដាក់គុក តែចោរមកប្លន់ផ្ទះពួកខ្ញុំត្រូវរួចខ្លួន ធ្វើឲ្យខ្ញុំឈឺចាប់ខ្លាំងណាស់។ ខ្ញុំឈប់ចង់ធ្វើជាសាស្ត្រាចារ្យទៀតហើយ។ ខ្ញុំចង់ធ្វើតុលាការ (ចៅក្រម ឬមេធាវី) ដើម្បីរកយុត្តិធម៌ជូនប្រជាពលរដ្ឋក្រីក្រទន់ខ្សោយវិញ»។

អង្គការលើកលែងទោសអន្តរជាតិជួបជាមួយប្រជាសហគមន៍បឹងកក់

ឃុត សុភចរិយា ភ្នំពេញប៉ុស្តិ៍ ថ្ងៃទី១៣ វិច្ឆិកា ២០១២
121113_03a

អ្នកតំណាងប្រជាសហគមន៍បឹងកក់ ក្នុងបាតុកម្មតវ៉ាទាមទារឲ្យតុលាការដោះលែងអ្នកស្រី យ៉ោម បុប្ផា នាពេលកន្លងមក។ រូបថត ហុង មិនា

ភ្នំពេញៈ អង្គការលើកលែងទោសអន្តរជាតិកាលពីព្រឹកម្សិលមិញ បានទៅជួបតំណាងប្រជាសហគមន៍តំបន់បឹងកក់ ដើម្បីស្វែងយល់ពីស្ថានភាពនិងបញ្ហាប្រឈមនានារបស់ប្រជាសហគមន៍ក្នុង តំបន់នេះ។

ជំនួបនេះបានធ្វើឡើង ខណៈដែលពលរដ្ឋជាង១០០នាក់ មកពីសហគមន៍បឹងកក់ បុរីកីឡា ថ្មគោល និងសហគមន៍មួយចំនួន ដែលមានទំនាស់ដីធ្លីក្នុងរាជធានីភ្នំពេញ មកប្រមូលផ្ដុំគ្នានៅមុខស្ថានទូតអាមេរិកប្រចាំកម្ពុជា ដើម្បីដាក់ញតិ្តសុំអន្តរាគមន៍បន្តទៅប្រមុខរាជរដ្ឋាភិបាលឲ្យជួយ ជំរុញការដោះស្រាយបញ្ហាវិវាទរបស់ពួកគេឲ្យបានឆាប់។

ក្នុងជំនួបជាមួយតំណាងប្រជាសហគមន៍ក្នុងតំបន់នេះ អ្នកស្រី Amanda Howle និងសហការីជាង២០នាក់ បានជំរុញលើកទឹកចិត្តដល់អ្នកភូមិឲ្យអត់ធ្មត់និងស៊ូទ្រាំធ្វើការ តស៊ូមតិការពារសិទ្ធិលំនៅដ្ឋាននិងសិទ្ធិជាមូលដ្ឋានផ្សេងៗទៀត ដែលការពារដោយច្បាប់ជាតិ និងអន្តរជាតិ ។

ប្រជាពលរដ្ឋដែលមានជម្លោះដីធ្លីនៅក្នុងភ្នំពេញដាក់ញាត្តិសុំអន្តរាគមន៍ពីលោក បារ៉ាក់ អូបាម៉ា និងលោកស្រី ហៀលីរី គ្លីនតុន

ថ្ងៃទី១២ ខែវិច្ចាកា ឆ្នាំ២១០២ ដោយ ឡុង គឹមហ៊ាន

នៅថ្ងៃទី១២ ខែវិច្ចាកា ឆ្នាំ២០១២ មានសហគមន៍ ដែលមានជម្លោះដីធ្លី នៅក្នុងទីក្រុងភ្នំពេញ បាន

ប្រមូលផ្តុំគ្នានៅមុខស្ថានទូតអាមេរិកប្រចាំកម្ពុជាដើម្បី ដាក់ញាត្តិរកសុំអន្តរាគមន៍ពី លោក បារ៉ាក់ អូបាម៉ា និងលោកស្រី ហៀលីរី គ្លីនតុន ឲ្យជួយដោះស្រាយបញ្ហាដីធ្លី និងអន្តរាគមន៍ទៅរដ្ឋាភិបាលកម្ពុជា ឲ្យដោះលែងស្ត្រីអ្នកភូមិបឹងកក់ម្នាក់ និងស្ត្រីបុរីកីឡាម្នាក់។

ថ្ងៃទី១៩ ដល់ថ្ងៃទី២០ ខែវិច្ឆិកា ឆ្នាំ២០១២ លោកប្រធានាធិបតី អូបាម៉ា នឹងធ្វើដំណើរមកចូលរួមកិច្ចប្រជុំកំពូលអាស៊ាន-អាមេរិក និងកិច្ចប្រជុំកំពូលអាស៊ីបូព៌ា ជាមួយនឹងប្រមុខដឹកនាំអាស៊ាន និងបណ្តាប្រទេសមហាអំណាចជាច្រើនទៀតនៅរាជធានីភ្នំពេញ។

ប្រជាពលរដ្ឋមកពីតំបន់បឹងកក់អ្នកស្រី ទេព វន្នី ជាតំណាងម្ចាក់ បាននិយាយថា ការមកចូលរួមអបអរជ័យជម្នះរបស់លោក អូបាម៉ា ដែលបានជាប់ឆ្នោតបន្តធ្វើជាប្រធានាធិបតីមួយអាណត្តិទៀត យើងក៏សុំឲ្យលោកប្រធានាធិបតី គាំទ្រដល់សហគមន៍បឹងកក់ បុរីកីឡា ដោះស្រាយបញ្ហាដីធ្លី និងអន្តរាគមន៍ឲ្យមានការដោះលែងអ្នកស្រី យ៉ោម បុប្ផា ប្រជាពលរដ្ឋបឹងកក់ ដែលត្រូវគេចោទប្រកាន់ និងចាប់យកទៅឃុំឃាំងដោយអយុត្តិធម៌។

Monday, November 5, 2012

បឹងកក់-បុរីកីឡារកអន្តរាគមន៍ពីប្រធានាធិបតី USA

ឃុត សុភចរិយា ភ្នំពេញប៉ុស្តិ៍ ថ្ងៃទី៦ វិច្ឆិកា ២០១២
121106_03

ក្រុមអ្នកភូមិអង្គុយសំពះ និងស្រែកសុំការជួយអន្តរាគមន៍នៅមុខទូតអាមេរិក។ រូបថត លីណា

ភ្នំពេញៈប្រជាពលរដ្ឋជិត១០០នាក់ មកពីសហគមន៍ចំនួនបួន ក្នុងរាជធានីភ្នំពេញ បានប្រមូលផ្តុំគ្នានៅមុខស្ថានទូតអាមេរិកកាលពីព្រឹកម្សិលមិញ ដើម្បីដាក់ញតិ្តស្នើសុំ លោក បារ៉ាក់ អូបាម៉ា ប្រធានាធិបតីសហរដ្ឋអាមេរិក ជួយអន្តរាគមន៍ ទៅប្រមុខរដ្ឋាភិបាលកម្ពុជាឲ្យជួយដោះលែងសកម្មជនរបស់ពួកគេ ចំនួនពីរនាក់ដែលកំពុងត្រូវបានចាប់ឃុំខ្លួន នៅគុកព្រៃស ដោយសារតែបញ្ហាតវ៉ាការពារសិទ្ធិលំនៅដ្ឋាន ។

លោកអូបាម៉ា ត្រូវបានគេរាយការណ៍ថា នឹងមកកម្ពុជានៅពាក់កណ្ដាលខែវិច្ឆិកានេះ ដើម្បីចូលរួមនៅក្នុងកិច្ចប្រជុំកំពូលអាស៊ាន និងកិច្ចប្រជុំធំៗមួយចំនួនទៀត។

ក្រុមអ្នកភូមិដែលកំពុងប្រឈម ការបណ្ដេញចេញពីលំនៅដ្ឋាន ដោយសារគម្រោងអភិវឌ្ឍន៍អគារពាណិជ្ជកម្ម ក្នុងរាជធានីភ្នំពេញ រួមមាន សហគមន៍ថ្មគោល(ព្រលានយន្តហោះពោធិ៍ចិនតុង) បឹងឈូក បុរីកីឡា និងសហគមន៍បឹងកក់ រំពឹងថា វត្តមានរបស់លោកប្រធានាធិបតីអាមេរិក នឹងជំរុញឲ្យប្រមុខរដ្ឋាភិបាលកម្ពុជាផ្ដល់នូវដំណោះស្រាយសមរម្យ មួយសម្រាប់ពួកគេ ។

អតីតផ្កាយបី ឌឿន សុវណ្ណ ត្រូវតុលាការសាកសួរតែមិនឃុំខ្លួនទេ

Tuesday, 06 November 2012 ប៊ុត រស្មីគង្គា, From The Phnom Penh Post

លោកឧត្តមសេនីយ៍ គៀត ច័ន្ទថារិទ្ធ អ្នកនាំពាក្យអគ្គស្នងការនគរបាលជាតិ នាពេលកន្លងមក។ រូបថត វីរៈ ម៉ៃ

ភ្នំពេញៈ មន្ត្រីតុលាការម្នាក់បានអះអាងថា អតីតទីប្រឹក្សាក្រសួងមហាផ្ទៃលោកឧត្ដមសេនីយ៍ឯក ឌឿន សុវណ្ណ ត្រូវតុលាការភ្នំពេញសួរចម្លើយកាលពីម្សិលមិញ បន្ទាប់ពីត្រូវចោទប្រកាន់ពីបទគំរាមក្រុមយុវជនស្ម័គ្រចិត្ត ចុះវាស់វែងដីធ្លី នៅក្នុងខេត្តពោធិ៍សាត់ កាលពីខែតុលា។

លោក លី លីបម៉េង ចៅក្រមស៊ើបសួរសាលាដំបូងរាជធានីបានថ្លែងប្រាប់ឲ្យដឹងថា លោកឧត្ដមសេនីយ៍ឯក ឌឿន សុវណ្ណ ដែលត្រូវដកហូតតំណែង និងតួនាទី រួចបណ្ដេញចេញពីក្របខ័ណ្ឌនគរបាលជាតិនោះត្រូវតុលាការសួរ ចម្លើយពាក់ព័ន្ធនឹងបទចោទប្រកាន់នៅព្រឹកថ្ងៃចន្ទ។

លោកចៅក្រម បញ្ជាក់ថា លោក ឌឿន សុវណ្ណ ត្រូវតុលាការចោទប្រកាន់លើពីរករណី គឺគំរាមយោងតាមមាត្រា៦០៧ និងជ្រៀតជ្រែកខុសច្បាប់ក្នុងការបំពេញមុខងារសាធារណៈ យោងតាមមាត្រា៦០៩នៃក្រមព្រហ្មទណ្ឌថ្មី។

Award for Boeung Kak lake activist

Monday, 05 November 2012 Shane Worrell and Khouth Sophak Chakrya, From The Phnom Penh Post 121105_05

Boeung Kak activist Tep Vanny speaks at a press conference near the Shukaku Inc development site in Phnom Penh in 2011. Photograph: Meng Kimlong/Phnom Penh Post

Boeung Kak lake land evictions protester Tep Vanny has been honoured for years of activism by receiving an award from an international organisation that recognises the role of women in promoting human rights.

Vanny, 32, who has been imprisoned, assaulted and threatened for fighting evictions at the now filled-in lake, will travel to the US in April to accept the award from the Vital Voices Global Partnership.

Vanny said yesterday that she was honoured to receive the recognition.

“I hope this award will further promote the work I’m doing,” she said.

ការទាមទារសិទ្ចិដីធ្លីរបស់ប្រជាពលរដ្ឋ បឹងកក់ និងបុរី កីទ្បា

ដោយ ទ្បុង គឹមហ៊ាន ថ្ងៃទី ២ ខែវិច្ចិកា ឆ្នាំ២០១២

កាលពីព្រឹកមិញមានប្រជាពលរដ្ឋប្រមាណ៦០នាក់មកពីសហគមន៍បឹងកក់និងបុរីកីទ្បាបានប្រមូលផ្តុំគា្ននៅមុខ

សហគមអឺរ៉ុបដើម្បីទាមទារអោយសហគមអឺរ៉ុបជួយរកដំណោះស្រាយជូនសហគមទាំងពីរ។
អ្នកស្រី ទឹម សាក់មុន្នី ត្រូវបានតុលាការរាជធានីភ្នំពេញបញ្ជាឲ្យឃុំខ្លូនជាបណ្តោះអាសន្ន
នៅគុកព្រៃស ក្រោមការចោទប្រកាន់ពិបទ”ប្រកាសក្លែងបណ្លំការពិត” កាលពីរថៃ្ងទី ៥ ខែកញ្ញា មូយថ្ងៃក្រោយពីអ្នកស្រី យ៉ោម បុប្ផា ត្រូវបានតុលាការនេះសំរេចឃុំខ្លូនជាបណ្តោះអាសន្ននៅក្នុងពន្ធធនាគារព្រៃសពីបទ “ហឹង្សាដោយចេតនា ការទាមទារនោះក៏មានការដាក់លិខិតរបស់សហគម បឹងកក់ និងបុរីកីទ្បា ផងដែរនៅ ក្នុងលិខិតបានសរសេរថា៖សូមឯកឧត្តម HermanVanRompuyប្រធានក្រុមប្រឹ
ក្សាសហគមន៍អឺរ៉ុបជូយអន្តរាគមន៍ បន្ទាន់ទៅរដ្ឋាភិបាលកម្ពុជាបញ្ចប់ជំលោះដីធ្លីដ៏រាំរៃ
នៅតំបន់បឹងកក់ និងតំបន់បុរីកីទ្បាតាមសំណើររបស់ប្រជាពលរដ្ឋដូចខាងក្រោមៈ

១ បោះព្រំប្រទល់ដី ១២.៤៤ហិចតាមអនិក្រឹត្យលេខ១៨៣របស់រាជរដ្ឋាភិបាល

២ ដាក់បញ្ចូលគ្រូសារប្រជាពលរដ្ឋបឹងកក់ដែលរស់នៅក្រៅដី ១២.៤៤ហិចតា ឲ្យចូលទៅក្នុងដី ១២.៤៤ហិចតា

៣ ផ្តល់ប្លង់កម្មសិទ្ធដល់ពលរដ្ឋបឹងកក់ដែលត្រូវសាលាក្រុងកាត់ចេញពីដី ១២.៤៤ហិចតាទាំងអស់ និងជាពិសេស ដោះលែងអ្នកស្រី យ៉ោម បុបា្ផ និងអ្នកស្រី ទឹម សាក់មុន្នី ពីពន្ធធានាគារ។

ចំនែកឯសហគមន៍ បុរីកីទ្បា វិញក៏បានសរសេរថាៈ

សំណើរសុំអន្តរាគមន៍ពីសហគមន៍ប្រទេសម្ចាស់ជំនូយដល់កម្ពុជា ដើម្បីជួយឲ្យរដ្ឋាភិបាលកម្ពុជាដោះលែងតំណាងសហគមន៍ បុរីកីទ្បា អ្នកស្រី ទឹម សាក់មុន្នីពីពន្ធធនាគារព្រៃស និងឲ្យក្រុមហ៊ុន គោរពកិច្ចសន្យាសាងសង់ អោយគ្រប់ចំនូន ១០ អាគារដើម្បីបញ្ចប់ការតវ៉ា។ អ្នកស្រី ទេព វន្នី តំណាងក្រុមអ្នកតវ៉ាមកពីសហគមន៍បឹងកក់ បាននិយាយថាៈ ពូកយើងមកថ្ថៃនេះដើម្បីទាមទារឲ្យមានការដោះលែងសកម្មជនរបស់យើង និងការពារដីធ្លីសិទិ្ធលំនៅដ្ឋាន។