នាយករដ្ឋមន្ត្រីរិះគន់ការសូកប៉ាន់ឡើងដល់មន្ត្រីជាន់ខ្ពស់

Friday, 25 January 2013 វង្ស សុខេង

លោកនាយករដ្ឋមន្ត្រី ហ៊ុន សែន នៅក្នុងពិធីមួយ កាលពីពេលកន្លងមក។ រូបថត ផា លីណា

កំពង់ស្ពឺៈ លោកនាយករដ្ឋមន្រ្តី ហ៊ុន សែន កាលពីម្សិលមិញ បានរិះគន់មន្រ្តីយោធាជាន់ខ្ពស់មិនបញ្ចេញឈ្មោះម្នាក់ ថា បានរំលោភបទប្បញ្ញតិ្តរបស់កងយោធពលខេមរភូមិន្ទ ហើយបានជំរុញក្រសួងការពារជាតិ លើកកម្ពស់ទាំងការបណ្តុះបណ្តាល និងកម្រិតវិជ្ជាជីវៈរបស់កងទ័ព។

នៅក្នុងពិធីសម្ភោធវិទ្យាស្ថានកងថ្មើរជើង មិត្តភាពកម្ពុជាចិន ដែលជាអគារថ្មី នៅសាលាមន្រ្តីយោធាប្រដាប់អាវុធ ថ្លុកតាសេក ខេត្តកំពង់ស្ពឺ លោកនាយករដ្ឋមន្រ្តីបានមានប្រសាសន៍ថា មានរបាយការណ៍អំពីមន្រ្តីគ្មានលក្ខណៈសម្បតិ្ត បានសូកប៉ាន់រហូតដល់តំណែងខ្ពស់។ លោកបានប្រាប់ទាហានបញ្ចប់ការសិក្សាថ្មីប្រមាណ ១០០០ នាក់ ថា៖ «អ្វីដែលយើងចាប់អារម្មណ៍នៅពេលនេះ គឺភាពមិនប្រក្រតីក្នុងការតែងតាំងមន្រ្តីយោធា ដែលមិនមានអាកប្បកិរិយាល្អ»។ ទាហានប្រហែល ១០០០ នាក់ទើបតែបានវិលត្រឡប់មកពីបណ្ឌិតសភាយោធាចិន ហើយនៅអគារថ្មី ក្នុងស្រុកភ្នំស្រួចនេះ ទាហានវ័យក្មេងនឹងទទួលបានការបណ្តុះបណ្តាលប្រកបដោយគុណភាពពី ទីប្រឹក្សាចិន។ ដោយអំពាវនាវឲ្យមានបទប្បញ្ញតិ្តតឹងរ៉ឹង និងការអនុវត្តច្បាប់ លោកនាយករដ្ឋមន្រ្តី ក៏បានលើកឡើងថា ក្រសួងការពារជាតិ ត្រូវសិក្សាលើការបង្កើតអនុក្រឹត្យ និងប្រកាស អំពីការបណ្តុះបណ្តាលកងយោធពលខេមរភូមិន្ទ ដើម្បីរក្សាសណ្តាប់ធ្នាប់និងប្រសិទ្ធភាព។

លោក ហ៊ុន សែន បានមានប្រសាសន៍ថា៖ «មន្រ្តីយោធាជាន់ខ្ពស់មួយចំនួន មិនបានគោរពច្បាប់ស្តីពីលក្ខន្តិកៈកងយោធពលខេមរភូមិន្ទ និងនីតិវិធីទូទៅទេ»។

ការលើកឡើងរបស់លោកបានធ្វើឡើង ព្រមគ្នា នឹងការជជែកពិភាក្សានៅរដ្ឋសភាកាលពីម្សិលមិញលើសេចក្តីព្រាង ច្បាប់ ស្តីពីការបង្កើតស្ថាប័នត្រួតពិនិត្យ ហៅថាឧត្តមក្រុមប្រឹក្សាការពារជាតិ។

ក្រុមប្រឹក្សានេះ នឹងមានសិទិ្ធតាមដាន និងចាត់វិធានការវិន័យលើមន្រ្តីយោធា។ ក្រុមប្រឹក្សានឹងទទួលខុសត្រូវផងដែរ លើការការពារបូរណភាពទឹកដីកម្ពុជា ហើយមានអំណាច វាយតម្លៃ ថាតើត្រូវប្រកាសស្ថានការណ៍អាសន្នឬយ៉ាងណា? ក្នុងច្បាប់ដែលបានអនុម័តកាលពីម្សិលមិញ ដោយសំឡេង ៨៥ លើ ៩៧ ព្រះមហាក្សត្រនរោត្តម សីហមុនី នឹងជាប្រធាន ហើយលោកហ៊ុន សែនជាអនុប្រធាន ។

សមាជិកនៃក្រុមប្រឹក្សា ដែលមានចែងក្នុងរដ្ឋធម្មនុញ្ញ ២ ទស្សវត្សរ៍កន្លងមក មានរដ្ឋមន្រ្តីក្រសួងការពារជាតិ ក្រសួងមហាផ្ទៃ ប្រធានទីស្តីការគណៈរដ្ឋមន្រ្តី រដ្ឋមន្រ្តីក្រសួងការបរទេស រដ្ឋមន្រ្តីក្រសួងសេដ្ឋកិច្ច និងអគ្គមេបញ្ជាការកងយោធពលខេមរភូមិន្ទ ជាសមាជិក។ សមាសភាពនោះបានធ្វើឲ្យតំណាងរាស្រ្តគណបក្សប្រឆាំងមិនសប្បាយ ចិត្ត ដែលនិយាយ ក្នុងអំឡុងកិច្ចពិភាក្សាកាលពីម្សិលមិញថា ពួកគេព្រួយបារម្ភអំពីវត្តមានដ៏ច្រើនពីគណបក្សកាន់អំណាចក្នុង ក្រុមប្រឹក្សានេះ។

លោក យឹម សុវណ្ណ អ្នកនាំពាក្យគណបក្ស សម រង្ស៊ី ថ្លែងថា៖ «យើងគិតថា សមាជិក និងអនុប្រធានសុទ្ធតែមកពី គណបក្សប្រជាជនកម្ពុជា ដូច្នេះ វាមិនធានាអព្យាក្រឹតភាពឡើយ។ ខ្ញុំសូមស្នើធ្វើវិសោធនកម្ម លើសមាសភាព ហើយផ្តល់អំណាចដល់ព្រះមហាក្សត្រ ក្នុងការជ្រើសរើសសមាជិក»។

ទោះជាយ៉ាងណា ការរិះគន់នោះ ពុំជះឥទិ្ធពលដល់ការបោះឆ្នោតឡើយ។

លោក ស ខេង រដ្ឋមន្រ្តីក្រសួងមហាផ្ទៃ ដែលជាតំណាងរាស្រ្តផងដែរនោះ ហើយជាសមាជិកក្រុមប្រឹក្សាការពារជាតិនេះ បានការពាររចនាសម្ព័ន្ធ ក្នុងអំឡុងកិច្ចពិភាក្សារយៈពេល ៥ ម៉ោងកាលពីថ្ងៃម្សិលមិញ។ លោកបានថ្លែងទៀតថា៖ «ច្បាប់ មិនបានកំណត់ឈ្មោះទេ គ្រាន់តែតំណែងប៉ុណ្ណោះ ដូច្នេះ ប្រសិនបើគណបក្សនយោបាយមួយទៀតកាន់អំណាចក្នុងរដ្ឋាភិបាល គេនឹងជាសមាជិកក្នុងក្រុមប្រឹក្សានេះ»៕ TK

លោកហ៊ុន សែន ចំអកគណបក្សសង្គ្រោះជាតិ

Wednesday, 26 September 2012 វង្ស សុខេង, From The Phnom Penh Post

លោក នាយករដ្ឋមន្ត្រីហ៊ុន សែនថ្លែងក្នុងពិធីចែកសញ្ញាប័ត្រដល់និស្សិតសាកលវិទ្យាល័យជាតិ គ្រប់គ្រងនៅព្រឹកថ្ងៃអង្គារនេះ។រូបថតផា លីណា

ភ្នំពេញៈ លោកនាយករដ្ឋមន្រ្តី ហ៊ុន សែន នៃគណបក្សប្រជាជនកម្ពុជា ដែលកាន់អំណាច បានចំអកគណបក្សសង្គ្រោះជាតិកម្ពុជា ដែលទើបតែបង្កើតថ្មី ចំពោះការគំរាមមិនចូលរួមក្នុងការបោះឆ្នោតជាតិឆ្នាំក្រោយ របស់គណបក្សប្រឆាំងថ្មីនេះ ថាដោយសារអស់ថវិកា។

ដោយកើត ចេញពីការបង្រួបបង្រួម រវាងគណបក្សប្រឆាំងធំពីរ គឺគណបក្ស សម រង្ស៊ី និងគណបក្ស សិទិ្ធមនុស្ស គណបក្សសង្គ្រោះជាតិកម្ពុជា បានគំរាមរួចមកហើយថា ខ្លួននឹងមិនចូលរួមក្នុងការបោះឆ្នោតជាតិនៅឆ្នាំក្រោយទេ ប្រសិនបើគ្មានការធ្វើកំណែទម្រង់ គណៈកម្មាធិការជាតិរៀបចំការបោះឆ្នោត (គ.ជ.ប) ទេ នោះ។

ថ្លែង ក្នុងពិធីចែកសញ្ញាបត្រ ដល់និស្សិតបញ្ចប់ការសិក្សា ពីសាកលវិទ្យាល័យជាតិគ្រប់គ្រង ចំនួន ៥៤៧៤ នាក់ កាលពីម្សិលមិញ លោក ហ៊ុន សែន ថ្លែងថា អ្នកបោះឆ្នោតអាចបោះឆ្នោតឲ្យគណបក្សដទៃទៀត ប្រសិនបើគេមិនបោះឆ្នោតឲ្យគណបក្សប្រជាជនកម្ពុជាទេនោះ។ លោក ហ៊ុន សែន បានថ្លែងថា៖ «មានគណបក្សនយោបាយបដិសេធមិនចូលរួមការបោះឆ្នោតឆ្នាំ ២០១៣ វាងាយស្រួលទេ គណបក្សនយោបាយដទៃទៀត ត្រូវត្រៀមខ្លួនទទួលសន្លឹកឆ្នោតអ្នកបោះឆ្នោត ដែលមិនបោះឲ្យគណបក្ស ប្រជាជនកម្ពុជា។ ការគំរាមធ្វើពហិការក្នុងការបោះឆ្នោត ដោយសារអាចខ្វះថវិកា»។ លោក ហ៊ុន សែន បានព្រមានថា ដំណើរការបោះឆ្នោតជាតិខាងមុខនេះ នឹងប្រព្រឹត្តទៅតាមច្បាប់ ហើយគ្មានការដោះស្រាយតាមឆន្ទៈនយោបាយឡើយ។

លោក យឹម សុវណ្ណ អ្នកនាំពាក្យគណបក្ស សម រង្ស៊ី បានលើកឡើងជាថ្មីម្តងទៀតថា ក្រុមប្រឆាំងនឹងប្រកាន់ខ្ជាប់ឆន្ទៈនយោបាយធ្វើពហិការ ក្នុងការបោះឆ្នោត ប្រសិនបើគណៈកម្មាធិការជាតិរៀបចំការបោះឆ្នោត នៅតែដឹកនាំដោយមនុស្សដដែលៗ ដែលមិនឯករាជ្យ។ លោក សុវណ្ណ បន្តថា៖ «កំណែទម្រង់ គ.ជ.ប មិនត្រឹមតែជាបញ្ហាដែលលើកឡើងដោយគណបក្សប្រឆាំងនោះទេ ថែមទាំងជាបញ្ហា លើកឡើងក្នុងរបាយការណ៍ប្រចាំឆ្នាំរបស់លោក សូរិយា ស៊ូប៊ែរឌី អ្នករាយការណ៍ពិសេស អង្គការសហប្រជាជាតិ ដែលបានចុះផ្សាយកាលពីចុងខែមុន ហើយបានលម្អិត អំពីការធ្វើកំណែទម្រង់លើ គ.ជ.ប»។ លោកបញ្ជាក់ថា វាមិនចាំបាច់ត្រូវចូលរួមក្នុងការបោះឆ្នោតនាពេលខាងមុខ ឡើយ ប្រសិនបើ គ.ជ.ប មិនត្រូវបានធ្វើកំណែទម្រង់ទេនោះ «ពីព្រោះ គ.ជ.ប នៅតែជាឧបករណ៍ ប្រើប្រាស់ ដោយគណបក្សកាន់អំណាច»។ លោកបានបន្តថា គណបក្សសង្គ្រោះជាតិកម្ពុជា បានបំពេញនីតិវិធីតាមច្បាប់ ហើយកំពុងតែរង់ចាំសេចក្តីសម្រេចដែលត្រូវធ្វើឡើងដោយក្រសួង មហាផ្ទៃ។

លោក សម រង្ស៊ី ដែលត្រូវបានផ្តន្ទាទោសកំបាំងមុខ ក្នុងឆ្នាំ ២០១០ ពាក់ព័ន្ធទៅនឹងសំណុំរឿងនៃដំណើរការបោះបង្គោលព្រំដែនកម្ពុជា វៀតណាមដ៏ចម្រូងចម្រាសនោះ មិនត្រូវបានអនុញ្ញាតឲ្យចូលរួមក្នុងការបោះឆ្នោតទេ។

ទន្ទឹម នឹងនេះ លោកស្រី មូរ សុខហួរ តំណាងរាស្រ្តគណបក្សសម រង្ស៊ី បានចេញផ្សាយសេចក្តីថ្លែងការណ៍មួយ កាលពីម្សិលមិញ ដោយអំពាវនាវឲ្យជនជាតិខ្មែរ សញ្ជាតិអាមេរិក ស្នើសុំលោកប្រធានាធិបតីអាមេរិក បារ៉ាក់ មូបាម៉ា លុបចោលដំណើរមកកាន់ប្រទេសកម្ពុជា ក្នុងខែវិច្ឆិកាខាងមុខនេះ។ លោកស្រី សុខហួរ បានសរសេរថា៖ «យើងជំរុញលោកអ្នក ចុះហត្ថលេខា លើញតិ្តស្នើសុំគាត់លុបចោលដំណើរមកកម្ពុជា ប្រសិនបើគាត់មិនទទួលបានការធានាថា ការបោះឆ្នោតដោយសេរី និងយុតិ្តធម៌នឹងរៀបចំឡើងនៅកម្ពុជា ក្នុងខែកក្កដា ឆ្នាំ ២០១៣ ស្របតាមអនុសាសន៍របស់អង្គការសហប្រជាជាតិឲ្យមានកំណែទម្រង់ការ បោះឆ្នោតនោះទេ»។

លោក ទេព នីថា អគ្គលេខាធិការនៃ គ.ជ.ប បានថ្លែងថា ចាប់តាំងពីដំណើរការចុះឈ្មោះបោះឆ្នោត និងពិនិត្យបញ្ជីឈ្មោះបោះឆ្នោត គឺមានអ្នកចុះឈ្មោះថ្មី ៤០៤៧៣៨ នាក់ លុបចោលឈ្មោះ ១៤០៤៤៤ នាក់ពីបញ្ជីបោះឆ្នោត និងកែតម្រូវឈ្មោះ ៣៨៥២០ នាក់ ក្នុងបញ្ជីអ្នកបោះឆ្នោតថ្មី។ លោកបានថ្លែងថា ការចុះឈ្មោះ និងពិនិត្យបញ្ជីអ្នកបោះឆ្នោត នឹងធ្វើឡើងរយៈពេល ៤២ ថ្ងៃ ហើយថ្ងៃផុតកំណត់គឺទី១២ ខែតុលា។ លោក នីថា បានបន្ថែមថា៖ «បើទោះបីជាមានបញ្ហាទឹកជំនន់ក្នុងខេត្តមួយចំនួនក៏ដោយ ប៉ុន្តែមិនប៉ះពាល់ដល់ការចុះឈ្មោះនិងពិនិត្យបញ្ជីអ្នកបោះឆ្នោត នោះ ទេ បន្ទាប់ពីបានចាប់ផ្តើមកាលពីថ្ងៃទី១ ខែកញ្ញាមក»៕ TK

Train supply agreement signed

Stuart Alan Becker, Phnom Penh Post, Sep. 20 2012

(L to R) Tram Iv Tek, Peter Ng Meng Cheng, Peter Brimble, Kith Meng, David Kerr and S Premjith. Photograph: Hong Menea/Phnom Penh Post

Toll Royal Railway signed an agreement yesterday afternoon with companies that will supply locomotives and parts for Cambodia’s railway network.

As a result of the agreement, international tenders will be called in the coming months for the procurement of up to four new 2,000-horsepower locomotives and 100 new container wagons.

A strong contender to be the equipment supplier is one of the world’s largest makers of locomotives, France’s Alstom Transport, because 10 of the company’s locomotives are already in the possession of Toll Royal Railways. In a ceremony at Cambodiana Hotel,Cambodia’s Minister of Public Works and Transport Tram Iv Tek joined Royal Group’s Kith Meng, Toll Royal Railway CEO David Kerr and Richz Electronic Services’ Peter Ng Meng Cheng and a number of others to sign a memorandum of understanding.

“We have been waiting for the opening of the southern line. We’re going to buy some more locomotives. We will call for a transparent international tender,” said Toll’s David Kerr.

“This agreement is for OEM components. It puts Alstom in a good position where they are, but they will be subject to a transparent process,” Kerr said. “We’ll be working with the Ministry of Economy and Finance, with a concession management committee and a new railway department to make sure the process is totally transparent.”

Yesterday’s MOU is seen as the necessary precursor for the acquisition of new rolling stock for Cambodia’s railway transport system, of which the southern line to Sinhanoukville is schedule to open by the end of this year, the northern line to Battambang is estimated to open in 2014 or 2015.

Cambodia’s Minister for Public Works and Transport HE Tram Iv Tek said yesterday’s ceremony had been a long time coming.

“We need modern locomotives and rolling stock for Cambodia. Up to now we just fixed old locomotives. This is the first step in new railway activity and now because of this ceremony Toll will make a business plan for Cambodia.”

Minister Tram Iv Tek said the advantages of trains were fewer trucks on the road and a lower carbon footprint for Cambodia.

“The advantages are fewer trucks on the road and fighting against the climate change,” he said. “We will now discuss with Toll to seek the solution of how to complete the northern line.”

The Asian Development Bank’s Peter Brimble described the event as an important step in the development of Cambodia’s railway system.

“This is a key enabling factor to permit this project to go to the next stage of fund raising and development from the point of view of the concessionaire,” Brimble said. “It means that they are going to be sourcing blue chip equipment which then will support the funding of those purchases.

Brimble said the completion of the southern line would bring transport capability that would also speed the completion of the northern line, both of which would contribute to Cambodia’s overall economic integration and growing status as a regional hub.

“Cambodia will become a possible place of choice for people looking to locate and people to live. They are already doing that with Japanese firms coming in. I think Cambodia is developing in to a kind of hub and this railroad is part of that hub.”

Brimble said that from ADB’s point of view, there remained a full commitment to successfully completing Cambodia’s critical infrastructure projects. “We are not a party to the railway concession agreement, but we see it as a critical part of the process. With the concession agreement in place, we can work with the government and private stakeholders to get this project completed.”

Royal Group Chairman Kith Meng said the agreement would change the dynamic of the transport business.

“This will bring most of the transport business from trucks onto the railroads. It will also give competitiveness in terms of pricing, since Cambodia is part of ASEAN and we are the chair of ASEAN this year. This signing is symbolic that Cambodia is a good place to invest,” he said. Other companies involved in the parts supply are Singaporean-owned Richz Electronic Services and Romic-Ace International Pte Ltd, both authorised resellers for Alstom, the giant French supplier of locomotives. Richz Electronic Services’ Chairman Peter Ng Meng Cheng said the signing ceremony was the culmination of talks that had taken place since last year.

“They found that we are a good strategic partner and contribute to their operation.”

Also on hand was Singapore Ambassador HE S Premjith, who said “I’m very happy that a Singapore company is participating in a key project in Cambodia that will potentially be a game changer for Cambodia’s economic competitiveness”.

Others joining the event were Robert Coleman, Managing Director of Romic-Ace International Pte Ltd, specialising in rail spare parts and equipment, as well as Yannick Bazerque, Director of Alstom Transport Services and Vinojit Ambalavaner, director of Toll Royal Railway.

Tags: Cambodia, Development, Phnom Penh

Complaint to ADB cites decline in housing, food, education

Shane Worrell and Bridget Di Certo, Phnom Penh Post, Sep. 06 2012

Families have fallen into poverty and children have dropped out of school due to deficiencies in the Asian Development Bank’s rehabilitation of Cambodia’s railway system, according to a complaint filed to the bank’s compliance review department.

According to David Pred, managing associate for NGO Inclusive Development International, families forced to relocate to make way for the project had lodged the complaint to ADB’s Compliance Review Panel, claiming ADB had undercut families and the project had left many unable to provide for their families.

“The ongoing failure of ADB to comply with its policies has meant that vulnerable families who previously hovered just above the poverty line have now been made destitute by a botched resettlement process and can no longer meet basic needs,” Pred said. The ADB partnered with the Cambodian government to manage the US$143 million railway rehabilitation project of more than 650 kilometres of dilapidated or destroyed railway.

In all, more than 4,000 families across the country have been affected by the project, with about 1,200 of those required to relocate. According to the complaint, families’ standards of housing, food and education had declined since their relocation.

Pred’s NGO said that families who had to relocate to make way for the project received an average of $757.50 in compensation, however the cost of constructing a “basic adequate 4-x-4-metre stilt wooden house is at least US$1,925.75”. Compliance review was a “serious process”, the bank’s Compliance Review Panel’s Associate Secretary Geoffrey Crooks said yesterday.

“Such a review would focus on ADB procedure: did ADB do what it should have done in accordance with policies and procedures?” Crooks said, emphasising that the request for review had not yet been found eligible. If a review is approved, it could take up to more than a year for a thorough review, Crooks said, adding that each review was dealt with on a case-by-case basis.

Eang Vuthy, a representative of Equitable Cambodia, said that the human misery and poverty catalysed by the botched relocations was affecting old and young. “It seems that girls, in particular, are dropping out [of school],” he said, adding there were relocation issues across the country.

Tags: Cambodia, Development, Phnom Penh

មានបណ្តឹងឲ្យ ADB ពិនិត្យគម្រោងស្តារផ្លូវដែកឡើងវិញ

Shane Worrell និង Bridget Di Certo ភ្នំពេញប៉ុស្តិ៍ ថ្ងៃទី០៦ កញ្ញា ២០១២

ភ្នំពេញៈ គ្រួសារមួយចំនួនបានធ្លាក់ខ្លួនកាន់តែក្រ ហើយកូនចៅបានបោះបង់ការសិក្សា ដោយសារបញ្ហាផ្តល់សំណងនិងបញ្ហាខ្លះទៀតដែលកើតចេញពី គម្រោងស្តារប្រព័ន្ធផ្លូវដែករបស់ធនាគារអភិវឌ្ឍន៍អាស៊ីនៅ កម្ពុជា។ នេះបើយោងតាមបណ្តឹងមួយដែលដាក់ទៅធនាគារអភិវឌ្ឍន៍អាស៊ី។ តាមលោក David Pred មន្រ្តីគ្រប់គ្រងសម្រាប់អង្គការ Inclusive Development International បានឲ្យដឹងថា គ្រួសារប្រជាពលរដ្ឋដែលត្រូវបានបង្ខំឲ្យចាកចេញពីលំនៅដ្ឋាន ក្នុងគម្រោងស្តារផ្លូវដែកបានដាក់បណ្តឹងទៅនាយកដ្ឋាន ពិនិត្យអនុលោមភាពរបស់ធនាគារអភិវឌ្ឍន៍អាស៊ីដោយអះអាងថា គម្រោងនោះបានបណ្តាលឲ្យមានបញ្ហាជាច្រើននិងមិនបានផ្តល់សំណងឲ្យគ្រប់គ្រាន់ដល់គ្រួសារពួកគេ។
លោក Pred ថ្លែងថា៖ «ការបន្តបរាជ័យរបស់ ADB មិនគោរពតាមគោលនយោបាយរបស់ខ្លួន មានន័យថា គ្រួសារដែលងាយរងគ្រោះ ដែលពីមុនរស់នៅក្រោមបន្ទាត់ក្រីក្រ ឥឡូវនេះ ធ្វើឲ្យកាន់តែក្រីក្រទៅៗ ដោយសារដំណើរការផ្តល់ទីលំនៅថ្មីដល់ប្រជាជនទាំងនោះ ដែលមានលក្ខណៈមិនសមស្រប ហើយឥឡូវនេះពួកគេមិនអាចបំពេញតម្រូវការមូលដ្ឋានរបស់ខ្លួនបាន ដូចមុនទៀតទេ»។ ADB ក្នុងភាពជាដៃគូជាមួយរដ្ឋាភិបាលកម្ពុជា បានគាំពារគម្រោងស្តារផ្លូវដែកដែលមានទឹកប្រាក់ ១៤៣ លានដុល្លារសម្រាប់ផ្លូវដែកចាស់ៗ និងខូចខាតក្នុងប្រវែង ៦៥០ គីឡូម៉ែត្រ។ ជាសរុប ប្រជាជនជាង ៤ពាន់គ្រួសារ ទូទាំងប្រទេស បានរងប៉ះពាល់ដោយសារគម្រោងនេះ ហើយដែលគ្រួសារចំនួន១២០០ ក្នុងចំណោមនោះ ត្រូវបានតម្រូវឲ្យចាកចេញទៅរស់នៅកន្លែងថ្មី។ យោងតាមបណ្តឹងនោះថា ស្តង់ដាររស់នៅ ម្ហូបអាហារ និងការអប់រំរបស់គ្រួសារទាំងនោះ បានធ្លាក់ចុះចាប់តាំងពីពួកគេត្រូវតម្រូវឲ្យចាកចេញទៅ រស់នៅកន្លែងថ្មី។ បើតាមអង្គការលោក Pred គ្រួសារដែលបានចេញទៅរស់នៅកន្លែងថ្មីបានទទួលប្រាក់សំណងជា មធ្យម៧៥៧,៥០ដុល្លារអាមេរិក ប៉ុន្តែតាមសំណើលើការចំណាយសង់ផ្ទះឈើមួយទំហំ ៤គុណ៤ ម៉ែត្រ យ៉ាងហោចតម្លៃ១៩២៥,៧៥ ដុល្លារអាមេរិក។

លោក Geoffrey Crooks មន្រ្តីក្រុមពិនិត្យអនុលោមភាពរបស់ ADB ថ្លែងកាលពីម្សិលមិញថា ការពិនិត្យអនុលោមភាពគឺជា«ដំណើរការពិនិត្យយ៉ាងហ្មត់ចត់មួយ »។ លោក Geoffrey ថ្លែងថា៖ «ការពិនិត្យបែបនេះនឹងត្រូវផ្តោតទៅលើនីតិវិធីរបស់ ADB : តើ ADB បានធ្វើអ្វីដែលខ្លួនគួរតែធ្វើឬអត់ ដើម្បីគោរពទៅតាមគោលនយោបាយនិងនីតិវិធី»។ លោកបន្តទៀតថា សំណើសុំឲ្យមានការត្រួតពិនិត្យនោះ គឺមិនទាន់រកឃើញថា មានលក្ខណសម្បត្តិគ្រប់គ្រាន់នៅឡើយទេ។

ប្រសិនបើការត្រួត ពិនិត្យនោះត្រូវបានឯកភាពនោះវានឹងត្រូវការរយៈពេលមួយឆ្នាំឬ ច្រើនជាងនេះដើម្បីត្រួតពិនិត្យឡើងវិញ។ លោក Geoffrey បន្តថា ការពិនិត្យនីមួយៗគឺត្រូវធ្វើដោយផ្អែកទៅតាមករណីជាក់ស្តែងមួយៗ។

លោក អៀង វុទ្ធី តំណាងនៅអង្គការ Equitable Cambodia បានថ្លែងថា ភាពក្រីក្រនិងទុក្ខវេទនារបស់ប្រជាជនគឺបង្កឡើងពីការ បណ្តេញពួកគេទៅកន្លែងថ្មីដែលគ្មានលក្ខណៈសមស្រប ហើយកំពុងតែប៉ះពាល់ដល់ជនមានវ័យចំណាស់ និងកុមារ។ លោកបន្តថា៖ «ការប៉ះពាល់នោះ គឺទំនងជាប៉ះពាល់ខ្លាំងទៅលើក្មេងស្រី ដែលកំពុងបោះបង់ការសិក្សា»។ លោកថា បញ្ហាបណ្តេញពីលំនៅដ្ឋានគេឃើញកើតមានទូទាំងប្រទេស៕ PS

ឡាវចាប់ផ្តើមសង់ទំនប់វារីអគ្គិសនីក្បែរព្រំដែនកម្ពុជា

Tuesday, 04 September 2012 Shane Worrell, From The Phnom Penh Post

ភ្នំពេញៈ ក្រុមបរិស្ថានទន្លេអន្តរជាតិ បាននិយាយកាលពីថ្ងៃម្សិលមិញថា ទឹកជ្រោះមួយកន្លែងក្នុងទឹកដីឡាវ ដែលមានចម្ងាយមិនដល់ ២ គីឡូម៉ែត្រ ពីព្រំដែនកម្ពុជា ជិតនឹងកន្លែងទឹកធ្លាក់ធំបំផុត នៅអាស៊ីភាគអាគ្នេយ៍ ត្រូវបានគេបំផ្ទុះខណៈដែលកិច្ចការ បានចាប់ផ្តើមលើទំនប់វារីអគ្គិសនីមួយ ដែលគេមិនបានឯកភាព លើដងទន្លេមេគង្គ។
លោកស្រីPianporn Deetes អ្នកសម្របសម្រួលយុទ្ធនាការថៃ សម្រាប់ទន្លេអន្តរជាតិ បាននិយាយថា លោកស្រី បានដឹងពីកិច្ចការជីកកកាយ នៅក្បែរទឹកជ្រោះ Khone ក្នុងអំឡុងដំណើរទស្សនកិច្ចថ្មីមួយ ទៅខេត្ត ចំប៉ាសាក់ ជាទីដែលរដ្ឋាភិបាលឡាវ បានស្នើសុំកសាងទំនប់វារីអគ្គិសនី ដនសាហុង។ លោកស្រី បញ្ជាក់ថា៖«អ្នកភូមិ បានរាយការណ៍ថា កម្មករសាងសង់ទំនប់ បានបំផ្ទុះរួចហើយនូវកន្លែងទឹកធ្លាក់ក្បែរទំនប់នោះ»។ លោកស្រី បន្តថា៖«ក្រុមមន្រ្តីឡាវ បានប្រាប់អ្នកភូមិថា ពួកគេ នឹងមិនត្រូវបានគេអនុញ្ញាតឲ្យរកត្រីជាមួយនឹងឧបករណ៍ នេសាទ នៅក្នុងតំបន់នេះទេ ដោយគិតពីដើមឆ្នាំ ២០១៤ តទៅ។ ការសាងសង់ទំនប់នេះ និងការបញ្ចប់ការនេសាទត្រី គឺជាក្តីកង្វល់ធំមួយ ព្រោះអ្នកស្រុក ពឹងផ្អែកខ្លាំងលើការនេសាទត្រីសម្រាប់ជីវភាពរបស់ពួកគេ»។

ទោះ បីជាមិនសូវមានឥទ្ធិពល ជាងទំនប់សាយ៉ាប៊ូរីកម្លាំង១២៨៥ មេហ្គាវ៉ាត់ ដែលគេបានស្នើនៅភាគខាងជើងប្រទេសឡាវក៏ដោយ ក៏ក្រុមបរិស្ថាន ទន្លេអន្តរជាតិនេះ ជឿថា ទំនប់វារីអគ្គិសនី ដនសាហុង ដែលមានកម្លាំង ៣៨០ មេហ្គាវ៉ាត់ ក៏នឹងគំរាមកំហែងដល់សហគមន៍នេសាទកម្ពុជា នៅខ្សែទឹកខាងក្រោមផងដែរ ដោយសារតែសក្តានុពលរបស់វា បិទប្រឡាយ Hou Sahong ជាផ្នែកតែមួយគត់ របស់ទន្លេមេគង្គ ដែលត្រី ធ្វើដំណើរឆ្លងកាត់តាមទីនោះ ក្នុងអំឡុងរដូវប្រាំង។

ក្រុមហ៊ុនម៉ាឡេស៊ីមួយ ឈ្មោះ Mega First Corporation Berhad បានចុះកិច្ចព្រមព្រៀង សាងសង់ទំនប់ដនសាហុង។ ទោះជាយ៉ាងនេះក្តី ក៏រដ្ឋនៃគណៈកម្មការទន្លេមេគង្គ (MRC) ដែលមានកម្ពុជា វៀតណាម និងថៃ មិនបានយល់ព្រម ចំពោះគម្រោងនេះដែរ ជាតម្រូវការមួយក្រោមកិច្ចព្រមព្រៀងឆ្នាំ ១៩៩៥។

លោកស្រី Ame Trandem នាយកកម្មវិធីអាស៊ីភាគអាគ្នេយ៍ ទទួលបន្ទុកខាងក្រុមបរិស្ថាន ទន្លេអន្តរជាតិ ថ្លែងថា ទំបន់ ដនសាហុងនឹងមានគ្រោះថ្នាក់សម្រាប់ការនេសាទ នៅទន្លេមេ គង្គ»។ លោកស្រី បញ្ជាក់ថា៖ «ដូចជាទំបន់សាយ៉ាប៊ូរីអ៊ីចឹងដែរ ផលប៉ះពាល់ មានកាត់តាមព្រំដែន»។

លោកស្រី បន្តថា អ្នកភូមិដែលរស់នៅក្បែរទំនប់ ដនសាហុង បានរាយការណ៍ថា ក្រុមហ៊ុន Mega First Corporation Berhad បានបំផ្ទុះកន្លែងទឹកធ្លាក់នេះ ដើម្បីបង្កើតផ្លូវត្រីធ្វើដំណើរតូចមួយ។ លោកស្រី បន្ថែមថា៖«រដ្ឋាភិបាលឡាវ គួរតែបញ្ជាក់ភ្លាមៗ នូវឋានៈបច្ចុប្បន្នរបស់ទំនប់ ដនសាហុង និងផ្តល់ព័ត៌មានចុងក្រោយបំផុត អំពីកិច្ចការជីកប្រឡាយ ដែលបានកើតមាន នៅកន្លែងទឹកជ្រោះ Khone »។

នៅពេលទាក់ទងកាលពី ថ្ងៃម្សិលមិញ បុគ្គលិកម្នាក់ របស់ក្រុមហ៊ុន Mega First Corporation Berhad ដែលសុំមិនបញ្ចេញឈ្មោះ បាននិយាយថា ការសាងសង់ទំនប់ ដនសាហុង នៅវែងឆ្ងាយនៅឡើយ។ បុគ្គលិករូបនោះ បន្តថា៖«យើងពិតជាមិនទាន់បានចាប់ផ្តើមការសាងសង់ទំនប់នេះ នៅឡើយទេ។ ជាងនេះទៅទៀត យើងមិនទាន់រកបានអ្នកម៉ៅការនៅឡើយទេ»។ លោក បញ្ជាក់ថា ក្រុមហ៊ុននេះ មិនទាន់ធ្វើកិច្ចការណាមួយ នៅការដ្ឋាននោះនៅឡើយទេ ហើយចាំបាច់ត្រូវតែមានការឯកភាពគ្នា សម្រាប់គម្រោងនេះពីគណៈកម្មការទន្លេមេគង្គ។

លោកស្រី Trandem បានមានប្រសាសន៍បន្តថា រដ្ឋាភិបាលឡាវ គួរតែលុបចោល កិច្ចការនេះ នៅឯការដ្ឋានទំនប់ដនសាហុង ដូចវាមានជាមួយនឹងកិច្ចការនៅទំនប់សាយ៉ាប៊ូរី ដែលគេមិនឯកភាព។

លោក តែ ណាវុធ អគ្គលេខាធិការនៃគណៈកម្មាធិការជាតិទន្លេមេគង្គកម្ពុជា មានប្រសាសន៍ថា លោក តក់ស្លត់ ដែលឮអំពីការងារនេះ។ លោកបាន បញ្ជាក់ថា៖«យើងយល់ថា គម្រោងនេះ ជាផែនការមួយក្នុងចំណោមផែនការជាច្រើន ស្តីពីនិន្នាការរបស់ទន្លេមេគង្គ ប៉ុន្តែចំពោះខ្ញុំ ខ្ញុំភ្ញាក់ផ្អើល ដែលឮអំពីឈ្មោះនេះ ត្រូវបានគេនិយាយនៅពេលឥឡូវនេះ»។ លោក បានបន្ថែមថា លោកមិនទាន់ទទួលបានព័ត៌មានអំពីទំនប់ដែលគេស្នើឡើងនោះទេ។ ក្រសួងការបរទេស ក្រសួងធនធានទឹក និងក្រសួងបរិស្ថានឡាវ មិនអាចទាក់ទងធ្វើអធិប្បាយបានទេកាលពីម្សិលមិញ៕ NR

ក្រសួងជូនដំណឹងពីជំនន់ទឹកភ្លៀង ព្យុះ និង រន្ទះ

Monday, 03 September 2012 ផាក់ ស៊ាងលី From The Phnom Penh Post

ភ្នំពេញៈ ក្រសួងធនធានទឹកនិងឧតុនិយមកាលពីចុងសប្តាហ៍មុនបានចេញសេចក្តីជូន ដំណឹងពីជំនន់ទឹកភ្លៀង និងប្រកាសស្តីពីព្យុះ និងផ្គររន្ទះនៅក្នុងខេត្តចំនួន១៧ នៅទូទាំងព្រះរាជាណាចក្រកម្ពុជា ខណៈដែលជ្រលងសម្ពាធទាបមួយកំពុងគ្របដណ្តប់លើអាងទន្លេមេគង្គ។

ជ្រលងសម្ពាធទាបនេះ បានអូសបន្លាយពីលើអាងទន្លេមេគង្គរហូតដល់តំបន់ភាគខាងជើងប្រទេសចាប់ពីថ្ងៃទី៣១ ខែសីហាកន្លងមក រហូតដល់ថ្ងៃទី០១ ខែកញ្ញា។ ជ្រលងសម្ពាធទាបនេះលាតសន្ធឹងកាន់តែធំ និងបង្កើនឥទ្ធិពលកាន់តែខ្លាំងមកលើប្រទេសកម្ពុជា។ នេះបើយោងតាមសេចក្តីជូនដំណឹងរបស់ក្រសួងធនធានទឹកនិងឧតុនិយមដែល បានចេញកាលពីថ្ងៃសៅរ៍ទី០១ ខែកញ្ញានេះ។

សេចក្តីជូនដំណឹងដដែល នេះបានបញ្ជាក់ថា ជ្រលងសម្ពាធទាបនេះអាចធ្វើឲ្យមានភ្លៀងធ្លាក់ច្រើនបន្តបន្ទាប់ ទាំងនៅតំបន់ខ្ពង់រាបនិងវាលទំនាប នឹងអាចធ្វើឲ្យមាន«ជំនន់ទឹកភ្លៀង»នៅក្នុងខេត្តឧត្តរមានជ័យ បន្ទាយមានជ័យ បាត់ដំបង ពោធិ៍សាត់ សៀមរាប ព្រះវិហារ ក្រចេះ កំពង់ចាម ព្រៃវែង កំពង់ធំ រតនគិរី មណ្ឌលគិរី កំពង់ស្ពឺ កំពង់ឆ្នាំង តាកែវ កណ្តាល និងស្វាយរៀង ចាប់ពីថ្ងៃទី០២ ដល់ទីថ្ងៃទី០៦ ខែកញ្ញានេះ។

សេចក្តី ជូនដំណឹងនេះបន្តថា៖«ទន្ទឹមនឹងនេះកម្ពស់ទឹកទន្លេមេគង្គ និងទន្លេបាសាក់និងទន្លេសាបក៏នឹងហក់ឡើងផងដែរ។ អាជ្ញាធរដែនដីនិងប្រជាពលរដ្ឋ ដែលរស់នៅជាប់នឹងតំបន់ភ្នំតំបន់ទំនាប និងតំបន់ជាប់ផ្លូវទឹក សូមបង្កើនការប្រុងប្រយ័ត្នដើម្បីចៀសវាងនូវគ្រោះថ្នាក់»។

ស្របគ្នានេះ នាយកដ្ឋានឧតុនិយមនៃក្រសួងធនធានទឹកក៏ប្រកាសពីបញ្ហាភ្លៀង ធ្លាក់ខ្លាំងនិងផ្គររន្ទះ ក្នុងរយៈពេលបីថ្ងៃនេះដែរ។ សេចក្តីជូនដំណឹងដដែលនោះបញ្ជាក់ថា៖ «ចាប់ពីថ្ងៃទី២ រហូតដល់ទី៤ កញ្ញា មានភ្លៀងធ្លាក់ខ្លាំងលាយឡំនឹងផ្គររន្ទះ។ សូមប្រុងប្រយ័ត្ន»។

លោក អ៊ុក កែវរតនៈ អ្នកនាំពាក្យសាលាខេត្តបន្ទាយមានជ័យអះអាងពីម្សិលមិញថា នៅបន្ទាយមានជ័យមានភ្លៀងធ្លាក់ជាបន្តបន្ទាប់ ក្នុង ២-៣ថ្ងៃកន្លងមកនេះ ហើយកាលពីព្រឹកថ្ងៃអាទិត្យ ផ្ទៃមេឃអួអាប់រកកលចង់ភ្លៀង។

លោកបញ្ជាក់ថា៖«ភ្លៀងធ្លាក់វា ជាអំណោយផលដល់ស្រូវ ប្រជាពលរដ្ឋជិត១ម៉ឺនហិកតា ដែលកំពុងត្រូវការទឹក។ នៅព្រឹកថ្ងៃអាទិត្យនេះ(ម្សិលមិញ)មេឃមានពពកខ្មៅតាំងពីព្រលឹម មក ខ្ញុំសង្ឃឹមថា នឹងមានភ្លៀងធ្លាក់ច្រើនមិនខាន»។

លោក គឹម សាវឿន ប្រធានមន្ទីរកសិកម្មខេត្តកំពង់ចាមបានសម្តែងក្តីបារម្ភអំពីទឹក ជំនន់ ដែលអាចកើតមាននៅពេលខាងមុខ។ លោកបញ្ជាក់ថា៖ «តាមបទពិសោធកាលពីឆ្នាំទៅ យើងមានការបារម្ភពីទឹកជំនន់នេះ ព្រោះវាបានបំផ្លាញស្រូវ ដំណាំផ្សេងនិងហេដ្ឋារចនាសម្ព័ន្ធជាដើម។ តែទោះយ៉ាងណាខេត្តបានរៀបចំផែនការត្រៀមទប់ទល់នឹងទឹកជំនន់ឆ្នាំ នេះរួចហើយ»។

យោងតាមរបាយការណ៍របស់គណៈកម្មាធិការជាតិគ្រប់គ្រង គ្រោះមហន្តរាយឲ្យដឹងថា ក្នុង៨ខែ ឆ្នាំ២០១២នេះ ខ្យល់ព្យុះបានបំផ្លាញផ្ទះទាំងស្រុង១៩៣ខ្នង សម្លាប់មនុស្ស២០នាក់ និងបង្ករបួស៥៩នាក់។ ជាមួយនោះមនុស្ស៨១នាក់ ត្រូវរន្ទះបាញ់ស្លាប់ និង៦៩នាក់បានរងរបួសនៅទូទាំងប្រទេស។

នៅក្នុងឆ្នាំនេះដែរ គណៈកម្មាធិការនេះ ត្រូវការស្បៀង១៦ពាន់តោន កម្លាំងចម្រុះ៣៥០០នាក់ទាហានជើងទឹក១.០២៧នាក់ និងកងរាជអាវុធហត្ថ៥.២៧០នាក់ ហើយនិងសម្ភារមួយចំនួនទៀត មានបាវខ្សាច់ កាណូត និងអូប័រផងដែរ ដើម្បីត្រៀមទប់ទល់នឹងទឹកជំនន់ដែលអាចកើតមានជាយថាហេតុ៕

ស្រ្តីពលកររងគ្រោះចេញមករំឭកពីការប្តឹងក្រុមហ៊ុន

Friday, 31 August 2012 Rachel Will និង មុំ គន្ធា From The Phnom Penh Post

ភ្នំពេញៈ អ្នកស្រី ហេង ហាក់ សម្តែងចេញនូវទឹកមុខស្មើ។ បើទោះបីជារូបរាងរបស់អ្នកស្រី បានបង្ហាញនូវអារម្មណ៍ស្ងប់ក៏ដោយ ក៏ប៉ុន្តែជើងរបស់អ្នកស្រី មានស្លាកស្នាម ដែលអ្នកស្រី បានប៉ុនប៉ងរត់គេចខ្លួនកាលពីឆ្នាំមុន។

កាលពីខែមីនា ឆ្នាំ ២០១១ អ្នកស្រី ហាក់ បានលោតចុះពីជាន់ទី ៣ នៃអគាររបស់ទីភ្នាក់ងារជ្រើសរើសពលករ គឺក្រុមហ៊ុន T&P។ អ្នកស្រីអះអាងថា ក្រុមហ៊ុន បានឃុំឃាំងអ្នកស្រី មិនឲ្យជួបក្រុមគ្រួសារ និងកូនរបស់អ្នកស្រី ដូច្នេះ អ្នកស្រីបានលោតចុះពីលើអគារដើម្បីគេចខ្លួន។ អ្នកស្រី លើកឡើងថា៖ «ខ្ញុំមិនសោកស្តាយ ចំពោះការលោតចុះនោះទេ ព្រោះស្លាប់នៅកម្ពុជា ប្រសើរជាងស្លាប់ នៅប្រទេសគេ»។

កាលពី ម្សិលមិញ អ្នកស្រី ហាក់ បានរៀបចំសន្និសីទសារព័ត៌មានមួយ ដើម្បីទាក់ទាញការយកចិត្តទុកដាក់ លើពាក្យបណ្តឹងរបស់អ្នកស្រីកាលពីឆ្នាំ ២០១១ ប្រឆាំងនឹងក្រុមហ៊ុន T&P ជាក្រុមហ៊ុនបច្ចុប្បន្នគ្មានដំណើរការ ដែលធ្លាប់បណ្តុះបណ្តាលអ្នកបម្រើតាមផ្ទះសម្រាប់ការងារនៅម៉ាឡេស៊ី។ អ្នកស្រីបានប្តឹងក្រុមហ៊ុន ពីបទឃុំឃាំងខុសច្បាប់ ប៉ុនប៉ងធ្វើមនុស្សឃាត និងទាមទារសំណងសរុប ៨០០០ ដុល្លារ។

ក្នុងចំណាត់ការផ្លូវច្បាប់ចុងក្រោយបំផុត អ្នកស្រីនឹងបន្ថែមបទចោទជួញដូរមនុស្ស ប្រឆាំងនឹងក្រុមហ៊ុន T&P ហើយបន្តប្តឹងទាមទារទ្រព្យសកម្ម ដែលនៅសល់ របស់ក្រុមហ៊ុន T&P។

លោកស្រី មូរ សុខហួរ តំណាងរាស្រ្តគណបក្ស សម រង្ស៊ី ដែលជួយក្នុងរឿងក្តីនេះ បានថ្លែងថា៖ «យើងបានផ្ញើលិខិតស្នើសុំអន្តរាគមន៍ ទៅតុលាការ និងក្រសួងពាក់ព័ន្ធ ឲ្យជួយអ្នកស្រី ហេង ហាក់ ប៉ុន្តែយើងមិនបានទទួលការឆ្លើយតបអ្វីទេ»។ លោកស្រីបានបន្ថែមថា៖ «ពលករចំណាកស្រុកកម្ពុជា នៅតែប្រឈមស្ថានការណ៍គ្រោះថ្នាក់ ហើយរដ្ឋាភិបាល មិនខ្វាយខ្វល់ឡើយ។ ក្រុមហ៊ុន T&P បានបិទទ្វារហើយប៉ុន្តែរដ្ឋាភិបាល មិនបានតាមដានពីសុខទុក្ខ របស់ពលករ ដែលនៅសល់ក្នុងប្រទេសម៉ាឡេស៊ីទេ»។

ចាប់តាំងពីរឿង ក្តីនេះ បានបើកសវនាការចុងក្រោយ ក្រុមហ៊ុន T&P បានរំលាយទាំងស្រុងហើយលោក សំ ពិសិដ្ឋ នាយកក្រុមហ៊ុន T&P កំពុងរត់គេចខ្លួន។

យោងតាមលោក មឿន តុលា មន្រ្តីនៃ មជ្ឈមណ្ឌលអប់រំច្បាប់ សម្រាប់សហគមន៍ ដែលជួយអ្នកស្រី ហេង ហាក់ បានឲ្យដឹងដែរថា នាងត្រូវបានមន្រ្តីជាន់ខ្ពស់ផ្តល់ប្រាក់ ដើម្បីឲ្យនៅស្ងៀម បន្ទាប់ពីគ្រោះថ្នាក់របស់នាង។

លោក តុលា បានបញ្ជាក់ថា៖ «ជំនួយការរបស់ឧបនាយករដ្ឋមន្រ្តីម្នាក់ បានមកជួបនាង និងឲ្យប្រាក់នាង ដើម្បីបញ្ចុះបញ្ចូល កុំឲ្យប្តឹងក្រុមហ៊ុន T&P។ នាងទទួលយក ប៉ុន្តែវាមិនមានន័យថា នាងយល់ព្រមនោះទេ។ នាងមិនប្រគល់ប្រាក់ឲ្យវិញទេ ព្រោះវាសម្រាប់បង់ចំណាយព្យាបាល»។

លោក អាន ប៊ុនហាក់ ប្រធានសមាគមទីភ្នាក់ងារជ្រើសរើសពលករកម្ពុជា បានថ្លែងថា លោកបានផ្តល់ប្រាក់ផ្ទាល់ខ្លួន ទៅឲ្យអ្នកស្រី ហាក់ ហើយបានស្នើនាង ឲ្យមកជួបលោកដោយផ្ទាល់ ដើម្បីលោកអាចជួយនាងបាន។

លោក មានប្រសាសន៍ថា៖ «ក្រុមហ៊ុន T&P ជាសមាជិកនៃសមាគមទីភ្នាក់ងារជ្រើសរើសពលករកម្ពុជា។ យើងស្វាគមន៍នាង ប្រសិនបើនាងត្រូវការជំនួយ ប៉ុន្តែខ្ញុំស្នើសុំអ្នកឲ្យពិចារណាថា តើមូលហេតុអ្វី ទើបមានចំណាប់អារម្មណ៍ លើរឿងក្តីរបស់នាងនៅពេលនេះ»។

លោកស្រី វ៉ា សក្កដា ព្រះរាជអាជ្ញារង សាលាដំបូងរាជធានីភ្នំពេញ បានថ្លែងកាលពីម្សិលមិញថា លោកស្រីមិនបានទទួលពាក្យបណ្តឹង ពីអ្នកស្រី ហេង ហាក់ ទេ ហើយក៏មិនបានដឹងដែរថា តើអ្នកណា ត្រូវបានចាត់តាំងឲ្យកាន់សំណុំរឿងនេះ៕ TK

Forest in Cambodia

Pages

National