គំនរស្បែកជើងរបស់ជនរងគ្រោះដែលស្លាប់នៅលើស្ពានកោះពេជ្រ បន្ទាប់ពីជនរងគ្រោះត្រូវលើកចេញអស់។ រូបថត លីណា
ភ្នំពេញៈ ក្រសួងសុខាភិបាលកម្ពុជា មិនឯកភាពលើការសិក្សាស្រាវជ្រាវ អំពីផលប៉ះពាល់នៃទុក្ខសោកមកលើសមាជិកគ្រួសារ ដែលបានបាត់បង់កូនចៅ នៅក្នុងការរត់ជាន់គ្នា ដែលបានកើតឡើងនៅលើស្ពានកោះពេជ្រ នៅថ្ងៃចុងក្រោយ នៃពិធីបុណ្យអុំទូកកាលពីឆ្នាំ ២០១០នោះទេ។ នេះបើយោងតាមក្រុមស្រាវជ្រាវ ដែលបានដាក់សំណើសិក្សានេះ។
កាល ពីថ្ងៃទី ២២ ខែវិច្ឆិកា ឆ្នាំ ២០១០ កន្លងទៅ មនុស្សយ៉ាងហោចណាស់ ៣៥៣ នាក់បានស្លាប់ និងរាប់រយនាក់ទៀត បានរងរបួសនៅក្នុងឧបទ្ទវហេតុដែលត្រូវបានគេហៅថា បណ្តាលមកពីការរត់ជាន់គ្នា នៅលើស្ពានកោះពេជ្រ ជាកោះដែលទើបអភិវឌ្ឍថ្មីមួយ របស់រាជធានីភ្នំពេញ។
បើ ទោះបីជាគណៈកម្មការស៊ើបអង្កេតរបស់រដ្ឋាភិបាល បានបង្ហាញថា ការស្លាប់គរលើគ្នាជាពំនូក ស្អិតទាញមិនចង់ចេញ បណ្តាលមកពីការថប់ដង្ហើមដោយសារតែរត់ជាន់គ្នាក៏ដោយ ក៏នៅក្នុងអំឡុងពេលនោះ ភ្នំពេញ ប៉ុស្តិ៍ បានរាយការណ៍ដោយបានដកស្រង់សម្តីរបស់ជនរងគ្រោះ នៅក្នុងហេតុការណ៍ នោះមួយចំនួន ដែលអះអាងថា ការស្លាប់ច្រើនគរលើគ្នា ស្អិតដកខ្លួនមិនរួចនោះ គឺដើមហេតុបណ្តាលមកពីខ្សែភ្លើង ដែលគេតដាក់ភ្លើងលម្អស្ពាន បានឆ្លងហើយឆក់។ ក៏ប៉ុន្តែយ៉ាងណាក្តី ការអះអាងនេះ ត្រូវបានមន្ត្រីរដ្ឋាភិបាលច្រានចោលភ្លាមៗផងដែរ។
ភ្នំពេញៈ ក្រសួងសុខាភិបាលកម្ពុជា មិនឯកភាពលើការសិក្សាស្រាវជ្រាវ អំពីផលប៉ះពាល់នៃទុក្ខសោកមកលើសមាជិកគ្រួសារ ដែលបានបាត់បង់កូនចៅ នៅក្នុងការរត់ជាន់គ្នា ដែលបានកើតឡើងនៅលើស្ពានកោះពេជ្រ នៅថ្ងៃចុងក្រោយ នៃពិធីបុណ្យអុំទូកកាលពីឆ្នាំ ២០១០នោះទេ។ នេះបើយោងតាមក្រុមស្រាវជ្រាវ ដែលបានដាក់សំណើសិក្សានេះ។
កាល ពីថ្ងៃទី ២២ ខែវិច្ឆិកា ឆ្នាំ ២០១០ កន្លងទៅ មនុស្សយ៉ាងហោចណាស់ ៣៥៣ នាក់បានស្លាប់ និងរាប់រយនាក់ទៀត បានរងរបួសនៅក្នុងឧបទ្ទវហេតុដែលត្រូវបានគេហៅថា បណ្តាលមកពីការរត់ជាន់គ្នា នៅលើស្ពានកោះពេជ្រ ជាកោះដែលទើបអភិវឌ្ឍថ្មីមួយ របស់រាជធានីភ្នំពេញ។
បើ ទោះបីជាគណៈកម្មការស៊ើបអង្កេតរបស់រដ្ឋាភិបាល បានបង្ហាញថា ការស្លាប់គរលើគ្នាជាពំនូក ស្អិតទាញមិនចង់ចេញ បណ្តាលមកពីការថប់ដង្ហើមដោយសារតែរត់ជាន់គ្នាក៏ដោយ ក៏នៅក្នុងអំឡុងពេលនោះ ភ្នំពេញ ប៉ុស្តិ៍ បានរាយការណ៍ដោយបានដកស្រង់សម្តីរបស់ជនរងគ្រោះ នៅក្នុងហេតុការណ៍ នោះមួយចំនួន ដែលអះអាងថា ការស្លាប់ច្រើនគរលើគ្នា ស្អិតដកខ្លួនមិនរួចនោះ គឺដើមហេតុបណ្តាលមកពីខ្សែភ្លើង ដែលគេតដាក់ភ្លើងលម្អស្ពាន បានឆ្លងហើយឆក់។ ក៏ប៉ុន្តែយ៉ាងណាក្តី ការអះអាងនេះ ត្រូវបានមន្ត្រីរដ្ឋាភិបាលច្រានចោលភ្លាមៗផងដែរ។
ភ្លាមៗ បន្ទាប់ពីឧបទ្ទវហេតុដែលបានសម្លាប់មនុស្ស ៣៥៣ នាក់ និងរងរបួសរាប់រយនាក់ផ្សេងទៀតនោះ អ្នកស្រាវជ្រាវសុខភាពផ្លូវចិត្ត នៅអង្គការចិត្តសង្គម អន្តរវប្បធម៌ នៅកម្ពុជា បានចាប់ផ្តើមធ្វើការសិក្សាស្រាវជ្រាវ ដោយសម្ភាសឪពុកម្តាយ ដែលកំពុងកាន់មរណទុក្ខ។ បញ្ជីសំណួរបានផ្តោតលើការបាត់បង់ និងថាតើ សំណងហិរញ្ញវត្ថុរបស់រដ្ឋាភិបាល អាចជួយក្រុមគ្រួសារបន្ធូរទុក្ខសោកដែរឬយ៉ាងណា? អង្គការនេះបានដាក់សំណើ កាលពីឆ្នាំមុន ទៅគណៈកម្មាធិការសីលធម៌ នៃក្រសួងសុខាភិបាល ដែលជាគណៈត្រួតពិនិត្យលើការសិក្សាស្រាវជ្រាវនៅកម្ពុជា ហើយដែលការឯកភាពពីគណៈកម្មាធិការនេះ ជាលក្ខខណ្ឌតម្រូវចាំបាច់ ចំពោះភាពជឿជាក់នៃការសិក្សា។ ប៉ុន្តែ នេះជាលើកទី ២ ហើយ តាមការចងចាំរបស់លោក ឈឹម សុធារ៉ា នាយកប្រតិបតិ្តនៃអង្គការចិត្តសង្គម អន្តរវប្បធម៌ ដែលគណៈកម្មាធិការនេះបានប្រគល់លិខិតបដិសេធមកវិញ ជាមួយនឹងការពន្យល់តិចតួច។
លោកសុធារ៉ាបានថ្លែងបន្តថា៖« ខ្ញុំគិតថា រដ្ឋាភិបាល ប្រហែលមិនចាប់អារម្មណ៍ទេ។ ខ្ញុំមិនដឹងទេថាតើពួកគេខ្លាចថា ការសិក្សានេះ ដោយសារមូលហេតុនយោបាយ ឬយ៉ាងណា នោះជាមូលហេតុដែលពួកគេមិន ពិនិត្យមើល»។ លោកបានបន្ថែមថា លោកមិនពាក់ព័ន្ធផ្ទាល់ក្នុងការសិក្សានេះទេ ហេតុដូច្នេះ លោកមិនអាចផ្តល់ការអត្ថាធិប្បាយបន្ថែម អំពីខ្លឹមសារនៃការសិក្សាឡើយ។ លោកបន្តថា៖ «ប៉ុន្តែខ្ញុំអាចនិយាយថា របៀបដែលគណៈកម្មាធិការសីលធម៌កម្ពុជា ចាត់ការលើការសិក្សាស្រាវជ្រាវ គឺខុសពីរបៀបដែលគណៈត្រួតពិនិត្យសីលធម៌ នៅសាកលវិទ្យាល័យក្រៅប្រទេស ពួកគេនឹងពិនិត្យមើលគ្រោះថ្នាក់ ដែលការសិក្សាស្រាវជ្រាវ អាចមានក្នុងសហគមន៍ទីនេះ។ ពួកគេចង់ពិនិត្យមើលចំណុចជាច្រើន ថាតើវាជាការស្រាវជ្រាវដោយសារមូលហេតុនយោបាយ ផលប៉ះពាល់លើសិទិ្ធមនុស្ស និងការរិះគន់រដ្ឋាភិបាលឬយ៉ាងណា?»។
លោក អេង ហួត ប្រធានគណៈកម្មាធិការសីលធម៌ និងលោក ម៉ម ប៊ុនហេង រដ្ឋមន្រ្តីក្រសួងសុខាភិបាល មិនឆ្លើយតបនឹងទូរស័ព្ទ ដែលស្នើសុំការអត្ថាធិប្បាយឡើយ។
ទោះជាយ៉ាងណា ក្នុងរយៈពេល២ ឆ្នាំ ចាប់តាំងពីមានព្រឹត្តិការណ៍រត់ជាន់គ្នានោះមក រដ្ឋាភិបាលមិនបានរំឭកអំពីឧបទ្ទវហេតុនេះឡើយ។ បើទោះបីជាលោកនាយករដ្ឋមន្រ្តី ហ៊ុន សែន បានហៅឧបទ្ទវហេតុនេះថា ជាសោកនាដកម្មដ៏អាក្រក់បំផុត នៅក្នុងប្រវត្តិសាស្ត្រកម្ពុជាចាប់តាំងពីរបបខ្មែរក្រហមក៏ ដោយ ក៏ប៉ុន្តែ ក្នុងពិធីបើកសម្ពោធស្ពានថ្មីតម្លៃ២លានដុល្លារអាមេរិក មន្រ្តីបានចៀសវាងមិនលើកឡើងអំពីឧបទ្ទវហេតុរត់ជាន់គ្នា នោះទេ។
ពេលនោះ នៅពេលសួរថាតើ អាជ្ញាធរបានត្រៀមលក្ខណៈសម្រាប់ពិធីបុណ្យក្នុងឆ្នាំនេះដែរឬ យ៉ាងណា? លោក ម៉ាន់ ឈឿន អតីតអភិបាលរងរាជធានីភ្នំពេញ បានថ្លែងថា ស្ពានថ្មីពង្រឹកសុវត្ថិភាព។ «[អ្នកមកលេង] មិនគួរភ័យខ្លាចថា មានអ្វីអាក្រក់កើតឡើង ចំពោះពួកគេឡើយ។ ស្ពាននេះត្រូវបានសាងសង់យ៉ាងល្អ»។
ស្ពានថ្មីនេះ មិននៅឆ្ងាយពីស្ពានចាស់ដែលត្រូវបានបំផ្លាញកាលពីចុងឆ្នាំមុន ឡើយ។ ទីកន្លែងស្ពានចាស់នោះនៅតែជាការរំឭកដ៏សោកសៅ ចំពោះមនុស្សជាច្រើននាក់ ដែលនៅទីនោះ នៅយប់នោះ ពេលដែលមនុស្សរាប់ពាន់នាក់ភ័យតក់ស្លត់ លើស្ពានមានមនុស្សកកកុញ។ ពិធីបុណ្យអុំទូកឆ្នាំមុន ត្រូវបានលុបចោល ដោយសារកើតមានគ្រោះទឹកជំនន់ ខណៈដែលនៅឆ្នាំនេះ ក៏ត្រូវបានលុបចោលផងដែរ ដោយសារតែសម្តេចឪ នរោត្តម សីហនុ បានយាងចូលទិវង្គត។
លោក Sonny Krishnan អ្នកនាំពាក្យអង្គការសុខភាពពិភពលោក នៅកម្ពុជា បានឲ្យដឹងថា បើទោះបីជាការបដិសេធការសិក្សាមិនមែនជាការបដិសេធលើការ រកឃើញនៃការសិក្សាក៏ដោយ ក៏ប៉ុន្តែវាបង្កលក្ខណៈស្ទើរតែមិនអាចចុះផ្សាយវាក្នុង ទស្សនាវដ្តីវេជ្ជសាស្រ្តល្បីឈ្មោះបាន។ លោកបានបញ្ជាក់ថា៖«អ្វីក៏ដោយ ដែលទាក់ទងនឹងការស្រាវជ្រាវលើមនុស្ស ត្រូវការការឯកភាពនេះ។ នោះជាមូលដ្ឋានទាំងមូល នៃគណៈកម្មាធិការសីលធម៌ ដើម្បីធានាថា ពួកគេប្រើប្រាស់វិធីសាស្រ្តស្រាវជ្រាវសមស្រប ជាពិសេសនៅពេលអ្នកសិក្សាស្រាវជ្រាវជាមួយនឹងស្រ្តី និងកុមារ និងអ្នកមានវិបតិ្តខ្លាំង»។
លោក Krishnan បានបន្តថា ចំពោះសំណើរបស់អង្គការសុខភាពពិភពលោក ស្តីពីជំងឺគ្រុនចាញ់ គណៈកម្មាធិការបានបដិសេធគំនិតបឋម។ ប៉ុន្តែ នៅពេលពួកគេឆ្លើយតបនឹងការរិះគន់ និងធ្វើបច្ចុប្បន្នភាពលើសំណើរបស់ខ្លួន ស្ថាប័នរដ្ឋាភិបាលមួយនេះ បានឯកភាពលើសំណើនោះ។
លោក Krishnan បានបន្តទៀតថា៖ «ខ្ញុំគិតថា គ្មានកត្តានយោបាយក្នុងគណៈកម្មាធិការនោះឡើយ។ សមាជិកក្នុងគណៈកម្មាធិការសីលធម៌ទាំងនេះ ជាគ្រូពេទ្យវិជ្ជាជីវៈ»៕ TK
No comments:
Post a Comment
I like Blogger