អតីតអនុរដ្ឋមន្ត្រីការបរទេសវៀតណាម លោកឡេ លឿង មីញ (ឆ្វេង)ក្នុងពិធីផ្ទេរតំណែងប្រមុខអាស៊ាន។ Reuters
ក្រុង ហ្សាការតា: បណ្តាញទូរទស្សន៍សិង្ហបុរី Channel News Asia បានរាយការណ៍ពីថ្ងៃពុធថា អគ្គលេខាធិការទើបនឹងឡើងថ្មីៗរបស់សមាគមប្រជាជាតិអាស៊ីអាគ្នេយ៍(អាស៊ាន)បានសម្ដែងកង្វល់ពីការវិវត្តយឺតឆ្ពោះទៅរកការបង្កើតសហគមន៍អាស៊ានត្រឹមឆ្នាំ២០១៥។
លោក ឡេ លឿងមីញបាននិយាយថារដ្ឋជាសមាជិកទាំងអស់មិនទាន់បានផ្តល់សច្ចាប័នលើសន្ធិសញ្ញាមួយចំនួននិងកិច្ចព្រមព្រៀងដែលចាំបាច់ដើម្បីប្រែក្លាយតំបន់នេះទៅជាផ្សារតែមួយនៅឡើយ។
ចំណុចនេះនឹងក្លាយជាបញ្ហាសំខាន់មួយដែលលោកនឹងផ្ដោតការយកចិត្តទុកដាក់នៅក្នុងអាណត្តិ៥ឆ្នាំនៅក្នុងតំណែងរបស់លោក។
លោក មីញ វ័យ៦១ឆ្នាំបានហៅក្រុងហ្សាការតាថាជាផ្ទះលោកតាំងពីបានឡើងកាន់តំណែងជាអគ្គលេខាធិការអាស៊ាននៅដើមឆ្នាំនេះ។
រដ្ឋធានីនៃឥណ្ឌូនេស៊ីនេះ គឺជាលេខាធិការដ្ឋានអាស៊ានដែលជាមជ្ឈមណ្ឌលកណ្តាលសម្រាប់សមាជិកអាស៊ានទាំង១០តាំងនៅ។
លោក ឡេ លឿងមីញបាននិយាយថារដ្ឋជាសមាជិកទាំងអស់មិនទាន់បានផ្តល់សច្ចាប័នលើសន្ធិសញ្ញាមួយចំនួននិងកិច្ចព្រមព្រៀងដែលចាំបាច់ដើម្បីប្រែក្លាយតំបន់នេះទៅជាផ្សារតែមួយនៅឡើយ។
ចំណុចនេះនឹងក្លាយជាបញ្ហាសំខាន់មួយដែលលោកនឹងផ្ដោតការយកចិត្តទុកដាក់នៅក្នុងអាណត្តិ៥ឆ្នាំនៅក្នុងតំណែងរបស់លោក។
លោក មីញ វ័យ៦១ឆ្នាំបានហៅក្រុងហ្សាការតាថាជាផ្ទះលោកតាំងពីបានឡើងកាន់តំណែងជាអគ្គលេខាធិការអាស៊ាននៅដើមឆ្នាំនេះ។
រដ្ឋធានីនៃឥណ្ឌូនេស៊ីនេះ គឺជាលេខាធិការដ្ឋានអាស៊ានដែលជាមជ្ឈមណ្ឌលកណ្តាលសម្រាប់សមាជិកអាស៊ានទាំង១០តាំងនៅ។
ក្នុងនាមជាជនជាតិវៀតណាមដំបូងដែលកាន់តំណែងអគ្គលេខាធិការនេះលោក មីញដឹកនាំអាស៊ានក្នុងគ្រាមានបញ្ហាប្រឈមបំផុត។កង្វល់ចំពោះមុខបំផុតរបស់លោកគឺការវិវត្តយឺតយ៉ាវក្នុងការបង្កើតសហគមន៍សេដ្ឋកិច្ចអាស៊ានត្រឹមឆ្នាំ២០១៥។លោកមីញ បានថ្លែងថា៖«យើងមិនទាន់ដើរលើផ្លូវត្រូវនៅឡើយ។ យើងនៅមានការងារច្រើនទៀត ដែលត្រូវធ្វើ។បញ្ហាប្រឈមធំមួយគឺថានៅពេលយើងអាចព្រមព្រៀងលើវិធានការជាច្រើនយើងអាច អនុម័តសន្ធិសញ្ញា និងកិច្ចព្រមព្រៀងជាច្រើន។ ជំហាននៃការផ្តល់សច្ចាប័ននិងការអនុវត្តលើផ្នែកនៃរដ្ឋជាសមាជិកគឺនៅមានសភាពយឺតយ៉ាវបន្តិច»។
ដោយទទួលស្គាល់ឧបសគ្គដែលរដ្ឋនីមួយៗបានប្រឈមលោកមីញ បានថ្លែងថារដ្ឋទាំងអស់ត្រូវតែពុះពារបើសិនអាស៊ានត្រូវក្លាយជាទីផ្សារតែមួយ។
អគ្គលេខាធិការរូបនេះ ក៏បានកំណត់ ចក្ខុវិស័យរបស់លោកពីការបញ្ចុះបញ្ចូលអាស៊ាន និងចិនចាប់ផ្ដើមពិភាក្សាគ្នាស្ដីពីក្រមសីលធម៌សម្រាប់សមុទ្រចិនខាងត្បូង។
មកដល់ពេលនេះលោកបានមើលឃើញការផ្លាស់ប្ដូរអារម្មណ៍វិជ្ជមានមួយនៅចិន។
លោកមីញបានមានប្រសាសន៍ ថា៖ «នៅក្នុងសេចក្ដីថ្លែងការណ៍គោលនយោបាយខ្លួនថ្នាក់ដឹកនាំចិនបានអះអាងថា អាទិភាពមួយក្នុងចំណោមអាទិភាពរបស់ពួកគេគឺសំដៅពង្រឹងទំនាក់ទំនងនិងកិច្ចសហការជាមួយបណ្ដាប្រទេសនៅជិតខាងផងដែរ។
លោកបានថ្លែងបន្តថា៖ «ខ្ញុំនឹងនិយាយថាអាស៊ានរឹងមាំរួបរួមគ្នានិងមានស្ថិរភាពមួយគឺជាផលប្រយោជន៍មិនត្រឹមតែបណ្ដាប្រទេសអាស៊ានប៉ុណ្ណោះទេប៉ុន្តែសម្រាប់បណ្ដាប្រទេសនៅជិតខាងយើងមានដូចជាចិនផងដែរ»។
លោកបានថ្លែងបន្ថែមថា អាស៊ានបានជម្នះរាល់ការបង្ហាញពីភាពមិនរួបរួមគ្នាកាលពីឆ្នាំមុននៅឯកិច្ចប្រជុំកំពូលរាជធានីភ្នំពេញហើយពេលនេះត្រៀមខ្លួនជាស្រេចដើម្បី ចាប់ផ្ដើមការពិភាក្សាជាមួយចិន។
ក្នុងនាមជាអគ្គលេខាធិការ លោក មីញ ប្រាកដជាឲ្យគេកាត់បន្ថយការងារលោកសម្រាប់រយៈពេល៥ឆ្នាំបន្ទាប់។
ការបង្កើតសហគមន៍សេដ្ឋកិច្ចអាស៊ានគឺនៅសល់តែរយៈពេលបីឆ្នាំទៀតប៉ុណ្ណោះហើយលោកត្រូវតែធ្វើឲ្យប្រាកដថា អាស៊ានរក្សាបាននូវភាពប្រាកដប្រជារបស់ខ្លួននៅក្នុងតំបន់ដែលធ្លាប់បានទាក់ទាញការចាប់អារម្មណ៍រួចហើយនៅក្នុងចំណោមប្រទេសមហាអំណាច៕ PN
No comments:
Post a Comment
I like Blogger