Forest in Cambodia: August 2013

Thursday, August 22, 2013

បណ្តុំសង្គមស៊ីវិលធ្វើការបួងសួងសុំសន្តិភាពលើកទី២

Thursday, 22 August 2013 ឆាយ ច័ន្ទនីដា From The Phnom Penh Post

ប្រជាពលរដ្ឋចូលរួមពិធីបួងសួងសុំសន្តិភាពនៅវត្តភ្នំលើកទី១។ រូបថត មិនា

ភ្នំពេញៈ នេះជាលើកទី២ ដែលបណ្តុំអង្គការសង្គមស៊ីវិល រៀបចំនូវពិធីបួងសួងសុំសន្តិភាពចំថ្ងៃសីលបន្ទាប់ពីនៅភ្នំពេញ នឹងជាការចាប់ផ្តើមដំបូងនៅទឹកដីខេត្តសៀមរាបដែរ កាលពីម្សិលមិញ ដើម្បីបង្ហាញដល់អ្នកនយោបាយក្នុងប្រទេស ឲ្យធ្វើការដោះស្រាយបញ្ហាជាប់គាំងក្រោយការបោះឆ្នោតដោយ សន្តិវិធី។
លោក វ៉ន ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ច ក្រៅប្រព័ន្ធ ហៅកាត់ IDEA ដែលមានអ្នករត់រ៉ឺម៉កម៉ូតូ ម៉ូតូឌុប និងរថយន្តឈ្នួលជាសមាជិក ព្រះសង្ឃ ដូនជី យុវជន និងមន្ត្រីអង្គការសង្គមស៊ីវិលរាប់រយនាក់ជុំគ្នានៅរមណីយដ្ឋាន វត្តភ្នំ កាលពីម៉ោង៤រសៀលម្សិលមិញ ដើម្បីធ្វើការបួងសួង សុំឲ្យស្ថានការណ៍នយោបាយវិលមករកសភាពដើម នៅពេលដែលពួកគេមើលឃើញថា ក្រោយការបោះឆ្នោត មានការពង្រាយកងទ័ព នៅតំបន់សំខាន់ៗ ក្នុងរាជធានី និងខេត្តជុំវិញនេះ ដែលទំនងជាការត្រៀមបង្ក្រាបបាតុករ ដែលចង់ធ្វើការតវ៉ាទាមទារឲ្យមានការដោះស្រាយភាពមិនប្រក្រតីនៃ ការ បោះឆ្នោត។
គម្រោងរបស់ IDEA នឹងចាប់ផ្តើមធ្វើជាបន្តនៅខេត្តបន្ទាយមានជ័យ និងខេត្តព្រះសីហនុ តាមសាខាអង្គការនៅទីនោះ ដើម្បីជាការពង្រីកនូវការចូលរួមឲ្យកាន់តែច្រើនពីពលរដ្ឋក៏ដូចជា អ្នកបោះឆ្នោត ដែលត្រូវការសន្តិភាព។

១៣គ្រួសារគ្រោងដាក់ពាក្យប្តឹងទាហានកាងដី

Thursday, 22 August 2013 ផាក់ ស៊ាងលី From The Phnom Penh Post

ដីមានទំនាស់ដែលត្រូវទាហានកាងដីឲ្យអ្នកមាន។ រូបថត សហការី

ឧត្តរមានជ័យៈ ពលរដ្ឋ១៣គ្រួសារនៅ ស្រុកត្រពាំងប្រាសាទ កំពុងស្វែងរកកិច្ចអន្តរាគមន៍និងរៀបចំដាក់ពាក្យបណ្តឹងដាក់ទៅ តុលាការនៅថ្ងៃសុក្រ ខណៈដែលក្រុមទាហានបាននឹងកំពុងកាងដីទំនាស់ឲ្យក្រុមអ្នកមាន បន្ទាប់ពីបានបំផ្លាញផលដំណាំ និងគំរាមចាប់ពួកគាត់ដាក់គុក។
ប្រជាពល រដ្ឋទាំង១៣គ្រួសារនៅក្នុងឃុំ-ស្រុកត្រពាំងប្រាសាទបានដាក់ពាក្យ ប្តឹងរួមទៅសមាគមសិទ្ធិមនុស្សអាដហុកខេត្តកាលពីដើមខែសីហានេះ ដើម្បីសុំអន្តរាគមន៍ក្នុងទំនាស់ដីធ្លីជាង៩០ហិកតា ជាមួយនឹងក្រុមអ្នកមានលុយ មានអំណាចដែលបានប្រើកម្លាំងយោធាកងពលអន្តរាគមន៍លេខ៦ ទៅកាងការពារដីនោះ។
លោក ស្រី ណារ៉េន អ្នកសម្របសម្រួលសមាគមសិទ្ធិមនុស្សអាដហុកខេត្តនេះបានឲ្យដឹងពី ថ្ងៃពុធថា អាដហុកខេត្តបានចុះទៅធ្វើការស៊ើបអង្កេតដល់កន្លែងទំនាស់កាលពី ថ្ងៃអង្គារ។ លោកបញ្ជាក់ថា៖«យើងឃើញផ្ទះពលរដ្ឋត្រូវគេរុះរើ ដំឡូងជាងមួយហិកតាត្រូវទាហានបាញ់ថ្នាំបំផ្លាញ»។
លោកថា តាមការស៊ើបអង្កេតបង្ហាញថា ក្រុមទាហានអត់មានអីពាក់ព័ន្ធទៅនឹងដីនោះទេ ប៉ុន្តែ ត្រូវគេបញ្ជូនទៅកាងការពារផលប្រយោជន៍បុគ្គល មិនឲ្យពលរដ្ឋចូលក្នុងដីគាត់ ដែលធ្លាប់កាន់កាប់និងដាំដុះជាយូរមកនោះ។

ចិនចង់ឲ្យដោះស្រាយបញ្ហាដោយសន្តិវិធី

Thursday, 22 August 2013 វង្ស សុខេង From The Phnom Penh Post

លោកហោ ណាំហុងរដ្ឋមន្ត្រីការបរទេសនិងសមភាគីចិន។ រូបថត ហេង

ជីវ័ន

ភ្នំពេញៈ ប្រទេសចិន កាលពីម្សិលមិញ បានជំរុញឲ្យគណបក្សកាន់អំណាចនិងគណបក្សប្រឆាំងបន្តស្វែងរកដំណោះ ស្រាយដោយសន្តិវិធី ចំពោះភាពជាប់គាំងខាងនយោបាយបច្ចុប្បន្ន បន្ទាប់ពីការបោះឆ្នោត ខណៈដែលចិនបានស្វាគមន៍ «ជ័យជម្នះ» របស់គណបក្សប្រជាជន ក្នុងពេលជាមួយគ្នានេះដែរ។ ថ្លែងនៅសន្និសីទកាសែតរួមគ្នាខ្លីមួយ កាលពីម្សិលមិញ បន្ទាប់ពីជំនួបជាមួយលោកនាយករដ្ឋមន្រ្តី ហ៊ុន សែន រដ្ឋមន្រ្តីការបរទេសចិន លោក Wang Yi បានប្រាប់អ្នកកាសែតថា គណបក្សនយោបាយកម្ពុជា គួរតែចរចាដើម្បីរក្សាស្ថិរភាពសង្គម និងសេដ្ឋកិច្ច។ លោកថ្លែងបន្តថា៖ «ចិនជាដៃគូល្អរបស់កម្ពុជា ហើយយើងសង្ឃឹមថា គណបក្សនយោបាយក្នុងប្រទេសកម្ពុជា នឹងចរចាដោយសន្តិវិធីដើម្បីឲ្យមានការបង្កើតសភានិងរដ្ឋាភិបាល ថ្មីមួយ នាពេលឆាប់ៗនេះ»។

ក្រុមហ៊ុនដីសម្បទានសម្រុកកាប់ឈើ

Thursday, 22 August 2013 ម៉ៃ ទិត្យថារ៉ា From The Phnom Penh Post

ឡានចុះដឹកឈើចេញពីព្រៃនៅខេត្តកំពង់ធំ។ រូបថត សហការី

ភ្នំពេញៈ យ៉ាងហោចណាស់ ក៏មានក្រុមហ៊ុនដែលទទួលបានដីសម្បទានសេដ្ឋកិច្ចពីរដ្ឋាភិបាលជាង ១២ក្រុមហ៊ុន និងក្រុមឈ្មួញឈើឱកាសនិយមជាច្រើននាក់ បានកាប់បំផ្លាញព្រៃឈើ និងដឹកជញ្ជូនឈើប្រណីត យ៉ាងអនាធិបតេយ្យដោយចំហ នៅក្នុងខេត្តចំនួន ៩ ដោយគ្មានការទប់ស្កាត់ ពីសំណាក់សមត្ថកិច្ច នៅក្នុងអំឡុងមុនពេល និងក្រោយពេលបោះឆ្នោត។ នេះបើយោងតាមសេចក្តីថ្លែងការណ៍រួមមួយរបស់ក្រុមសកម្មជនការពារ ព្រៃឈើចេញផ្សាយកាលពីម្សិលមិញ។
សេចក្តីថ្លែងការណ៍រួមរបស់ក្រុមសកម្មជន ការពារព្រៃឈើ មានសម្ព័ន្ធសហគមន៍កសិករកម្ពុជា និងបណ្តាញយុវជនកម្ពុជា បានរកឃើញថា ភាគីដែលពាក់ព័ន្ធ នឹងការកាប់បំផ្លាញព្រៃឈើ ក្នុងរយៈពេលមុន និងក្រោយបោះឆ្នោតនោះ គឺជាក្រុមហ៊ុន ដែលបានទទួលដីសម្បទានសេដ្ឋកិច្ច ពីរដ្ឋាភិបាល នាពេលកន្លងមក មានដូចជា ក្រុមហ៊ុនរបស់ឧកញ៉ា ទី្រ ភាព ក្រុមហ៊ុន វៀតណាម CRCK នៅខេត្តកំពង់ធំ ដែលពង្រីកការកាប់ឈើនៅក្នុងតំបន់ព្រៃឡង់។ ក្រុមហ៊ុនហ៊ងអានម៉ាងយ៉ាងខេបានកាប់បំផ្លាញព្រៃឈើ នៅស្រុកវ៉ឺនសៃ ខេត្តរតនគិរី។

Activist’s murder not political: cop

Thu, 15 August 2013 May Titthara From The Phnom Penh Post

CNRP deputy president Kem Sokha comforts the family of an activist, Sann Soeun, 67, in Kampong Speu province. PHOTO SUPPLIED

The victim in a Kampong Speu province murder, for which two men – one a famous boxer – were arrested on Monday, was a local Cambodia National Rescue Party activist, but his killing was likely unrelated to politics, police maintained.

CNRP deputy president Kem Sokha attended shopkeeper and activist Sann Soeun’s funeral yesterday, but according to deputy provincial police chief Sam Samuon, the killing was born of a personal dispute.

“[The suspects] have already confessed, so we are investigating further to find the people who hired them. But this is absolutely not a political matter,” Samuon said. “It was pure spite.”

Soeun, 67, was killed on Monday night when the two suspects – Chhuong Vannak, aka Rasmey or Ngol, 34, and boxer Try Kun, 32 – allegedly came to his store to buy a case of beer.

After handing Soeun the money, one of the men shot Soeun in the back of the head with a K-59 pistol as he turned around to get change, then fled the scene.

Opposition chief’s US visit includes UN sit-down

Thu, 15 August 2013 Meas Sokchea and Shane Worrell From The Phnom Penh Post

Complaints filed by opposition supporters flood a bulletin board at the National Election Committee headquarters
in Phnom Penh. HENG CHIVOAN

As his party continues its efforts to form a joint committee to investigate alleged irregularities in last month’s election, opposition leader Sam Rainsy will touch down in Phnom Penh today, fresh from a meeting with the United Nations in New York.

Philip Sen, communications officer at the Office of the UN Resident Coordinator, said yesterday that Rainsy – who was visiting the US for his daughter’s wedding – met with UN officials on Monday. That meeting came shortly after the NEC released preliminary election results that supported the CPP’s claims of a 68-55 victory.

“Senior officials from the UN Department of Political Affairs met Cambodia National Rescue Party leader Sam Rainsy on 12 August in New York,” Sen wrote in an email, without revealing details of what was said. “The Deputy Permanent Representative of the Kingdom of Cambodia to the United Nations also participated in the meeting.”

The CNRP declined to give details of the meeting and what bearing it would have on the party’s strategy when Rainsy arrives home today. In protest against Monday’s results, the opposition yesterday lodged official complaints with the NEC, maintaining it won the election with a slim majority of 63 seats.

Rainsy calls for RCAF pullout

Thu, 15 August 2013 May Titthara From The Phnom Penh Post

An armoured personnel camier patrols Kandal province before stopping in Phnom Penh. Photo Supplied

Opposition party president Sam Rainsy issued a call on Tuesday evening for the government to halt its post-election mobilisation of armed forces to avoid inciting “fear” in the population.

Rainsy, who has been in the United States for his daughter’s wedding and is due back today, posted the short message on his official Facebook page along with an iconic 1967 picture of a Vietnam War protester holding a flower towards the guns of US national guard soldiers.

“We call on the government to stop the military build-up and to stop moving the armed forces around so as to stop creating fear among the population,” Rainsy wrote.

“We appeal to policemen and soldiers to refrain from using violence against any citizens because we all are Khmers, peaceful Buddhists, and love our country.”

Ruling party lawmaker and spokesman Cheam Yeap responded in a tit-for-tat yesterday, saying troops would be withdrawn if Rainsy would only stop calling for mass demonstrations.

“We will withdraw the army when Sam Rainsy stops calling on people to protest en masse and when the situation is normal. We are just protecting security in the country,” he said.

The decision to pull troops out of Phnom Penh would be up to the prime minister or the interior minister, Yeap added.

តុលាការកោះហៅអ្នកភូមិមានជម្លោះដីធ្លី ៥ នាក់

THURSDAY, 15 AUGUST 2013 ផាក់ ស៊ាងលី From The Phnom Penh Post
130815_09

អ្នកភូមិមានជម្លោះដីធ្លីថតរូបពេលមកសុំអន្តរាគមន៍ពីអង្គការ អាដហុក ខេត្ត រតនគិរី កន្លងមក។ រូបថត អង្គការ អាដហុ

រតនគិរីៈ តុលាការខេត្ត រតនគិរី បានចេញដីកាកោះហៅ អ្នកភូមិជនជាតិដើម ទំពួន ៥ នាក់បន្តទៀត ដើម្បីសួរនាំ ពាក់ព័ន្ធទៅនឹងអំពើហិង្សាក្នុងរឿងជម្លោះដីធ្លីដ៏រ៉ាំរ៉ៃមួយកន្លែង ដែលបានអូសបន្លាយអស់រយៈពេលជាង ៧ ឆ្នាំមកហើយ។ រឿងក្តីនេះ តុលាការបានគំរាមចាប់ឃុំខ្លួនប្រជាពលរដ្ឋ ប្រសិនបើមិនព្រមចូលទៅបំភ្លឺទៅតាមការកោះហៅ។

ចាប់តាំងពីឆ្នាំ ២០០៧ មក អាជ្ញាធរ និងតុលាការ បានកោះហៅអ្នកភូមិ ប៉ាអរ ស្ថិតនៅក្នុងឃុំ កិះចុង ស្រុក បរកែវ ដើម្បីសួរនាំ និងបំភ្លឺ នៅតុលាការ រាប់សិបដងមកហើយ ហើយថ្ងៃសុក្រស្អែកនេះ និងនៅសប្តាហ៍ក្រោយ អ្នកភូមិ ៥ នាក់ នឹងត្រូវតុលាការសួរនាំម្តងទៀត ពាក់ព័ន្ធទៅនឹងអំពើហិង្សា នៅបន្ទាប់ពីពួកគាត់ និងអ្នកភូមិផ្សេងទៀត នាំគ្នាទៅហាមឃាត់ក្រុមហ៊ុន លី សុខគីម មិនឲ្យសាងសង់ផ្ទះលើដីភូមិមួយកន្លែង កាលពីអំឡុងឆ្នាំ ២០១១។

ដីកាដែល ចេញដោយចៅក្រមស៊ើបសួរ លោក ឡុច ឡៅ បានបញ្ជាក់ថា៖ «ចុងចោទត្រូវបានដាក់ឲ្យស្ថិតនៅក្រោមការពិនិត្យ ពីបទហិង្សាដោយចេតនា មានស្ថានទម្ងន់ទោស ហើយត្រូវចូលមកបង្ហាញខ្លួន នៅចំពោះមុខចៅក្រម តាមពេលកំណត់។ បើមិនព្រមចូលតាមការកំណត់ យើងនឹងចេញដីកាបង្គាប់ឲ្យនាំខ្លួន»។

ក្រុមមួយប្រកាសគាំទ្រលទ្ធផលបោះឆ្នោត

THURSDAY, 15 AUGUST 2013 STUART WHITE និង ជាង សុខា From Phnom Penh Post
130815_07

ពលរដ្ឋខ្មែរនៅវត្តចម្ប៉ាចាំទប់ស្កាត់ជនជាតិវៀតណាមមិនឲ្យចូលបោះឆ្នោត។ រូបថត លីណា

ភ្នំពេញៈ សហព័ន្ធនិស្សិតបញ្ញវន្តប្រជាធិបតេយ្យកម្ពុជា CDSIF ដែលហៅខ្លួនឯងថា ជា «អង្គការមិនលម្អៀងផ្នែកនយោបាយ និងមិនមែនរដ្ឋាភិបាល» កាលពីថ្ងៃពុធ បានប្រកាសគាំទ្រលទ្ធផលបណ្តោះអាសន្ននៃការបោះឆ្នោតថ្ងៃទី២៨ ខែ កក្កដាថា ជាការបោះឆ្នោតដោយរលូន សេរី ត្រឹមត្រូវ។

សហព័ន្ធនេះ បាននិយាយនៅក្នុងសេចក្ដីថ្លែងការណ៍មួយ ប្រាប់ប្រព័ន្ធផ្សព្វផ្សាយថា៖ «ដោយមានការសង្កេតផ្ទាល់ពីដំណើរការបោះឆ្នោតនៅទូទាំង ២៤ ខេត្ត ក្រុង នោះសហព័ន្ធ CDSIF បានបញ្ជាក់ដដែលៗ ពីការគាំទ្រយ៉ាងខ្លាំងរបស់ខ្លួន ចំពោះលទ្ធផលបណ្ដោះអាសន្ននៃការបោះឆ្នោតសកលឆ្នាំ ២០១៣ ហើយអះអាងថា ការបោះឆ្នោតសកលនេះ ត្រូវបានរៀបចំឡើង ដោយរលូន សមរម្យ តម្លាភាព សេរី និង ត្រឹមត្រូវ»។ សេចក្ដីថ្លែងការណ៍នេះ បានហៅការបោះឆ្នោតថា «ជាភ័ស្តុតាងមិនអាចប្រកែកបាន ដែលប្រជាធិបតេយ្យនៅក្នុងកម្ពុជាបន្តរីកចម្រើន»។

ទោះយ៉ាងណា សហព័ន្ធ CDSIF ដែលត្រូវបានចុះបញ្ជីជាផ្លូវការ ធ្វើជាអ្នកសង្កេតការណ៍មួយជាមួយគណៈកម្មាធិការជាតិរៀបចំការបោះឆ្នោតនេះ គឺជាសមាជិកដែលប្រកាសខ្លួនឯងថា ជាក្រុម ឆត្រ «កែវភ្នែកយុត្តិធម៌» ដែលកាលពីឆ្នាំ ២០០៣ មានការពាក់ព័ន្ធនឹងគម្រោងរបស់រដ្ឋាភិបាល ក្នុងការបណ្ដុះនូវជំនាញខាងការសង្កេតការណ៍បោះឆ្នោត ដោយគាំទ្រគណបក្សប្រជាជន ដែលការសម្ដែងបំណងរបស់ពួកគេ គឺត្រូវធ្វើឲ្យខូចនូវការវាយតម្លៃរបស់អ្នកសង្កេតការណ៍ផ្សេងទៀត ដែលមិនមានទំនោរទៅរករដ្ឋាភិបាល។

ក្រុមអ្នកដើរក្បួនសន្តិភាពចង់បានដំណោះស្រាយដោយសន្តិវិធី

THURSDAY, 15 AUGUST 2013 ឆាយ ច័ន្ទនីដា From The Phnom Penh Post
130815_01

មន្ត្រីអង្គការសង្គមស៊ីវិល មន្ត្រីរាជការ ព្រះសង្ឃ និងប្រជាពលរដ្ឋ ប្រមាណ៥០០នាក់ កាលពីថ្ងៃម្សិលមិញ បានធ្វើការអំពាវនាវទៅដល់អ្នកនយោបាយទាំងអស់ ដោះស្រាយបញ្ហានយោបាយដោយសន្តិវិធី។ រូបថត ហេង ជីវ័ន

ភ្នំពេញៈ «យើងមិនត្រូវការបាតុកម្មហិង្សា ហើយក៏មិនត្រូវការការបង្ក្រាបដោយហិង្សាដែរ យើងត្រូវការដំណោះស្រាយដោយសន្តិវិធី» នេះជាការអំពាវនាវ កាលពីល្ងាចមិញ របស់ក្រុមអ្នកហែក្បួនសុំសន្តិភាពប្រមាណ ៥០០ នាក់នៅរាជធានីភ្នំពេញ។

សម្រែកតាមឧបករណ៍បំពងសំឡេងនៅឯព្រះអង្គ ដងកើ មុខវាំង ពីម្សិលមិញ ក្រុមការងារដើម្បីសន្តិភាព និងអង្គការមួយចំនួន បានផ្ញើសារជូនអ្នកនយោបាយ ឲ្យរកវិធីសាស្ត្រដោះស្រាយដោយសន្តិវិធី កុំមានការបំភ័យម្ចាស់ឆ្នោត ដូចជា ដាក់រថក្រោះ បញ្ជូនកងទ័ពបំពាក់អាវុធទំនើប មករាជធានី និងខេត្តជុំវិញ។

កញ្ញា ហ៊ន សុភី តំណាងម្នាក់ក្នុងក្រុមនេះថ្លែងនៅមុខព្រះអង្គ ដងកើ ថា៖ «ដោយមានការភ័យព្រួយបារម្ភចំពោះការដែលរដ្ឋាភិបាលចល័តទ័ព ទើបយើងសុំឲ្យមានការដោះស្រាយដោយសន្តិវិធីនៅក្រោយការបោះឆ្នោតនេះ»។

លោក ព្រាប កុល នាយកប្រតិបត្តិអង្គការតម្លាភាពកម្ពុជា ថ្លែងថា ដោយរដ្ឋាភិបាលកំពុងចល័តទ័ព ការប្រើហិង្សាណាមួយដែលអាចកើតមានជាយថាហេតុមិនមែនជាដំណោះស្រាយល្អឡើយ។ លោកបន្តថា៖ «ការធ្វើបាតុកម្ម ឬជួបជុំគ្នាក្នុងលក្ខណៈទ្រង់ទ្រាយធំ ដែលនាំឲ្យមានហិង្សានោះ នឹងមិនចំណេញទាំងសងខាង គឺខាតប្រយោជន៍សេដ្ឋកិច្ច ទំនិញឡើងថ្លៃ និងអស្ថិរភាព។ យើងព្យាយាមឲ្យគណបក្សនយោបាយ ចូលតុចរចា និងស្វែងរកដំណោះស្រាយដោយសន្តិវិធី»។

ចំណែកនៅឯរមណីយដ្ឋាន វត្ត ភ្នំ អ្នកបួងសួង ដែលភាគច្រើនពាក់អាវពណ៌បៃតងមានរូបព្រាបសន្តិភាព មានការនិមន្ត ពីព្រះសង្ឃផង មានកាន់ផ្កាឈូក ទៀន ធូប ទង់ជាតិខ្មែរ និងទង់សាសនា បានគង់ និងអង្គុយស្មឹងស្មាធិ៍ បួងសួងសុំសេចក្តីសុខសប្បាយ ដល់ពលរដ្ឋកម្ពុជាគ្រប់រូប។

លោក វ៉ន ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ថ្លែងថា អ្នកចូលរួមមានការបារម្ភពីបាតុភាពនានាក្រោយការបោះឆ្នោតដែលនឹងអាចកើតមានជាយថាហេតុ។

ចាប់ឈើគ្រញូងជិត ២ តោនពេលរើចុះទូកទៅវៀតណាម

WEDNESDAY, 14 AUGUST 2013 គឹម សារុំ From The Phnom Penh Post
130814_10b

ឈើប្រណីតដែលសមត្ថកិច្ចស្ទាក់ចាប់បានកន្លងមក។ រូបថត សហការី

កំពតៈ ឈើគ្រញូងជាច្រើនដុំនិងមានទម្ងន់ជិត ២ តោន ត្រូវសមត្ថកិច្ចនគរបាលខេត្ត កំពត ចាប់បានកាលពីរំលងអធ្រាត្រថ្ងៃអង្គារ នៅភូមិ ស្លាបតាឱន ស្រុក កំពង់ត្រាច ខេត្ត កំពត ខណៈឈ្មួញកំពុងរើនិងជញ្ជូនចេញពីរថយន្តដើម្បីដាក់ក្នុងទូកបំណងដឹកចេញទៅប្រទេសវៀតណាម។

លោក អ៊ិន ជីវ៉ា ស្នងការរងនគរបាលខេត្ត កំពត បានឲ្យដឹងថា ដុំឈើគ្រញូងដែលកម្លាំងសមត្ថកិច្ចស្រុក កំពង់ត្រាច រឹបអូសបាន កាលពីរំលងអធ្រាត្រឆ្លងចូលថ្ងៃទី១៣ ខែ សីហា គឺឈ្មួញបម្រុងដឹកចេញទៅវៀតណាម។

លោកថា សមត្ថកិច្ចចម្រុះដែលមានខាងខណ្ឌ រដ្ឋបាលព្រៃឈើខេត្តនិងព្រះរាជអាជ្ញាខេត្តបានថ្លឹងឃើញជាង ១.៥០០ គីឡូក្រាម ហើយបានធ្វើកំណត់ហេតុរួមគ្នារួចប្រគល់ឲ្យរដ្ឋបាលព្រៃឈើខេត្តរក្សាទុកបណ្តោះអាសន្ន។

អង្គការមួយក្រុមស្នើឲ្យ UN ពិនិត្យរឿងចិនផ្តល់កាំភ្លើង

WEDNESDAY, 14 AUGUST 2013 ម៉ៃ ទិត្យថារ៉ា From The Phnom Penh Post
130814_07a

ក្រុមយុវជននៅក្នុងទិវាសន្តិភាពអន្តរជាតិ ធ្វើនៅភ្នំពេញ កាលពីថ្ងៃទី ២១ ខែកញ្ញាឆ្នាំមុន។ រូបថត ម៉ៃ វី

ភ្នំពេញៈ ក្រុមការងារកម្ពុជាដើម្បីសន្តិភាពបានដាក់លិខិតចំហមួយ ទៅអង្គការសហប្រជាជាតិ UN ដោយអំពាវនាវឲ្យអង្គការកំពូលនេះ ពិនិត្យឡើងវិញ ចំពោះប្រទេសចិន ដែលបានផ្តល់អាវុធឲ្យមកកម្ពុជា នៅគ្រាដែលកម្ពុជាកំពុងជាប់គាំងនយោបាយក្រោយការបោះឆ្នោត។

លិខិតចំហរបស់ក្រុមការងារកម្ពុជាដើម្បីសន្តិភាព ដែលបានផ្ញើទៅអង្គការសហប្រជាជាតិ កាលពីថ្ងៃចន្ទ បានលើកឡើងថា ប្រហែលកាលពីពីរសប្តាហ៍មុន ប្រទេសចិន បានផ្តល់កាំភ្លើងខ្លីចំនួន ១០០០ ដើម និងគ្រាប់កាំភ្លើងចំនួន ៥ ម៉ឺនគ្រាប់ ឲ្យអគ្គស្នងការនគរបាលជាតិកម្ពុជា។

លិខិតបានលើកឡើងទៀតថា៖ «ទង្វើនេះ គឺមិនត្រឹមត្រូវ និងមិនអាចទទួលយកបាន ចំពោះប្រជាជនកម្ពុជា ហើយវាក៏មិនអាចជួយអ្វីបានដែរ គឺមានតែបង្កើនភាពតានតឹងសម្រាប់កម្ពុជាតែប៉ុណ្ណោះ»។

ក្រុមការងារ កម្ពុជាដើម្បីសន្តិភាព សរសេរនៅក្នុងលិខិតចំហនោះទៀតថា៖ «នេះគឺជាពេលតានតឹងបំផុតសំរាប់ប្រជាជនកម្ពុជា»។ ក្រុមអង្គការសង្គមស៊ីវិលទាំងនេះ បានជំរុញឲ្យអង្គការសហប្រជាជាតិធានាការស៊ើបអង្កេតភាពមិនប្រក្រតី នៃការបោះឆ្នោតដោយតម្លាភាព និងភាពជឿជាក់បានសម្រាប់ប្រជាជនកម្ពុជា ដោយសារតែអង្គការសហប្រជាជាតិ គឺជាអ្នកធានានូវសេរីភាពមូលដ្ឋាន សិទ្ធិមនុស្ស សន្តិភាព និងស្ថិរភាព ក្នុងចំណោមប្រទេសជាសមាជិក ហើយអង្គការសហប្រជាជាតិត្រូវតែធានាថា ជំនួយយោធារបស់ចិននៅក្នុងពេលនេះ គឺមិនមានការភ័យខ្លាច ឬមិនកម្រិតសេរីភាពបញ្ចេញមតិ របស់ប្រជាពលរដ្ឋនៅកម្ពុជាឡើយ។

ត្រីទឹមទី៤ សម រង្ស៊ី នឹងបកជាជម្រើសចុងក្រោយ

WEDNESDAY, 14 AUGUST 2013 ហ៊ីង សុខសាន្ត The Phnom Penh Post
130814_02

អ្នកគាំទ្រគណបក្សសង្គ្រោះជាតិនៅទីស្នាក់ការគណបក្ស។ រូបថត លីណា

ការចំណាយពេលទំនេរជិតពីរម៉ោង ក្នុងការសរសេរអត្ថបទចុងក្រោយរបស់ខ្ញុំ «ត្រីទឹម ៣ សម រង្ស៊ី កំពុងព័ទ្ធចាប់ (ខុន-ស្តេច អង្គ) របស់ ហ៊ុន សែន» ពិតជាបានធ្វើឲ្យមិត្តអ្នកអានរាប់សិបនាក់មានការចាប់អារម្មណ៍ ហើយថែមទាំងបញ្ចេញយោបល់យ៉ាងច្រើន។

ប៉ុន្តែយោបល់ទាំងនោះ ស្ទើរទាំងអស់ សុទ្ធតែបានបង្ហាញពីការគាំទ្រដល់គណបក្សនយោបាយផ្សេងៗ ដែលផ្ទុយពីទស្សនៈរបស់ខ្ញុំពីខាងដើម គឺមិនបានឆ្លុះបញ្ចាំងពីនិន្នាការទៅរកគណបក្សនយោបាយណាមួយឡើយ ដូចនេះ ខ្ញុំសុំសិទ្ធិមិនឆ្លើយតបវិញនោះទេ ខ្ញុំគ្រាន់តែយកមកសំយោគនឹងគំនិតរបស់ខ្ញុំតែប៉ុណ្ណោះ។

ក្នុងការប្រកួតអុក ការសន្មតថាឈ្នះ ឬចាញ់នោះ គេកំណត់លើកូនខុន ឬស្តេច (អង្គ)។ បើភាគី ណាមួយអាចចូលទៅសម្លាប់ស្តេច (អង្គ) របស់គូប្រកួតខ្លួន ទោះដោយវិធីអ្វីក៏ដោយ គេចាត់ទុកថា ឈ្នះ ហើយអ្នកដែលត្រូវគេចូលចាប់ស្តេច (អង្គ) របស់ខ្លួនបាន គេចាត់ទុកជាអ្នកចាញ់។ ចុះខុន ឬស្តេច (អង្គ) ក្នុងរឿងនយោបាយជាអ្វីទៅ? «អំណាចរបស់ពលរដ្ឋដែលផ្តល់ឲ្យអ្នកនយោបាយ តាមរយៈសន្លឹកឆ្នោត» គឺជាស្តេច (អង្គ)។ នៅក្នុងសង្គមប្រជាធិបតេយ្យ គណបក្សនយោបាយ ដើរតួនាទីជាអន្តរការី «ឈ្នួញ កណ្តាល» ក្នុងការផ្សារភ្ជាប់ទំនាក់ទំនងរវាងរាស្រ្ត និងរដ្ឋ។ គណបក្សនយោបាយ បង្កើតឡើងសម្រាប់ចាប់យកអំណាចរដ្ឋដើម្បីបម្រើរាស្ត្រ មានន័យថា នៅពេលគណបក្សណាឈ្នះខ្លួននឹងឡើងទៅដឹកនាំរដ្ឋដែលរាស្រ្តបានផ្តល់ឲ្យតាមរយៈសន្លឹកឆ្នោត ហើយផ្តល់ប្រយោជន៍មកឲ្យរាស្ត្រវិញ គឺការផ្តល់សេវាសាធារណៈ ទៅតាមកម្មវិធីនយោបាយរបស់ខ្លួនដែលបានសន្យាក្នុងពេលឃោសនា។

សង្គមស៊ីវិលខកចិត្តនឹងការចូលរួមស៊ើបអង្កេតការបោះឆ្នោត

WEDNESDAY, 14 AUGUST 2013 SHANE WORRELL - មាស សុខជា The Phnom Penh Post
130814_04

លោករដ្ឋមន្ត្រីមហាផ្ទៃ ស ខេង និងមន្ត្រីសង្គមស៊ីវិលជួបអ្នកកាសែតក្រោយជំនួបកាលពីថ្ងៃសុក្រ។ រូបថត សែន ដាវិត

ភ្នំពេញៈ ក្តីរំពឹងរបស់សង្គមស៊ីវិលដែលសង្ឃឹមថា នឹងបានចូលរួមក្នុងគណៈកម្មការស៊ើបអង្កេតភាពមិនប្រក្រតី នៃការបោះឆ្នោតទំនងជារលាយទៅវិញ បន្ទាប់ពីតំណាងរាស្រ្តគណបក្សប្រជាជនកម្ពុជា លោក ជាម យៀប កាលពីម្សិលមិញអះអាងថា ពួកគេនឹងត្រូវអនុញ្ញាតឲ្យដើរតួត្រឹមតែជាអ្នកសង្កេតការណ៍តែប៉ុណ្ណោះ។

លោក ជាម យៀប បានបដិសេធមិនឆ្លើយតបទៅនឹងការរាយការណ៍របស់ប្រព័ន្ធផ្សព្វផ្សាយដែលលើកឡើងថា រដ្ឋាភិបាលបានសម្រេចមិនឲ្យអង្គការក្រៅរដ្ឋាភិបាលធ្វើជា សមាជិកសកម្ម នៃគណៈកម្មការនេះទេឬ ប៉ុន្តែលោកបានប្រាប់ផ្ទាល់មកភ្នំពេញ ប៉ុស្តិ៍ ថា ពួកគេនឹងដើរតួនាទីនៅក្នុងកម្រិតសកម្មខ្លាំងជាងមុន។ លោកបន្តថា៖ «ប្រសិនបើ [អង្គការក្រៅរដ្ឋាភិបាល] គ្រាន់តែចូលរួមស្តាប់ឬសង្កេតការណ៍ នោះវាគ្មានបញ្ហាទេ»។

បន្ទាប់ពីកិច្ចពិភាក្សាប្រកបដោយផ្លែផ្ការវាងក្រុមសង្គមស៊ីវិលនិងរដ្ឋមន្រ្តីក្រសួង មហាផ្ទៃលោក ស ខេង កាលពីថ្ងៃសុក្រសប្តាហ៍មុន ក្រុមអង្គការក្រៅរដ្ឋាភិបាលបានទន្ទឹងរង់ចាំនូវតួនាទីមួយ នៅក្នុងការស៊ើបអង្កេតបញ្ហានេះ។

មនុស្សមួយក្រុមបួងសួងសុំសន្តិភាព

WEDNESDAY, 14 AUGUST 2013 ឆាយ ច័ន្ទនីដា The Phnom Penh Post
130814_05

ក្រុមអ្នកបួងសួងសុំសន្តិភាពនៅរមណីយដ្ឋាន វត្តភ្នំកាលពីឆ្នាំមុន។ រូបថត ម៉ៃ វីរៈ

ភ្នំពេញៈ ក្រុមអង្គការសង្គមស៊ីវិលប្រមាណ ២០ នៅកម្ពុជា នឹងធ្វើពិធីបួងសួងសុំឲ្យមានសន្តិភាព នៅរមណីយដ្ឋាន វត្តភ្នំ នាវេលាម៉ោង ៤ រសៀល ថ្ងៃពុធនេះ នៅពេលដែលប្រជាពលរដ្ឋជាច្រើនកំពុងមានការព្រួយបារម្ភយ៉ាងខ្លាំង ពីភាពចលាចលណាមួយ ដែលអាចកើតឡើង ខណៈដែលគណបក្សប្រឆាំង បានព្រមានធ្វើការតវ៉ាប្រឆាំងទៅនឹងលទ្ធផលនៃការបោះឆ្នោត ហើយកងកម្លាំងជាច្រើន ត្រូវបានរដ្ឋាភិបាលដាក់ពង្រាយខុសប្រក្រតី។

លោក មឿន តុលា ប្រធានកម្មវិធីការងារ នៃមជ្ឈមណ្ឌលអប់រំច្បាប់សម្រាប់សហគមន៍ បានឲ្យដឹងកាលពីម្សិលមិញថា កម្មវិធីដែលគ្រោងធ្វើឡើង នឹងមានមនុស្សចូលរួមមិនតិចជាង ១០០ នាក់ឡើយ ដោយអ្នកទាំងនោះ មកពីអង្គការ សហព័ន្ធ សហជីព សមាគម និងបណ្តាញយុវជននឹងជួបជុំគ្នានៅបរិវេណមុខនាឡិកាវត្តភ្នំ ហើយធ្វើការបួងសួងនៅចំថ្ងៃសីលនេះ។

Slim margins in NEC data

Fri, 2 August 2013 Kevin Ponniah The Phnom Penh Post

Election observers and NEC officials open a ballot box prior to counting votes in Kampong Cham. HENG CHIVOAN

In what seemed to be a direct response to the Cambodia National Rescue Party’s rejection of the election results, the National Election Commission on Wednesday night released more detailed provincial results.
The NEC statement noted, however, that it would not yet calculate the official seat numbers until it had dealt with electoral complaints.
Although the numbers back up widely disseminated unofficial results giving the Cambodian People’s Party 68 seats in the National Assembly to the CNRP’s 55, all three sets of figures released so far are different, analysts say.
“The NEC’s temporary figures for this moment, NEC’s initial figures broadcast on Sunday night on TVK and the [National Counter Terrorism Committee’s] early figures are all different from each other,” Shiro Harada, a visiting professor at Royal University, said.
The CNRP recently claimed its own results – yet to be released – prove it secured 63 seats, enough to form a government, with the extra seats coming from seven specific provinces.
It added that the party could have won up to 90 seats if voting figures were adjusted for polling irregularities.

Rainsy’s royal audience

Fri, 2 August 2013 Meas Sokchea and Shane Worrell The Phnom Penh Post

Sam Rainsy arrives at the Royal Palace for a meeting with King Norodom Sihamoni. During the talks, Rainsy and other CNRP officials called for the strengthening of the monarchy. VIREAK MAI

Free from the large crowds that have shadowed him since his royal pardon and return from self-exile last month, opposition leader Sam Rainsy led a delegation into the Royal Palace yesterday, where he emphatically expressed his support for the monarchy – but did not talk about the election, party officials said.
It was Rainsy’s first meeting with King Norodom Sihamoni since the pair met in Beijing, China, about two years ago, his wife and Cambodia National Rescue Party lawmaker Tioulong Saumura said last night.
“The main topic was thanking the King for the pardon . . . and stressing that the position of the party is that the throne is a symbol of national unity,” Saumura said, adding the delegates had also paid respects to the memory of the late King Father Norodom Sihanouk.
The delegation, which also included deputy president Kem Sokha and lawmakers Mu Sochua and Son Chhay, had expressed to the King and Queen Mother Norodom Monineath that they believed the monarchy should be strengthened, she added.

CNRP not required, PM says

Fri, 2 August 2013 Abby Seiff and Vong Sokheng The Phnom Penh Post

An election official holds up a ballot paper in Kampong Cham. HENG CHIVOAN

In a closed door meeting, Prime Minister Hun Sen yesterday assured the new Chinese ambassador that an opposition boycott would not prevent the National Assembly from sitting, an aide said.
Speaking to reporters at the Peace Palace following a meeting between Hun Sen and Bu Jianguo, Eang Sophalleth, spokesman for the premier, said there were ample safeguards in place to prevent such an an eventuality.
“Samdech Techo Hun Sen said that in the framework of the constitution and relevant laws, they [the CNRP] would not be able to prevent the first convening of the National Assembly or formation of the government,” said Sophalleth.
“It is not necessary to gather 120 members.”
According to the constitution, a quorum of 70 per cent of the members must be present for sessions to be held and the Assembly’s top leadership to be voted in. Opposition supporters have pointed to that article, as well as a second that says parliament is made up of no less than 120 members as assurance that the Assembly could not function without their presence. But analysts have noted those rules have been breeched in the past.

យុវជនគណបក្សសង្គ្រោះជាតិកំពុងរត់គេចខ្លួនពីការតាមសម្លាប់

Friday, 02 August 2013 មុំ គន្ធា The Phnom Penh Post

យុវជនគាំទ្របក្ស សង្គ្រោះជាតិចាំទប់ វៀតណាម មិនឲ្យបោះឆ្នោតនៅវត្ត ចម្ប៉ា។ រូបថត វិសាល

កណ្តាលៈ យុវជនពីរនាក់ នៅក្នុងស្រុក កៀនស្វាយ ដែលចេញមុខគាំទ្រគណបក្សសង្គ្រោះជាតិ ដោយធ្វើការរារាំងមន្ត្រីគណបក្សប្រជាជនដែលទៅពីតំបន់ផ្សេង មិនឲ្យចូលបោះឆ្នោតក្នុងឃុំរបស់ខ្លួន បានរត់គេចចេញពីផ្ទះ បន្ទាប់ពីក្រុមយុវជន គណបក្សកាន់អំណាចមួយក្រុមបានទៅគំរាមសម្លាប់ពួកគេដល់ផ្ទះ កាលពីថ្ងៃចន្ទ។ នេះបើតាមការអះអាងរបស់យុវជនដែលកំពុងរត់គេចខ្លួន និងក្រុមគ្រួសាររបស់ពួកគេ។
លោក អុល សុខឡេង អាយុ ២៧ ឆ្នាំ ដែលកំពុងលាក់ខ្លួន ពីការតាមសម្លាប់នោះ បានឲ្យដឹងកាលពីថ្ងៃម្សិលមិញថា លោកនិងបងប្រុស កំពុងលាក់ខ្លួនដើម្បីគេចពីការចាប់ខ្លួន និងសម្លាប់របស់ក្រុមយុវជនដែលជាមនុស្សមកពីគណបក្សប្រជាជន។
លោកបាននិយាយថា៖ «បងប្រុសខ្ញុំ បានគេចខ្លួន តាំងពីថ្ងៃចន្ទ ហើយខ្ញុំ បានគេចពីផ្ទះកាលពីថ្ងៃអង្គារ បន្ទាប់ពីមនុស្សរបស់គណបក្សប្រជាជន មានគ្នាប្រហែល ១០ នាក់បានមកគំរាមសម្លាប់ពួកយើង បន្ទាប់ពីបងប្រុសខ្ញុំ បានរារាំងប្រធានគណៈពង្រឹងគណបក្សប្រជាជន ប្រចាំឃុំ គគីរធំ ខេត្ត កណ្ដាល គឺលោក ង៉ោ សុវណ្ណ មិនឲ្យបោះឆ្នោតជាច្រើនដង នៅក្នុងឃុំ គគីរធំ កាលពីថ្ងៃអាទិត្យ»។

«គុកដាក់បងបានតែប្រាណទេស្រីតែចិត្តមេត្រីនៅមានសេរីមិនបាត់បង់ឡើយ»

Friday, 02 August 2013 ប៊ូ ញូញ The Phnom Penh Post

ក្បួនយុទ្ធនាការឃោសនា បោះឆ្នោត របស់គណបក្ស សង្គ្រោះជាតិនៅ ក្រុង បាត់ដំបង។ រូបថត ហេង ជីវ័ន

«គុក ដាក់បងបានតែប្រាណទេស្រី តែចិត្តមេត្រីនៅមានសេរីមិនបាត់បង់ឡើយ» នេះជាផ្នែកខ្លះដែលបានបង្កប់ក្នុងបទចម្រៀងដ៏ពីរោះក្រអួនក្រអៅ របស់អធិរាជសំឡេងមាស រហូតមកដល់ពេលនេះ គ្មានអ្នកស្នងជំនួស គឺលោក ស៊ីន ស៊ីសាមុត ដែលខ្លឹមសារនេះ បានបង្ហាញច្បាស់អំពីភក្តីភាពស្នេហា រវាងបុរស និងនារីមួយគូ មានទឹកចិត្តបរិសុទ្ធ ស្មោះស័្មគ្រ ស្រឡាញ់គ្នាប្តូរផ្តាច់ ទោះបីជួបឧបសគ្គ រារាំងដោយអំណាចបុណ្យស័ក្តិ វណ្ណៈ យ៉ាងណាក្តី។
ពិតមែនជាបទចម្រៀងក្តី ប៉ុន្តែវាបានឆ្លុះបញ្ចាំងពីការពិតជាក់ស្តែង អំពីទឹកចិត្តមនុស្សគ្រប់រូប ពិសេសក្នុងសង្គមកម្ពុជាយើងតាំងពីដើមរៀងមក។ ធាតុពិតទឹកចិត្តមនុស្សគ្រប់រូប មិនត្រូវបាននរណាទិញ លក់ ឬផ្លាស់ប្តូរបានទេ ទោះបីត្រូវរារាំងសំឡុត គំរាមកំហែងក៏ដោយ។
ក្នុងរបបកម្ពុជាប្រជាធិបតេយ្យជាមួយនឹងការកាប់សម្លាប់ ការប្លន់យកសិទ្ធិសេរីភាពគ្រប់បែបយ៉ាងពីប្រជាពលរដ្ឋ ដោយរដ្ឋអំណាច ប៉ុល ពត គេនៅតែមើលឃើញថា ប្រជាជនកម្ពុជា នៅទូទាំងប្រទេស រស់នៅជាមួយនឹងការបៀមកំហឹងឈឺចាប់។ វិស័យព្រះពុទ្ធសាសនា ទោះបីរបបនេះរារាំង និងបំផ្លិចបំផ្លាញយ៉ាងណាក្តី ក៏ប្រជាពលរដ្ឋនៅតែគោរពព្រះពុទ្ធសាសនាបន្តប្រតិបត្តិធម៌ដោយលាក់ ស្ងៀមស្ងាត់ នៅក្នុងផ្លូវចិត្តលុបមិនជ្រះ។ ជាមួយគ្នានេះដែរ ទោះបីរបបនេះ នាំប្រជាពលរដ្ឋ ឲ្យស្រែកបន្ទរតាមខ្លួនថា ជយោ! កម្ពុជា ប្រជាធិបតេយ្យ មហាលោតផ្លោះមហាអស្ចារ្យ ក៏សម្រែកនេះ មិនបានឆ្លុះបញ្ចាំងពីទឹកចិត្ត ស្រឡាញ់របបអាវខ្មៅឡើយ។ យើងឃើញទេ តើរបបនេះ រស់បានប៉ុន្មានឆ្នាំ។ ការដួលរលំនៃរបបយង់ឃ្នង មួយចំណែកធំក៏ផ្តើមចេញពីភាពសត្យានុម័តនៃការមិនគាំទ្រខាងផ្លូវ ចិត្តរបស់ប្រជាជនកម្ពុជាផងដែរ។

ស្រុក-ក្រុង ៥នៅ បន្ទាយមានជ័យ ត្រូវទឹកជន់លិច

Friday, 02 August 2013 ឃុត សុភចរិយា The Phnom Penh Post

ទឹកលិចផ្លូវនៅក្រុងប៉ោយប៉ែត ខេត្ត បន្ទាយមានជ័យ កាលពីម្សិលមិញ។ រូបថត សហការី

បន្ទាយមានជ័យៈ លំនៅឋានប្រជាពលរដ្ឋមួយចំនួនក្នុងស្រុកចំនួនបី និងក្រុងចំនួនពីរនៃខេត្ត បន្ទាយមានជ័យ ត្រូវបានជន់លិចដោយជំនន់ទឹកភ្លៀងដែលបង្កឡើងមកពីប្រព័ន្ធ សម្ពាធទាបនិងមូសុងនិរតី នាប៉ុន្មានថ្ងៃកន្លងមកនេះ។

លោក ទ្រី ណារិន អភិបាលខេត្ត បន្ទាយមានជ័យ បានឲ្យដឹងកាលពីម្សិលមិញថា ភ្លៀងធ្លាក់ប៉ុន្មានថ្ងៃជាប់ៗគ្នានេះ បានធ្វើឲ្យផ្នែកខ្លះនៃស្រុក ថ្មពួក ស្រុក ស្វាយចេក និងស្រុក អូរជ្រៅ រួមទាំងក្រុង សិរីសោភ័ណ និងក្រុង ប៉ោយប៉ែត មានការជន់លិចផ្លូវ និងភូមិកររបស់ប្រជាពលរដ្ឋ។ លោកថ្លែងថា៖ «ការជន់លិចដោយជំនន់ទឹកភ្លៀងនេះមិនទាន់មានផលប៉ះពាល់ធ្ងន់ធ្ងរ នៅឡើយទេ។ នៅពេលនេះ កម្លាំងអាជ្ញាធរកំពុងតែប្រើគ្រឿងចក្រជីកកាយប្រឡាយ ដើម្បីបង្ហូរទឹកចេញ»។

លោក ង៉ោ ម៉េងជ្រួន អភិបាលក្រុង ប៉ោយប៉ែត និយាយថា៖«ថ្វីបើពេលនេះទឹកបានហូរស្រកពីភូមិ និងដងផ្លូវខ្លះក្ដី ប៉ុន្តែបើសិនមានភ្លៀងធំបន្តធ្លាក់មកទៀតការលង់នឹងនៅតែបន្ត អូសបន្លាយរយៈពេលយូរព្រោះក្រុង ប៉ោយប៉ែត មានរាងដូចជាបាតឆ្នាំងខ្ទះនិងមានប្រព័ន្ធអូរសម្រាប់រំដោះទឹកចេញ ពីទីក្រុងចំនួនតែពីរប៉ុណ្ណោះ»។

លោក យូ ប៊ុនថន អាយុ ៣៨ ឆ្នាំ នៅភូមិ ប៉ាលិលេយ្យ សង្កាត់ ប៉ោយប៉ែត បាននិយាយថា ភូមិរបស់លោកឲ្យតែនៅពេលមានភ្លៀងធ្លាក់ខ្លាំងជាប់ៗគ្នាគឺតែងតែ មានទឹកលិច។ លោកបន្តថា៖«បើអាជ្ញាធរជីកប្រព័ន្ធមេលូបង្ហូរទឹកឲ្យធំនោះ ប្រហែលជាគ្មានការដក់លិចបែបនេះទេ»។

អាដហុក នឹងស៊ើបអង្កេតរឿងជនជាតិ វៀតណាមចូលមកកាប់ឈើខុសច្បាប់

Friday, 02 August 2013 ផាក់ ស៊ាងលី The Phnom Penh Post

ឈើហុ៊បយ៉ាងច្រើន ដែលគេកាប់គរទុក នៅក្នុងតំបន់ដីក្រុមហ៊ុនសម្បទានសេដ្ឋកិច្ចមួយ កាលពីអំឡុងដើមឆ្នាំ ២០១៣ នេះ។ រូបថត សហការី

រតនគិរីៈ សមាគម អាដហុក នឹងចុះធ្វើការស៊ើបអង្កេត ករណីកាប់ឈើខុសច្បាប់ ក្នុងស្រុក អូរយ៉ាដាវ បន្ទាប់ពីប្រជាសហគមន៍ ជនជាតិដើមភាគតិច បានរាយការណ៍ថា ជនជាតិវៀតណាមបាននិងកំពុងបន្តឆ្លងដែនខុសច្បាប់ចូលមកកាប់ឈើ នៅក្នុងទឹកដីខ្មែរឥតឈប់ឈរ។
លោក ឆាយ ធី មន្រ្តីស៊ើបអង្កេតរបស់សមាគមសិទ្ធិមនុស្ស អាដហុក ខេត្ត រតនគិរី បានឲ្យដឹងកាលពីម្សិលមិញថា ប្រជាសហគមន៍ជនជាតិដើមភាគតិចភូមិ តេន ឃុំ យ៉ាទុង និងភូមិ ឡំ ឃុំ ប៉ក់ញ៉ៃក្នុងស្រុក អូរយ៉ាដាវ បានរាយការណ៍មក អាដហុក ជាបន្តបន្ទាប់ពីករណីដែលជនជាតិវៀតណាម ឆ្លងដែនចូលដីខ្មែរ កាប់ឈើខុសច្បាប់ចាប់តាំងពីខែមុនមក។
លោកបន្តថា៖«ពួកវៀតណាម ចូលមកកាប់ពេលយប់ និងដឹកចេញទាំងយប់ទៅប្រទេសគេ ដោយគ្មានការទប់ស្កាត់ទេ។ យើងនឹងចុះអង្កេតពីរឿងនេះ នៅសប្តាហ៍ក្រោយ ដើម្បីប្រមូលយកភ័ស្តុតាង»។
លោកបន្តថា អាដហុក សហការណ៍ជាមួយនឹងសហគមន៍ នៅក្នុងការទប់ស្កាត់ការកាប់ឈើខុសច្បាប់បែបនេះ ហើយកាលពីចុងខែកក្កដា អាដហុក បានផ្តល់ម៉ាស៊ីនថតរូបមួយគ្រឿងដល់ប្រជាសហគមន៍ ដើម្បីថតយកសកម្មភាពកាប់ឈើខុសច្បាប់ របស់ជនជាតិវៀតណាមទាំងនោះ។

កម្មករកំពុងចាក់ជ័រកៅស៊ូទៅក្នុងធុងនៅចម្ការកៅស៊ូជុប។ រូបថត ភីឡុង

Friday, 02 August 2013 ភ្នំពេញប៉ុស្តិ៍

ភ្នំពេញៈ តម្លៃកៅស៊ូបានធ្លាក់ចុះគួរឲ្យកត់សម្គាល់បើប្រៀបធៀប កាលពីបីខែមុន ស្របពេលតម្លៃនៅទីផ្សារអន្តរជាតិនៅតែបន្តធ្លាក់ចុះ។

លោក ហេង ស្រេង នាយកក្រុមហ៊ុនចម្ការកៅស៊ូបឹងកេត នៅខេត្តកំពង់ចាមបានឲ្យដឹងថា តម្លៃកៅស៊ូធ្លាក់ចុះយ៉ាងខ្លាំង ពោលគឺធ្លាក់ចុះពី ៣ ១០០ ដុល្លារ ក្នុងមួយតោន (សម្រាប់គុណភាពលេខមួយ) កាលពីដើមខែមីនា ឆ្នាំនេះ មកនៅត្រឹម ២ ១០០ ដុល្លារក្នុងមួយតោនគិតត្រឹមថ្ងៃទី ៣០ កក្កដា៕

ភ្នំពេញៈ ចំនួនភ្ញៀវទេសចរចូលមកកាន់កម្ពុជាមិនមានភាពប្រែប្រួលនៅ ប៉ុន្មានថ្ងៃចុងក្រោយនេះ បើទោះស្ថានភាពនយោបាយក្រោយការបោះឆ្នោតមានសភាពអាប់អួ បន្តិចក្តី។ នេះបើតាមការអះអាងរបស់មន្ត្រីនៅតាមច្រកព្រំដែន។

មន្ត្រីនគរបាលនៅតាមច្រកអន្តរជាតិបាវិតក្នុងខេត្តស្វាយរៀង ដែលថ្លែងក្នុងលក្ខណៈមិនបញ្ចេញឈ្មោះប្រាប់ភ្នំពេញប៉ុស្តិ៍ថា កាលពីថ្ងៃទី៣០ខែកក្កដា ចំនួនអ្នកធ្វើដំណើរឆ្លងកាត់ចូលតាមច្រកនេះមាន ១ ៩៩០ នាក់ ហើយចំនួនអ្នកដំណើរចាកចេញមានចំនួន
១ ៨៤៦នាក់៕

ភ្នំពេញៈ មហាសេដ្ឋីរុស្ស៊ី Sergey Polonsky ដែលជាប់ពន្ធនាគាររយៈពេល៤ខែ ក្នុងខេត្តព្រះសីហនុ និងត្រូវបានធានាឲ្យនៅក្រៅឃុំ បានសន្យាត្រឡប់មកកម្ពុជាដើម្បីធ្វើពាណិជ្ជកម្មឡើងវិញ។

ប្រព័ន្ធផ្សព្វផ្សាយព័ត៌មានរុស្ស៊ីឲ្យដឹងថា តាំងពីត្រូវដោះលែងដាក់ប្រាក់ធានាមកលោក Polonsky បានចេញទៅអ៊ីស្រាអែល៕

ភ្នំពេញៈ ប្រាក់ចំណូលរបស់ប្រៃសណីយ៍កម្ពុជា (CP) នៅឆមាសទី១ ឆ្នាំ ២០១៣ បានកើនឡើងជាង ១០ ភាគរយ ឬមានតម្លៃប្រហែល ១,៩៩ លានដុល្លារ បើធៀបនឹងរយៈពេលដូចគ្នាកាលពីឆ្នាំមុន។

លោក ឱក បូរ៉ា អគ្គនាយករបស់ (CP) បានថ្លែងថា ការកើនឡើងប្រាក់ចំណូលនេះ គឺកើតឡើងស្របជាមួយនឹងភាពល្អប្រសើរនៃសេដ្ឋកិច្ច លំហូរចូលការវិនិយោគផ្ទាល់ពីបរទេស (FDI) និងការកើនឡើងភ្ញៀវ ទេសចរក្នុងចំណោមវិស័យផ្សេងទៀត។

អាដហុកនឹងចុះស៊ើបអង្កេតករណីកាប់ឈើខុសច្បាប់

ឈើដែលត្រូវកាប់កន្លងមក នៅស្រុកលំផាត់ ខេត្តរតនគិរី។ រូបថត សហការី

Thursday, 01 August 2013 ផាក់ ស៊ាងលី The Phnom Penh Post

រតនគិរីៈ សមាគមអាដហុកប្រចាំខេត្តរតនគិរីគ្រោងនឹងចុះធ្វើការស៊ើបអង្កេតករណី កាប់ឈើខុសច្បាប់ក្នុងស្រុកអូរយ៉ាវ បន្ទាប់ពីប្រជាសហគមន៏ជនជាតិដើមភាគតិចបានរាយការណ៏មកថា ជនជាតិវៀតណាមបាននឹងកំពុងបន្តឆ្លងដែនចូលមកកាប់ឈើក្នុងដីខ្មែ រឥតឈប់ឈ។

លោកឆាយ ធីមន្រ្តីស៊ើបអង្កេតរបស់សមាគមសិទ្ធិមនុស្សអាដហុកខេត្តរតនគិរីបាន ឲ្យដឹងកាលពីម្សិលមិញថា ប្រជាសហគមន៏ជនជាតិដើមភាគតិចភូមិតេន ឃុំយ៉ាទុង និងភូមិឡំ ឃុំប៉ក់ញ៉ៃក្នុងស្រុកអូរយ៉ាដាវ បានរាយការណ៏មកអាដហុកជាបន្តបន្ទាប់ពីករណីដែលជនជាតិវៀតណាមឆ្លងដែន ចូលដីខ្មែរកាប់ឈើខុសច្បាប់ចាប់តាំងពីខែមុនមក។

លោកឆាយ ធីបានបញ្ជាក់ថា៖«ពួកវៀតណាមចូលមកកាប់ពេលយប់ និងដឹកចេញទាំងយប់ទៅប្រទេសគេ ដោយគ្មានការទប់ស្កាត់ទេ។យើងនឹងចុះអង្កេតពីរឿងនេះនៅសប្តាហ៏ ក្រោយនេះ ដើម្បីប្រមូលយកភ័ស្តុតាង»។

សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍

Forest in Cambodia

Pages