សកម្មភាពតវ៉ា របស់ក្រុមអ្នកភូមិ នៅលើវាលខ្សាច់ នៃអតីតបឹងកក់ ដែលកើតមានជម្លោះដីធ្លីដ៏រ៉ាំរ៉ៃ។ រូបថត ហុង មិនា
ភ្នំពេញៈ ក្រុមសកម្មជនដីធ្លីទាំងចាស់ទាំងក្មេង ជាង ២០០ នាក់ មកពីសហគមន៍ចំនួនបួន ក្នុងរាជធានីភ្នំពេញ បានបន្តជួបប្រជុំគ្នា នៅលើវាលខ្សាច់អតីតបឹងកក់ ដែលស្ថិតនៅចម្ងាយប្រមាណជាង ៥០០ ម៉ែត្រ ពីវិមានសន្តិភាព ជាទីដែលមេដឹកនាំនៃបណ្ដាប្រទេសជាសមាជិកអាស៊ាន និងមេដឹកនាំរដ្ឋាភិបាលអាមេរិក បានជួបប្រជុំពិភាក្សាគ្នា អំពីបញ្ហាជាសាកលរបស់អាស៊ាន និងកិច្ចចរចាភាពជាដៃគូសេដ្ឋកិច្ចក្នុងតំបន់។
កម្លាំងសមត្ថកិច្ចរាជធានីរាប់សិបនាក់ ក៏ នៅតែត្រូវបានគេដាក់ពង្រាយ នៅតាមមាត់ច្រកចេញចូលនានាដើម្បីទប់ស្កាត់ក្រុមអ្នកភូមិទាំងនេះ កុំឲ្យហែក្បួនចេញផងដែរ។
នេះជាការតវ៉ាឈានចូលដល់ថ្ងៃទីបី ដែលក្រុមសកម្មជនដីធ្លី ក្នុងសហគមន៍បឹងកក់ បុរីកីឡា ថ្មគោល និងសហគមន៍ផ្លូវ៣៤៧ បាននាំគ្នាធ្វើការទាមទារ ឲ្យមានការជួយអន្តរាគមន៍ ពីមេដឹកនាំនៃប្រទេសជាសមាជិកអាស៊ាន និងមេដឹកនាំអាមេរិកលោក បារ៉ាក់ អូបាម៉ា ជួយជំរុញដល់ប្រមុខរដ្ឋាភិបាល អំពីការលើកកម្ពស់សិទ្ធិពលរដ្ឋ បញ្ឈប់ការបណ្ដេញចេញ និងដោះលែងសមាជិករបស់ពួកគេ ឲ្យមានសេរីភាពឡើងវិញ។
សារទាមទារ «បញ្ឈប់អំពើហិង្សា ការបណ្ដេញចេញ សុំដោះលែងសកម្មជនដីធ្លី គឺអ្នកស្រី យ៉ោម បុប្ផា និង អ្នកស្រី ទឹម សាក់មុន្នី និងសិទ្ធិសេរីភាព នៃការបញ្ចេញមតិ» ជាច្រើនផ្ទាំង ទាំងតូចទាំងធំ ត្រូវបានគេចងភ្ជាប់នឹងប៉ឺតប៉ោងហោះ ចំនួន ១០០០ ដែលមានសរសេរពាក្យថា «SOS» មានន័យថា សូមជួយសង្គ្រោះផង ត្រូវបានក្រុមអ្នកតវ៉ាទាំងនេះបង្ហោះឡើងទៅលើមេឃ។ ខណៈនោះ គេឃើញមានឧទ្ធម្ភាចក្រនៃក្រុមកងរក្សាសន្តិសុខ ជិះឆ្វែលពីលើតំបន់វាលខ្សាច់ នៃអតីតបឹងកក់ ជាទីដែលក្រុមអ្នកតវ៉ាបានជួបប្រជុំគ្នា។
អ្នកស្រីទេព វន្នី តំណាងក្រុមអ្នកតវ៉ា ក្នុងតំបន់បឹងកក់ ដែលតែងតែអះអាងថា នឹងមិនមានការតវ៉ាទេ បើសិនជាបញ្ហាគ្រប់យ៉ាងនៅក្នុងសហគមន៍បឹងកក់ ត្រូវបានអាជ្ញាធរ យកចិត្តទុកដាក់ ដោះស្រាយប្រកបដោយតម្លាភាព និងសមភាពនោះ បានប្រាប់ភ្នំពេញប៉ុស្តិ៍ ដោយមានជំនឿយ៉ាងមុតមាំថា មេដឹកនាំនានាដែលមកចូលរួមក្នុងកិច្ចប្រជុំអាស៊ាននេះ អាចនឹងមើលឃើញ និងយល់ពីអត្ថន័យនៃសារអំពាវនាវ«SOS» របស់ពួកគេ ហើយនិងជួយជំរុញដល់ប្រមុខរដ្ឋាភិបាលកម្ពុជាបន្ថែមទៀត ក្នុងការពន្លឿនដំណោះស្រាយបញ្ចប់ជម្លោះដីធ្លីនៅតំបន់បឹងកក់ និងតំបន់នានាទូទាំងប្រទេសកម្ពុជា។ អ្នកស្រីបានបន្ថែមថា៖«ខ្ញុំសង្ឃឹមថា បញ្ហាប្រឈម និងក្ដីកង្វល់ទាំងអស់ របស់សហគមន៍យើងខ្ញុំ អាចនឹងត្រូវបានជំរុញឲ្យមានការដោះស្រាយជាក់ជាមិនខាន»។
ក្រុម អង្គការសង្គមស៊ីវិល ដែលឃ្លាំមើលពីបញ្ហានេះ ក៏បានលើកឡើងស្រដៀងគ្នានេះដែរថា មេដឹកនាំនៃប្រទេសជាសមាជិកអាស៊ាន រួមទាំងមេដឹកនាំនៃប្រទេសលោកខាងលិច នឹងមិនព្រងើយកន្តើយ អំពីបញ្ហាការរំលោភបំពានសិទ្ធិមនុស្សដែលកើតមានកាន់តែធ្ងន់ធ្ងរ នៅក្នុងប្រទេសកម្ពុជានេះឡើយ ហើយជឿថាមេដឹកនាំទាំងនោះ នឹងជំរុញដល់ប្រមុខរដ្ឋាភិបាលកម្ពុជា ឲ្យធ្វើកំណែទម្រង់បន្ថែមទៀត ដើម្បីពង្រឹងលទ្ធិប្រជាធិបតេយ្យនៅក្នុងប្រទេសនេះ។
ជម្លោះ ដីធ្លី នៅក្នុងតំបន់បឹងកក់ បានកើតឡើង ចាប់តាំងពីលោកអភិបាលរាជធានីភ្នំពេញ កែប ជុតិមា បានចុះកិច្ចសន្យាជួលតំបន់បឹងកក់ រយៈពេល ៩៩ ឆ្នាំ ទៅឲ្យសមាជិកព្រឹទ្ធសភា មកពីគណបក្សប្រជាជនកម្ពុជា លោក ឡាវ ម៉េងឃីន ប្រធានក្រុមហ៊ុនស៊ូកាគូអ៊ីន នៅក្នុងឆ្នាំ ២០០៧ ដោយមិនបានដោះស្រាយសំណងសមរម្យជូនប្រជាពលរដ្ឋដែលទទួលរងផលប៉ះពាល់៕
ភ្នំពេញៈ ក្រុមសកម្មជនដីធ្លីទាំងចាស់ទាំងក្មេង ជាង ២០០ នាក់ មកពីសហគមន៍ចំនួនបួន ក្នុងរាជធានីភ្នំពេញ បានបន្តជួបប្រជុំគ្នា នៅលើវាលខ្សាច់អតីតបឹងកក់ ដែលស្ថិតនៅចម្ងាយប្រមាណជាង ៥០០ ម៉ែត្រ ពីវិមានសន្តិភាព ជាទីដែលមេដឹកនាំនៃបណ្ដាប្រទេសជាសមាជិកអាស៊ាន និងមេដឹកនាំរដ្ឋាភិបាលអាមេរិក បានជួបប្រជុំពិភាក្សាគ្នា អំពីបញ្ហាជាសាកលរបស់អាស៊ាន និងកិច្ចចរចាភាពជាដៃគូសេដ្ឋកិច្ចក្នុងតំបន់។
កម្លាំងសមត្ថកិច្ចរាជធានីរាប់សិបនាក់ ក៏ នៅតែត្រូវបានគេដាក់ពង្រាយ នៅតាមមាត់ច្រកចេញចូលនានាដើម្បីទប់ស្កាត់ក្រុមអ្នកភូមិទាំងនេះ កុំឲ្យហែក្បួនចេញផងដែរ។
នេះជាការតវ៉ាឈានចូលដល់ថ្ងៃទីបី ដែលក្រុមសកម្មជនដីធ្លី ក្នុងសហគមន៍បឹងកក់ បុរីកីឡា ថ្មគោល និងសហគមន៍ផ្លូវ៣៤៧ បាននាំគ្នាធ្វើការទាមទារ ឲ្យមានការជួយអន្តរាគមន៍ ពីមេដឹកនាំនៃប្រទេសជាសមាជិកអាស៊ាន និងមេដឹកនាំអាមេរិកលោក បារ៉ាក់ អូបាម៉ា ជួយជំរុញដល់ប្រមុខរដ្ឋាភិបាល អំពីការលើកកម្ពស់សិទ្ធិពលរដ្ឋ បញ្ឈប់ការបណ្ដេញចេញ និងដោះលែងសមាជិករបស់ពួកគេ ឲ្យមានសេរីភាពឡើងវិញ។
សារទាមទារ «បញ្ឈប់អំពើហិង្សា ការបណ្ដេញចេញ សុំដោះលែងសកម្មជនដីធ្លី គឺអ្នកស្រី យ៉ោម បុប្ផា និង អ្នកស្រី ទឹម សាក់មុន្នី និងសិទ្ធិសេរីភាព នៃការបញ្ចេញមតិ» ជាច្រើនផ្ទាំង ទាំងតូចទាំងធំ ត្រូវបានគេចងភ្ជាប់នឹងប៉ឺតប៉ោងហោះ ចំនួន ១០០០ ដែលមានសរសេរពាក្យថា «SOS» មានន័យថា សូមជួយសង្គ្រោះផង ត្រូវបានក្រុមអ្នកតវ៉ាទាំងនេះបង្ហោះឡើងទៅលើមេឃ។ ខណៈនោះ គេឃើញមានឧទ្ធម្ភាចក្រនៃក្រុមកងរក្សាសន្តិសុខ ជិះឆ្វែលពីលើតំបន់វាលខ្សាច់ នៃអតីតបឹងកក់ ជាទីដែលក្រុមអ្នកតវ៉ាបានជួបប្រជុំគ្នា។
អ្នកស្រីទេព វន្នី តំណាងក្រុមអ្នកតវ៉ា ក្នុងតំបន់បឹងកក់ ដែលតែងតែអះអាងថា នឹងមិនមានការតវ៉ាទេ បើសិនជាបញ្ហាគ្រប់យ៉ាងនៅក្នុងសហគមន៍បឹងកក់ ត្រូវបានអាជ្ញាធរ យកចិត្តទុកដាក់ ដោះស្រាយប្រកបដោយតម្លាភាព និងសមភាពនោះ បានប្រាប់ភ្នំពេញប៉ុស្តិ៍ ដោយមានជំនឿយ៉ាងមុតមាំថា មេដឹកនាំនានាដែលមកចូលរួមក្នុងកិច្ចប្រជុំអាស៊ាននេះ អាចនឹងមើលឃើញ និងយល់ពីអត្ថន័យនៃសារអំពាវនាវ«SOS» របស់ពួកគេ ហើយនិងជួយជំរុញដល់ប្រមុខរដ្ឋាភិបាលកម្ពុជាបន្ថែមទៀត ក្នុងការពន្លឿនដំណោះស្រាយបញ្ចប់ជម្លោះដីធ្លីនៅតំបន់បឹងកក់ និងតំបន់នានាទូទាំងប្រទេសកម្ពុជា។ អ្នកស្រីបានបន្ថែមថា៖«ខ្ញុំសង្ឃឹមថា បញ្ហាប្រឈម និងក្ដីកង្វល់ទាំងអស់ របស់សហគមន៍យើងខ្ញុំ អាចនឹងត្រូវបានជំរុញឲ្យមានការដោះស្រាយជាក់ជាមិនខាន»។
ក្រុម អង្គការសង្គមស៊ីវិល ដែលឃ្លាំមើលពីបញ្ហានេះ ក៏បានលើកឡើងស្រដៀងគ្នានេះដែរថា មេដឹកនាំនៃប្រទេសជាសមាជិកអាស៊ាន រួមទាំងមេដឹកនាំនៃប្រទេសលោកខាងលិច នឹងមិនព្រងើយកន្តើយ អំពីបញ្ហាការរំលោភបំពានសិទ្ធិមនុស្សដែលកើតមានកាន់តែធ្ងន់ធ្ងរ នៅក្នុងប្រទេសកម្ពុជានេះឡើយ ហើយជឿថាមេដឹកនាំទាំងនោះ នឹងជំរុញដល់ប្រមុខរដ្ឋាភិបាលកម្ពុជា ឲ្យធ្វើកំណែទម្រង់បន្ថែមទៀត ដើម្បីពង្រឹងលទ្ធិប្រជាធិបតេយ្យនៅក្នុងប្រទេសនេះ។
ជម្លោះ ដីធ្លី នៅក្នុងតំបន់បឹងកក់ បានកើតឡើង ចាប់តាំងពីលោកអភិបាលរាជធានីភ្នំពេញ កែប ជុតិមា បានចុះកិច្ចសន្យាជួលតំបន់បឹងកក់ រយៈពេល ៩៩ ឆ្នាំ ទៅឲ្យសមាជិកព្រឹទ្ធសភា មកពីគណបក្សប្រជាជនកម្ពុជា លោក ឡាវ ម៉េងឃីន ប្រធានក្រុមហ៊ុនស៊ូកាគូអ៊ីន នៅក្នុងឆ្នាំ ២០០៧ ដោយមិនបានដោះស្រាយសំណងសមរម្យជូនប្រជាពលរដ្ឋដែលទទួលរងផលប៉ះពាល់៕
No comments:
Post a Comment
I like Blogger