លោកសឿង យ៉ារ៉ាត ឈរនៅក្បែរផ្ទះអ្នកភូមិដែលនៅក្បែរផ្ទះរបស់លោក។ រូបថត ជីវ័ន
រតនគិរីៈ ជនជាតិដើមភាគតិចទំពូន ១២ គ្រួសារ នៅក្នុងឃុំកាឡែង ស្រុកលំផាត់ ដែលបានរត់ចោលផ្ទះ បន្ទាប់ពីត្រូវបានអ្នកមានអំណាច បានគំរាមសម្លាប់ បានដាក់ពាក្យប្តឹង ទៅតុលាការខេត្ត កាលពីថ្ងៃពុធ ប្តឹងអ្នកដែលបានគំរាមពួកគាត់។
លោកសឿង យ៉ារ៉ាត អាយុ៥០ឆ្នាំតំណាងឲ្យជនជាតិទំពូន ពិការជើងស្តាំនៅក្នុងឆ្នាំ២០០៩ ដោយសារការបាញ់ប្រហារ ពីសំណាក់បុគ្គលិកក្រុមហ៊ុន DM Group នៅពេលដែលគាត់បដិសេធពុំព្រមទទួលយកសំណង បានឲ្យដឹងថា ពលរដ្ឋរបស់លោកបានរត់ចោលផ្ទះសម្បែងកាលពីថ្ងៃពុធដោយសារភ័យ ខ្លាច ពីសកម្មភាពប្រើប្រាស់អាវុធគំរាមសម្លាប់ពីសំណាក់កូនប្រុស ម្ចាស់កសិដ្ឋាន។ លោកឲ្យដឹងថា៖ «ពួកខ្ញុំ១២ គ្រួសារភ័យក៏បានរត់រប៉ាត់រប៉ាយអស់ហើយ អត់មាននរណាហ៊ាននៅទេ បើសិននៅគេអាចបាញ់សម្លាប់ពួកខ្ញុំ»។ លោកបានដាក់ពាក្យប្តឹងកូនម្ចាស់កសិដ្ឋាន គឺលោក គុជជូ ច័ន្ទបូណាក់ ទៅតុលាការខេត្តរតនគិរី ពីបទបំផ្លាញផលដំណាំនិងប្រើប្រាស់ អាវុធគំរាមបាញ់សម្លាប់អ្នកភូមិ។ លោកបន្តថា៖ «កាលពីមានទំនាស់ជាមួយក្រុមហ៊ុន DM Group គេបានយកដីខ្ញុំហើយបាញ់ខ្ញុំឲ្យបាក់ជើងម្តងហើយ តែឥឡូវ មានអ្នកថ្មីមកគំរាមបាញ់សម្លាប់ខ្ញុំទៀតថាខ្ញុំរស់នៅលើដីគេ តែតាមពិតដីនោះ អាជ្ញាធរឃុំបានឲ្យពួកខ្ញុំចំនួន១ ហិកតាសម្រាប់១២គ្រួសាររស់នៅបន្ទាប់ពីដីពួកខ្ញុំគេយកអស់»។ ដើម្បីសុវត្ថិភាព អ្នកភូមិទាំងនេះ បានឡើងមកភ្នំពេញកាលពីម្សិលមិញ។
រតនគិរីៈ ជនជាតិដើមភាគតិចទំពូន ១២ គ្រួសារ នៅក្នុងឃុំកាឡែង ស្រុកលំផាត់ ដែលបានរត់ចោលផ្ទះ បន្ទាប់ពីត្រូវបានអ្នកមានអំណាច បានគំរាមសម្លាប់ បានដាក់ពាក្យប្តឹង ទៅតុលាការខេត្ត កាលពីថ្ងៃពុធ ប្តឹងអ្នកដែលបានគំរាមពួកគាត់។
លោកសឿង យ៉ារ៉ាត អាយុ៥០ឆ្នាំតំណាងឲ្យជនជាតិទំពូន ពិការជើងស្តាំនៅក្នុងឆ្នាំ២០០៩ ដោយសារការបាញ់ប្រហារ ពីសំណាក់បុគ្គលិកក្រុមហ៊ុន DM Group នៅពេលដែលគាត់បដិសេធពុំព្រមទទួលយកសំណង បានឲ្យដឹងថា ពលរដ្ឋរបស់លោកបានរត់ចោលផ្ទះសម្បែងកាលពីថ្ងៃពុធដោយសារភ័យ ខ្លាច ពីសកម្មភាពប្រើប្រាស់អាវុធគំរាមសម្លាប់ពីសំណាក់កូនប្រុស ម្ចាស់កសិដ្ឋាន។ លោកឲ្យដឹងថា៖ «ពួកខ្ញុំ១២ គ្រួសារភ័យក៏បានរត់រប៉ាត់រប៉ាយអស់ហើយ អត់មាននរណាហ៊ាននៅទេ បើសិននៅគេអាចបាញ់សម្លាប់ពួកខ្ញុំ»។ លោកបានដាក់ពាក្យប្តឹងកូនម្ចាស់កសិដ្ឋាន គឺលោក គុជជូ ច័ន្ទបូណាក់ ទៅតុលាការខេត្តរតនគិរី ពីបទបំផ្លាញផលដំណាំនិងប្រើប្រាស់ អាវុធគំរាមបាញ់សម្លាប់អ្នកភូមិ។ លោកបន្តថា៖ «កាលពីមានទំនាស់ជាមួយក្រុមហ៊ុន DM Group គេបានយកដីខ្ញុំហើយបាញ់ខ្ញុំឲ្យបាក់ជើងម្តងហើយ តែឥឡូវ មានអ្នកថ្មីមកគំរាមបាញ់សម្លាប់ខ្ញុំទៀតថាខ្ញុំរស់នៅលើដីគេ តែតាមពិតដីនោះ អាជ្ញាធរឃុំបានឲ្យពួកខ្ញុំចំនួន១ ហិកតាសម្រាប់១២គ្រួសាររស់នៅបន្ទាប់ពីដីពួកខ្ញុំគេយកអស់»។ ដើម្បីសុវត្ថិភាព អ្នកភូមិទាំងនេះ បានឡើងមកភ្នំពេញកាលពីម្សិលមិញ។
លោកបន្ថែមថា «បើគេចង់បាញ់ ឬក៏សម្លាប់មកសម្លាប់ខ្ញុំ នៅទីក្រុងភ្នំពេញមកដើម្បីឲ្យសម្តេចនាយករដ្ឋមន្ត្រីបានដឹងផង»។ បើតាមអ្នកភូមិ ចាប់តាំងពីចុងខែធ្នូមក កូនប្រុសម្ចាស់កសិដ្ឋានគឺលោក គុជជូ ច័ន្ទបូណាក់ និងលោក គុជជូ ច័ន្ទគ្រឹស្នា អមជាមួយកម្មករដោយមានអាវុធមកជាមួយ បានមកកាប់រំលំដើមឈើអ្នកភូមិ និងគំរាមបាញ់សម្លាប់ បើសិនអ្នកភូមិមិនរុះរើលំនៅដ្ឋានចេញទេនោះ។
លោក រស់ សារាំ ព្រះរាជអាជ្ញារងខេត្តរតនគិរី បានថ្លែងថា លោកពុំទាន់បានទទួលពាក្យបណ្តឹងនោះទេ ប្រហែលស្ថិតនៅក្នុងដៃរដ្ឋបាលដើម្បីធ្វើការចុះបញ្ជី។
លោក ប៉ែន ប៊ុណ្ណារ៍ មន្ត្រីស៊ើបអង្កេតជាន់ខ្ពស់នៃសមាគមអាដហុកបានមានប្រសាសន៍ថា អង្គការអាដហុក បានសម្រេចផ្តល់កន្លែងស្នាក់អាស្រ័យបណ្ដោះអាសន្នជូនអ្នកភូមិនោះ។ លោកបន្តថា៖« ពួកគាត់ភ័យខ្លាចនឹងការគំរាមកំហែងដោយឈ្មួញមានអាវុធ គាត់ក៏បានរត់ចេញពីផ្ទះ ដូច្នេះយើងជួយគាត់ក្នុងនាមគាត់ភៀសខ្លួនពីភូមិគាត់»។ បើតាមលោកប៉ែន ប៊ុណ្ណារ៍ អ្នកដែលបានគំរាមអាយុជីវិតជនជាតិភាគតិចទាំងនោះ គឺជាមន្ត្រីយោធា ធ្វើការនៅក្រសួងការពារជាតិពាក់ស័ក្តិ ៤។ មន្ត្រីក្រសួងការពារជាតិ បានឲ្យពលរដ្ឋទាំងនោះ ដាក់ពាក្យបណ្តឹងមកក្រសួង។ លោកប៉ែន ប៊ុណ្ណារ៍ បានថ្លែងទៀតថា៖ « រឿងនេះវាអយុត្តិធម៌ណាស់សម្រាប់ពួកគាត់ ក្រុមហ៊ុនមួយ បានយកដីគាត់ហើយបាញ់គាត់បាក់ជើង ហើយស្រាប់តែពេលនេះ មានអ្នកផ្សេងគេមកគំរាមយកដីពួកគាត់ទៀត»។
មេឃុំកាឡែង លោក ស៊ុត សុំ មានប្រសាសន៍ថា បន្ទាប់ពីការចុះទៅអង្កេតមកគឺរកឃើញថា ពិតជាមានការគំរាម និងកាប់ផលដំណាំប្រជាពលរដ្ឋមែនហើយសូម្បីតែរូបលោក ក៏ទទួលរងនូវការគំរាមកំហែងពីគ្រួសារម្ចាស់កសិដ្ឋាននោះដែរ។ លោកបន្តថា៖ «ខ្ញុំបានប្រាប់ប្រជាជនថា មិនបាច់ចេញទៅណាទេ បើទោះបីជាគេកាប់សម្លាប់ក៏ឲ្យសម្លាប់នៅក្នុងភូមិនេះទៅ»។
លោកគុជជូ ច័ន្ទបូណាក់ពុំអាចទំនាក់ទំនងសុំការអធិប្បាយបានទេកាលពីថ្ងៃម្សិលមិញ។
ទំនាស់ ដីធ្លីដ៏រ៉ាំរ៉ៃ រវាងអ្នកភូមិជនជាតិដើមភាគតិចទំពូន១៣៦ គ្រួសារ ជាមួយក្រុមហ៊ុន DM Group លើទំហំដីសរុប ២៦០ហិកតា បានអូសបន្លាយតាំងពីឆ្នាំ ២០០៥ មក រហូតមកដល់ពេលនេះ នៅមិនទាន់បានដោះស្រាយជូនប្រជាពលរដ្ឋនៅឡើយទេ។ ជម្លោះដីធ្លីនេះមានមនុស្ស១៨ នាក់ ក្នុងនោះមានមន្ត្រីសិទ្ធិមនុស្ស ៣ នាក់ និងអ្នកសារពត៌មានម្នាក់ បានទទួលរងនូវការចោទប្រកាន់ពីតុលាការតាមបណ្តឹងរបស់ក្រុមហ៊ុនតាំងពីឆ្នាំ២០០៨មក៕
No comments:
Post a Comment
I like Blogger